السلام عليكم ورحمة الله وبركاته 00وبعد00
الجحادر حاربة ناهس و شهران كافه لان في بيشه حدثة حرب بين قبيلة معاويه من اكلب ضد شهران ونزولهم من عسير الى نجد ودامة حربهم حوالي 50 عام قال احد شعراء في ذالك الزمن
حسبي على الجحادر صعيبين الافعال**حاربونا معا بياض الصبح والليل عميان
ونكسر ضلع ناهس بعد حمل الاثقال**وتثليث راحت وضفت جموع قحطان
وواجهنا رجال بلقا كما نصب الجبال** معاويه من جموع اكلب هل الخيل (دمعان)
وقيل انا سبب حرب معاويه اكلب وشهران سبب الجحادر ؟؟؟
وسارة الحرب مده طويله بين شهران ومعاويه على بيشه لين حط الله الملك عبد العزيز رحمه الله وصلحو
وكان ابرز المصلحين شيوخ من قحطان ومن سبيع ومن يام ومن امطير وعتيبه على المصالحه شهران تاخض جنوب بيشه ومعاويه واكلب باقي ديار بيشه الين اواسط بروق نجد يم الرين بحوالي 70 كم الى محاذات سبيع
وجبال الخثعمي
الجحادر يوم وصلوا قرا وهبان وهو الشفا اللي قبل تثليث تصالحوا مع اهل بيشه وكان فيه هواجر مع اهل بيشه وصار قرا وهبان حد بينهم وقاموا اهل بيشه يعطونهم من التمر ووبعدها تواجهوا مع قبيلة ناهس وأنكسروا ناهس بعد ما قتل شيخهم حناظل على يد الفارس مملوك من آل مسعود آل الجمل وقد كان حناظل يرمي مع ثقب الرحى وأستطاع الفارس مملوك إصابته مع الثقب وقد ذكرت ذلك في المشاركة الاصلية وبعد تثليث حولوا على الوديان وخذوا سهم الدرع من سبيع وتصالحوا مع سبيع وحولوا على الوادي وقال محمد بن هادي شيخ الجحادر للدواسر حنا نبي نخل الشرافا قالوا الدواسر إلا بنعطيك مية بعيرمحملة بالتمر ووافق على ذلك وبعدها جوزوه الدواسر ساره وطلقها في ما بعد مشكلة حدث بينهم وعقل لها بعير ورحل من الدواسر وأنشد يقول:
أحب عندي من نخيل الشرافا .... ورع صغير تو ما اقبل شبابـه
و ان طلبتــه حـبـةِ مـاتـجـافــا .... دقيق رمش العين سهلٍ جنابه
وقال عمر بن هادي :
يامن يشيع بالخبر للشرافـا .... النصـر مـن رب الـمـقـادير جابـه
يذكر عشير محمد إنه مخافا .... خلى على المرحان يسحب حجابه
وعندما علم شيخ الشرافا بذلك أنشد قائلاَ:
ياراكبِ من فـوق درم الخـفافــا....يشدن لدالوب البحر في انهذابه
يلفن لنا شيخِ بـه الطيب نافـا....لولا وقــاره كـان ثـمـن جـــوابــه
بين الـقـعـاص وبينه والمـشــافــا.... غرس حمينا من جموعك جنابه
ليتك تشوفه في ليالي الخرافا .... لازان مـقـيـاظـه وكـلِ هـقـابــه
لاقــام لليمنان فيـه اخـــتلافــا .... ذا ماليِ ردنــه ولاخــر جــرابه
