شاعر قحطان النجم القطبي الذي يستدل به النسابين والمؤرخين وباحثين التاريخ
محمد بن سالم جروان العلياني في قصيده قالها في
الشيخ عبدالمحسن بن علي المبارك آل مسعود الجحادر
((محسن إن عدة رجال القبايل))
محسن إن عدة رجال القبايل = انشهد إن محسن قليل قرينه
له ميزات كاملات الخصايل = والكامل الله ميزات ثمينه
ديًن صخي ما مشا بالرذايل = ولا على الجاره صرف طرف عينه
وإلي طرق بابه من الخلق سايل = مديون يبحث عن تقي يعينه
يبشر من المحسن جزيل الفضايل = مدة صخا الله سريع بحينه
ما مقصده لعيون قيل وقايل = ماطاع شيطان الغوا نحو دينه
يبغي بها يوم الفزع والهوايل = نجو من الله كلنا خايفينه
يوم الحساب ويوم عدل ومايل = وما قدمت لنفس فهي به رهينه
قد شاف من بقعا نجوم القوايل = وقلبة على البصمة أعضودة متينة
ثم الفت يمه منشي المخايل = يا سعد من رب الخلايق عوينه
اغناه ربه وأصبح الهم زايل = من طيب حظه كاسبه من جبينه
يشفق علي العليا صبي الجمايل = فقد شاع صيته والعرب مادحينه
نجد اتبشر به اعطاش المسايل = حفر أبيار وكل بئر وكل بئر مكينة
من حرما يملك أموال هوايل = الله على درب الهداية يعينه
منها الحصي وعريفها الذوايل = مثل الشهيلا والرباوي الحسينة
والحلقة العليا سقتها المخايل = ومويسل الغالي بلدنا الرسينه
وفي كل ما قلته ترالي دلايل = مكاين تزعج لها به رطينه
وقول وكد ماهوب سرد ومثايل = يشهد لي اللي ما بها مرتوينه
دار الجحادر محتمين الدبايل = لطامه العايل إلى بان شينه
بني مظيم أمعدله كل عايل = يا ويل من بنحورهم زاحمينه
وترا عبيده من عصور الأوايل = ظيم على الصاحب أجبال رزينة
وعيال عبدالله أتروبي السلايل = لمانوا رجالهم نزع دينه
محسن توفر به جميع الوسايل = محمودة المعنا على كل سينه
حازالفخر نسل الرجال الأصايل = النعم غصب من فعايل إيمينه
علقم عسل جتله من الله نحايل = ثنتين توجد به قساوه بهينه
وعدم إلى شاف العديم المحايل = لواه لي لين كره يهينه
فتال حلال لعسر الحبايل = ماهوب خبل داشر في سنينه
ما ظنتي مثله تجيب الحلايل = سهم صغي قرم قوي يقينه
مثله يبني ناس ولا من صمايل = وعزي لمن تقصر من الماء إيدينه
ماهوب محتاج لشرح الدلايل = شعب السعودي كلهم خابرينه
واستغفر الله عد ما زال زايل = عن ما جنيته ذنب بيني وبينه
تمت وصلو عد وبل المخايل = على نبي بالهدى تابعينه
الشاعر/الفقيرالى رحمة ربه وعفوه وغفرانه
محمد بن سالم بن جروان آل عليان قحطان
