قال هذه الأبيات عندما توقفت عنه قبائل قحطان القاطنين في الكويت عام 81 هـ وهو في السجن
مع العلم بأن كثير من الأجانب زاروه هو وزملائه القحاطين الثلاثة فقال هذه الأبيات
متأسفآ على جماعته من هذه الباردة.
يالله يا منشي امزون المخيلة = يا وامر عقب المحل بالمخايل
أفرج لمسجونآ نسته القبيلة = في دير الغربة رمته الحبايل
مسجون مهونآ ولا أحدآ يحيله = ومحددآ ما سايلآ عنه سايل
لومي على كل قحطان دليله = اللي بحد الكوت منهم نزايل
الومهم لوم يعم الاصيله = يشمل عبيده والجحادر خصايل
تكفون يا قحطان وش هلفشيله = يا الله دخيلك من كبار الفشايل
وش علمكم راحت عليكم دبليه = ماهوب حقآ يا عيال الحمايل
مجرانكم لبو عكم ويشي دليله = ما تاه رجلآ يقتدي بالدلايل
عاداتكم كسب العلوم الجميلة = ما مثلكم تنسون كسب الجمايل
نشره على اللي يحتمون الدبيله = اللي تعد جدودهم بالأوايل
واللاشي لاش ما نحسبه حصيلة = هذا نعده من حساب الحلايل
يبنا لسمر فوق عبطا طويله = بيضاء تحط بمشرفات المثايل
الرجال يترك للحمول الثقيلة = والحشو ما تنقل حمول ثقايل
تمت وصلوا عد وبل المخيلة = على النبي بعداد وبل المخايل
قولومعي كلما أنشدتم رحم الإله صداك ياقحطاني
قولومعي كلما أنشدتم رحم الإله صدا بن جرواني العلياني
اللهم إرحم عبدك الفقير إلى عفوك ورحمتك وغفرانك
محمد بن سالم بن جروان العلياني القحطاني
وجميع أموات المسلمين والمسلمات
اللهم صل على محمد وعلى آله وصحبه أجمعين
_________________ تــوقــيـع
ماننحني إلاً الإله الواحـــــــــد=نركع وخرينا على الأذقـــاني
وجًهة وجهي للًذي خالقني = سبحانك اللهم لك سبحاني
