شبكة حصاة قحطان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا

ادارة المنتدى


لقبائل ال عليان والجحادر وقحطان
 
الرئيسيةبحـثالتسجيلدخول

شاطر | 
 

 هنا مختارات ذهبيه

اذهب الى الأسفل 
كاتب الموضوعرسالة
عاصي الشعراء العلياني
مدير العام
مدير العام
avatar

الدولة : السعودية
تاريخ التسجيل : 23/07/2010
عدد المساهمات : 1797

مُساهمةموضوع: هنا مختارات ذهبيه   الإثنين أغسطس 11, 2014 10:44 pm

((شيخنا قاد الفيالق على هل من مزيد))
ياسلام الله سلامي على السامع وكيد= والعدد مابه عدد والمدد توًه طري
الوفاء لهل الوفاء والسعاده لاالسعيد= والعباده نهجها ماتجي لاالمفتري
والشجاعه ماتجي باالتصنع والقصيد= وبن ماجه والعواجه حديث البحتري
والبدايه والنهايه على نهج المجيد =دربنا درب الشهيد الشجيع الصيرمي
شيخنا قاد الفيالق على هل من مزيد= حارب أحزاب النجوم الزحل والمشتري
جدًد الله دعوته يفعل الله مايريد=مفتي الدوله على النازح والزمخشري
من جحادر من عبيده على الجمع الصميد= ماتغطي شمسنا ياالضراغم زمجري
لانوينا ونتحينا على البيداء تبيد=والجموع إجموعنا لقبلت باالجحدري
الله أكبرفي غداة أورواحه فالمسيد = حن بني مضيم الرواسي دهاة العبقري
الإمام الفيصلي مانخون أولانحيد= رادة الله شائته من رضي ولاً زري
مانخون البيعة اللي عليه الله شهيد=لالوطن والدين والجار والحاكم دري
حن بني مضيم الرواسي على رغم العنيد=والفروض الواجبه والحرم والمشعري
حن بني قحطان طوفان فرعون المريد= ننتحر لجل الصطر غيرنا باالمسكري
نحمد الله نشكره من حفيد ومن وليد=رادة الله شائته حيل قادر نقدري
والحرار الكاسره في سماها والمشيد=والعلوم الطايله لانوينا تقصري
والصواعق من سمانا على حبل الوريد=والدهاة اللي غزاة ابن موسى الأشعري
والعواصف طلوحت بنقره والمندريد=والنوايا والرزايا على مر الشري
ياجسر عبر البحر عندنا ماله نديد= ولارفع صوت النداء يالبوادي حضًري
والحذر كل الحذر تعطي السر البريد=لوتطول سنين لازم زكاة السمسري
كم قرينا كم كتبنا على ماضي تليد=والغزاة أحكامهم لاصرمناهم سري
من زمرنزمر زمر يرجع الزامر شريد=ننتحر عند اللقاء يافري جيبه فري
رجت إطبول الحرايب على صيد الثريد =شعشع البارق سمانا سرى ليله سري
من تبدا لاتحداًيفيد ويستفيد=والجنون المستجنه صعوط الزمعري
مع تحيات /عاصي الشعراء
عبدالله بن فراج العلياني القحطاني
=====================
((حنا هل التوحيد وحنا الشعاعير))
والله لصيًرعاصي القاف تسطير=لالاد صالح والرواسي شهيقه
لاغيمت ثم اقبلت بالشراشير=ساسي تحدي والشجاعه عريقه
خيالة الجدعا سهوم وتعازير=ينزل خبرمن فوق سبع الطبيقه
والاد لاحق من سماهم محادير=فوق الشواهق والبحور الغميقه
وآل الجمل وياالجحادرمغاوير=أصل الخطرمخطورمنا حريقه
حنا الجحادرندعس الصاروالصير=رغم الأنوف العاصيات الحميقه
حنا عذاب الواردات المصادير=العاديات الغايرات الصفيقه
حنا هل الصكات لومابها خير=قحطان طوفان الغرق والغريقه
بصمة شرف قحطان مافيه تزوير=خطف النظرلمح البصرفي شعيقه
ماقدرالوالي علينا مقادير=حنا على العدوان قوم سحيقه
لو يمتثل عزران جاه البلا غير = أخفاه ربي من عيون الخليقه
شاعررسول الله له أشعارتعبير=حسان بن ثابت وحنا فريقه
أركاعلى الأزلام باالغيظ تكسير=حناسيوف الحق وحبل الشنيقه
حنا هل التوحيدوحنا الشعاعير   = نزل الصواعق من سمانا صعيقه
والله ولاجساس مع سالم الزير = اللي يزوم النفس نطمس بريقه
أصل الخطرمخطورمنا خطاطير=الضغط عالي والعدومايطيقه
حنا كماء التجويدوايات تفسير = كادي أوعنبروالمطهرغبيقه
دون الوطن والدين بصمه وتقرير=بمرالإمام الفيصلي مانعيقه
مانخلع الطاعه ولايمكن إيصير=فيمامضى واللي بعد في طريقه
لويزهم الحاكم نجي له طوابير=أسرع من سكود الخطر في زريقه
الله خلقنا رادته سرتجهير= قحطان طول ازمان شمس شريقه
ماهيب سوالف ليل وقبع القوارير= وللاًبعد فنان جرً المسيقه
حنا هل الطنخات بفعال تمطير=والخافي أعظم لونقول الحقيقه
تاريخنا هجري علا آب فبرير=وشباط مع تموز وادي إزميقه
أوكل القبايل باالفعايل مشاهير = يشهد لي الله والوجيه الطليقه
من عاصي الشعار والقاف تصخير = خلاً مماليك القوافي عتيقه
وصلاة ربي عد ماهل تكبير = علا النبي في كل لحظه دقيقه
مع تحيات :عاصي الشعراء
عبدالله فراج العلياني القحطاني


_________________ تــوقــيـع

ماننحني إلاً الإله الواحـــــــــد=نركع وخرينا على الأذقـــاني
وجًهة وجهي للًذي خالقني   =  سبحانك اللهم لك  سبحاني


إفروض ربك بالبدايـة عناويـك = الواحد المعبود إركع لـه إسجـد
الواحد المعبود ساتـر مساويـك = من يرجي المخلوق ستره تبـدد
الرجوع الى أعلى الصفحة اذهب الى الأسفل
http://al3leian.ahlamontada.com
عاصي الشعراء العلياني
مدير العام
مدير العام
avatar

الدولة : السعودية
تاريخ التسجيل : 23/07/2010
عدد المساهمات : 1797

مُساهمةموضوع: رد: هنا مختارات ذهبيه   الإثنين أغسطس 11, 2014 11:06 pm

(حنا الجحادرمن يكابرعلى وين)
حنا الجحادرمن يكابر على وين= يدفع لنا الجزيه ولاهي إطلابه
حنا الجحادر وقحطان السلاطين = فوق النجوم العاليه والسمابه
يشهد لنا تاريخنا بالبراهين= والقائد الأعلى صحيح الإجابه
دون الوطن والدين والقايد إيمين = مانخلع الطاعه على مانوى به
حنابني مضيم الضواري مسمين = لاصرًخ الكاسرعليهم عطابه
الشيخ هادي هوشهيد القحاطين =بمر الإمام الفيصلي قد رمابه
في وجيه منهم سلمهم سلم رابين= المشركين مخططين إنقلابه
قاد الجيوش الهادره ضد جيشين= الترك والباشاعلي ولتقابه
معذور عن تعريفنا يبن سيرين= الجامع الأزهر ترانا كتابه
الشيخ بن وهاب جاوب على السين= رغم الأنوف الراغمه والزلابه
مفطومنا مصعوط صعط المجانين= جن الجنون المستجنه تهابه
لارجًت أمواج الغرق بالفراعين =طوفاننا طم البحور وغدابه
لاغيّمت ثم أقبلت بالشياطين = لباشياطين السطرفالحرابه
والمؤمن المسكين مسكين مسكين= لاحلًت العزوه تشوف الردى به
أهل الظلال أغووبه ولاله إمعين =يامال فرقا العين خاب الرجابه
ينقاد لهل الفكر من بحر قزوين = في شباكهم صادوه مارد جابه
قال القوافي شاعر(ن) يحمر العين = آلاد صالح عزوتي عزلابه
وكل القبايل بالفعايل ولاتهين=في سلًم الطالات كلً (ن)رقابه
مع تحيات /عاصي الشعراء
عبدالله بن فراج العلياني القحطاني


_________________ تــوقــيـع

ماننحني إلاً الإله الواحـــــــــد=نركع وخرينا على الأذقـــاني
وجًهة وجهي للًذي خالقني   =  سبحانك اللهم لك  سبحاني


إفروض ربك بالبدايـة عناويـك = الواحد المعبود إركع لـه إسجـد
الواحد المعبود ساتـر مساويـك = من يرجي المخلوق ستره تبـدد
الرجوع الى أعلى الصفحة اذهب الى الأسفل
http://al3leian.ahlamontada.com
 
هنا مختارات ذهبيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حصاة قحطان :: المـجـــالــس التـاريخـيـه :: مجلس تاريخ وأنساب وقصص وفرسان آل لجمل والجحادر وقحطان-
انتقل الى: