محمد بن فطيس .... ماكني اعرفه؟؟؟

ارررررررحب ياراعي الجدعاءوتسلم ع القصيده ويعطيك الف عافيه

بسم الله الرحمن الرحيم والحمدلله رب العالمين والصلاة والسلام على أكرم المرسلين سيدنا وحبيبنا محمد وعلى آله وصحبه أجمعين أحباء الحرف أوفياء الكلمة بادئ ذي بدء اتقدم اليكم بخالص الشكر على ذوقكم الرفيع في إثراء هذا الموقع شبكة حصاة قحطان بــ جمال وروعة وعبق حروفكم النابعة من اعماق اعماقكم هنيئا لنا بكم إن هي الا كلمة ترحيبية عفوية قد لا تليق بمقامكم السامي حياكم الله وعلى الخير نلتقي .

و أختار لكم الشاعر سمو الامير خالد الفيصل


من بنات الريح لي صفرا جفول .. كنها ظبي الفلا بجفالها
منوة الخيال عسّـاف الخيول .. زينها في دقهـا وجلالهـا
زينها ما شفت وصفه بالمثول .. الله اللي بالجمال اصخى لها
تستذير كحيلتى من كل زول .. ما يصخرها سوى خيّـالها
اذكر الله كل ما قامت تجول .. و احمد الله خصنى بحبالها
كنها تمشي على قرع الطبول .. فتنى اللي خافقه يبرى لها
ظافي القصه على الطرف الخجول .. تنكسر شمس العصر بظلالها
وصفها وصف السحاب اللي يحول .. كل عين تستخيل خيالها
أو كما طاري على الخاطر عجول .. صاحبه حقيقته ما طالها
كل رجل في حياته له ميول .. والهوايــة تمتلك رجالهــا
على الركايب وفـوق الخيـل
غارات جيـش ٍ و خيـالـه
صبـاح ولا هـّجـد اللـيـل
ماأحـد ٍ تهـنـى في مقيـالـه
الهجن من فوقهـا شجعـان
أسـود ونـمـور و ذيـابـه
السيف والرمح جاله شان
وردواعلى المـوت حّرابـه

بنت الكحيله مهــرتي
وخيالتي من كل اصيل
ألقى عليها طربتي
بين المعنـــــــق والشلــــــــيل
صدر وقطاة فلـــوتي
العنــــق والســـــاق الطويــــــــــــل
وقع الحـــوافر نغــــــمتي
وحــــداتنا رجـــــــع الصهيـــــــل
أبوي وجدي قدوتي
لو ما لهــــم عنــــــــــدي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل
لا يطول غيابك ثم اخذ عليه
لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقى نحتريه
ما بي دموعك اللي عقب موتي تهلا
ما بقى بالعمر مقدار ما راح فيه
كل ما زل يوم يوم بالعمر ولى
ما يعرف الجمر مثل الذي يكتويه
احد يدفا بناره واحد فيه يتصلى
يا من القلب حطيته براحة يديه
ما رضى له مكان غير كفك محلا
كم تعذر وعيا عن هوى مهتويه
لين طاح بيمينك بالغرام وتجلى

ارحب يامثل السويداني تراحيب المطر لاهنت وبيض الله وجهك يالعزوه تسلم يمناك لاعدمناك