يا ذيب عاهدنـي واعاهـدك مـا رميـك

يـا مرقـب بالصـبـح ضلـيـت ابـاديـك= مـــا واحـــد قـبـلـي خـبـرتـه تـعــلاك
وليـت يـا ذا الدهـر مـا اكثـر بلاويـك= الله يـزودنـا الـسـلامـه مـــن اتـــلاك
يللـي علـى العربـان عمـت شكـاويـك =ولـيـت يــا دهــر الخـطـا ول مـقـواك
والـيـوم هالكـانـون غــادي شبـابـيـك =تلعـب بـه الاريــاح مــن كــل شـبـاك
يـا مالـك اسمـع جابتـي يـوم اوصيـك =واعرف ترى يا بوك بامـرك وانهـاك
وصـيــة مـــن والـــد طـامــع فــيــك =تسبـق علـى السـاقـه لسـانـه لعلـيـاك
اوصيـك بالتقـوى عسـى الله يهـديـك =لـهــا وتـدركـهـا بـتـوفـيـق مــــولاك
الله بـحــق اجـــدادك الـغــر يعـطـيـك =رضـاه مـع كـل مـا تمنـى مـن امنـاك
احفظ دبشك اللي عـن النـاس مغنيـك =اللـي الـى بــان الخـلـل فـيـك يـرفـاك
واعـرف تـرى مكـه ولاهــا بناخـيـك =لو تطلبه خمسـة دواويـن مـا اعطـاك
اجعـل دروب المرجـلـة مــن معانـيـك =وادراج سيسهـا عـلـى الـعـز مـرقـاك
لا تنـسـدح عنـهـا وتبغيـنـي اعطـيـك= جمـيـع مــا يكفـيـك مــا حـاصــل ذاك
احــذر امــر ليـعـات تبـيـهـا لتـالـيـك =ايضـا ويرخـص عندهـا قـدر مــأواك
ادب ولــدك ان كــان تبغـيـه يشفـيـك =واستسعفـه مــن بـعـد مـربـاه يــالاك
امـا سمـج واستسمجـك عنـد شانيـك =ويفـر مـن فعلـه صديـقـك وشــرواك
والا بـعـد جهـلـه تــرا هـــو بـيـاذيـك =لــو زعـلـت امــه لا تخـلـيـه يـــالاك
واحذر تضيع كـل مـن هـو ذخـر فيـك =معـروفـه لا تنـسـاه واوفــه لـعـرفـاك
تـرا الصنايـع بيـن الاجـواد تشـريـك =الـــى طـمـعـت بـركـزهــا لا تــعــداك
واحـذر سـرور بغبـة البـحـر يرمـيـك =ولا عنـده افلـس مـن تشكيـك وبكـاك
واوف الرجـال حقوقهـا قـبـل تعنـيـك =لا تعـتـمـد بالـعـفـو فـالـحـق يـقـفــاك
وهـرج النميمـه والقفـا لا يجـي فـيـك =وايـاك وعـرض الغافـل ايـاي وايــاك
تـبـدي حـديـث للـنـاس فـيـه تشكـيـك =وتهيم عنـد النـاس بالكـذب واشـراك
واذا نـويـت احـــذر تـعـلـم بـطـاريـك =كـم واحـد تبغـي بـه العـرف واغـواك
واحـذر شماتـة صاحـب لـك مصافيـك =والـى جـرا لــك جــاري قــال لــولاك
ولا تحـسـب ان الله قـطــوع يخـلـيـك =ولا تفـرح ان الله علـى الخلـق بـداك
ان اشتهـى حـط الطمـع فــي توالـيـك =لـو مـا لقيتـه يـا فتـى الـجـود يلـقـاك
والضـيـف قــوم لـــه حـيــن يلـفـيـك =ممـا تنوشـه يـا فـتـى الـجـود يمـنـاك
اكــرم قبـالـه فانـهـا مـــن شـواديــك =وابـذل لــه المجـهـود مــا دام يعـنـاك
واوصيك زلات الصديق ان عثا فيـك =مـا دام يغطـاهـا الشـعـر فاحتـمـل ذاك
راعـه ولـو مـا شفـت انــه يراعـيـك =عـسـاك تكـسـر نيـتـه عــن مـعـاداك
واحـذر عـدوك لــو ظـهـر بيصافـيـك =خلـك نبيـه وراقـبـه ويــن مــا جــاك
لا تامـنـه فاطـلـب مـــن الله ينـجـيـك =ويكـفـيـك ربـــك شــــر ذولا وذولاك
شفني انـا يـا بـوك بـآ مـرك وانهـيك =عـن التعـرض بيـن الاثنيـن حــذراك
اذا حـضـرت طـلايـب مــع شـرابـيـك =اسـع لهـم بالصـلـح والــلاش يـفـداك
ابــذل لـهـم بالطـيـب ربـــك ينـجـيـك =ولا تجضـع المـيـزان مــع ذا ولا ذاك
امــا الشـهـادة ادهــا ان دعــوا فـيـك =بيـن عمـود الديـن لا عمـيـت اريــاك
بـالـك تمـاشـي واحـــد لـــك يـرديــك =طالـع بـنـي جنـسـك وفـكـر بممـشـاك
رابــع اصـيـل فــي زمـانـك يشاكـيـك =والى شاف خملاتك عن الناس غطاك
واحـذر عـن طـرد المجفـي حـذاريـك =علـيـك بالمجـبـل وخــل مــن تـعـداك
ثــم الـعـن الشـيـطـان لـيــاه يـغـويـك =تــــرا ان تـبـعـتـه للـشـرابـيـك وداك
واوصيـك لا تشتكـي عليـنـا بـلاويـك =انـت السبـب اخـذك عيونـك بيمـنـاك
واعرف ترا اللي وطـا الفهـر واطيـك =ولا انت اعـز مـن الجماعـة هـذولاك
المسك يا راسـي عـن الـذل واخطيـك =واحــذر تكـلـم يــا لسـانـي حـــذاراك
والطـف بجـارك ثـم قـم دون عانـيـك =وافطن الما يعنيك عـن ربعـة اخـواك
يا ذيـب وان جتـك الغنـم فـي مفاليـك =فاكمـن الــى حـيـث الرعـايـا اتـعـداك
مـن اول يــا ذيــب تـفـرس ابيـاديـك =واليوم جـا ذيـب عـن الفـرس عـداك
يا ذيب عاهدنـي واعاهـدك مـا رميـك =ما رميك انا يـا ذيـب لـو زان مرمـاك
والنفـس خالـف رايهـا قـبـل ترمـيـك =تـرا لهـا الشيطـان يـرمـي بـالاهـلاك
ومن بعـد ذا لا تصحـب النـذل يعديـك =وعن صحبة الانـذال حاشـاك حاشـاك
تـرى العشيـر النـذل يخلـف طواريـك =وانـا ارجـي انـك مـا تجـي دون آبـاك
والهقـوة انـك مـا تجـي دون اهالـيـك =ولا اظـن عـود الـورد يثـمـر بتنـبـاك
والحر مثلـك يستحـي يصحـب الديـك =وان صاحبـه عاعـا معاعـات الاديـاك
لا تستمـع قـول الطـرف يــوم يلفـيـك =بالكـذب يقضـي حاجتـه كـل مـا جــاك
مـن نـم لـك نـم بـك ولا فيـه تشكـيـك =ويـــلاه قــــد ازرا رفـيـقــك وازراك
عنـدك حكـا فينـا وعنـدي حـكـا فـيـك =واصبـحـت كارهـنـا وحـنـا كـرهـنـاك
ما اخطاك ما صابك ولـو كـان راميـك =واللي يصيبـك لـو تتقيـت مـا اخطـاك
ميـر استمـع منـي عسـى الله يهديـك =النـصـح يــا مـالـك لــك الله مـــولاك
عـنـدي مـظـنـه مـــا تمثلـتـهـا فـيــك =واطلب لك التوفيـق مـن عنـد مـولاك

قصيدة الشريف بركات ينصح فيها ابنه مالك