رد على قصيدة شاعر الرجبان

هذه القصيده رد على قصيدة شاعر الرجبان
( سلام ياهل المنتدى )) وهي وليدة اللحظه

أهلا هلا باللي يسلم مرحبا بك ياالهمام
باسم اقحطان العزوة اللي في المواقف حاضره

أهل الوفاء والطيب وأهل العز عالين المقام
اصل العرب تاريخهم مجد الليالي العابره

قبيلة تعرف مواقفها ليا ثار العسااام
حمر السيوف إن ثارة الهيجاء بدم قاطره

فريس وزحولً نهار الكرب وإشهار السهام
نارً لضئ للمعتدي للجار شجره وافره

باسم اقحطان الطايله تااج الفخر شم الانام
العز يبقى والجواد تهد عثرة حافره

باسم اقحطان وباسم من يلبس مع الشلفا حزاام
كسر الظهر عارً ويبطي ماجبر له جابره

وقدام لا تمسي الذياب العلط في جلد النعام
فعل المراجل مايحصل في الوجيه الغابره

وقدام ضلع له ذرى يوشك على قرب الهدام
لا بارك الله بالضماير والنفوس الفاجره

ياهل السيوف اللي تعالج من يطاوله السقام
موت الفتى له خير قبل يعيش عيشه كافره

ان ماوقفتوا صدق قبل ايصير في الوضح احتدام
يد الكرم والطيب ترجع للمعاطن شافره

عان الجمل لامن برك للحمل شله ثم قام
ينصى هل الطالات مرباع العلوم الظافره

حولك صناديد تعز الشيخ وتسن الغلام
تغلق مخاريج الهواء دون القلوب النافره

واحنا لكم في ذي وذي سيف يقص به العظام
يشلع قلوب نايمه يفري صدور زافره

واختامها يامرحبا هذي تحيه واحترام
واجمل مشاعرنا لبن زايد بطيب عاطره

ذيب ال سلمان العبيدي

الإداره

الإداره

الإداره

مساء الخير على الجميع

والله لا يهينكم

وبيض الله وجيهكم كلكم وافين وكلامكم وافي

وسوالكم على عيني وراسي

القصيده موجوده في مجلس الشاعر الجميل مبارك الرجباني

بعنوان ( باسم الدواسر الاولين اهل القلوب الطاهره )

في نفس هذا المنتدى

تحياااتيلكم

العبيدي

[/center]

طرح متميز

الله يعطيكم العافية