آل لجمل هامات مرفوعه

لاشك إن تاريخ قبيلة آل مسعود آل لجمل جحادرقحطان

طوفان غارق بين صفحات تاريخ بني مضيم الصناديد
إشتهررماة آل مسعود آل لجمل الجحادرعلى كل الرماة عبرالتاريخ
إشتهررماة آل مسعود آل لجمل الجحادرعلى كل الرماه عبرالتاريخ
((آل لجمل تاج الشرف ياجحدر))
آل لجمل تاج الشرف ياجحدر=والخافي أعظم لونقول الأخطر
رغــم الأنــوف العـاصـيـه ولأبـتــر=ملعون واللعنه على فرعونه
آل لجمل ولهم أخوهم ثاني=حنا الجحادروالعدو إمهاني
لله در الشايب القحطاني=قحطان طوفان الغرق ومزونه
فوق النجوم العاليه منزلنا=حد السما محيطنا موطنا
صح الصحيح الترمذي لاقلنا= نقهر بني شمعون مع صهيونه
وكل القبايل مابهم من رادي=كلً على حده يرد العادي
العاديات الصافنات الصادي= نرخي مصاريع السبق وجنونه
((آل لجمل هامات مرفوعه))
آل لجمل هامات مرفوعه***حد السماء والسيف قطاعي
تاريخنا فصكوك مطبوعه *** واللي يكابر يسجد القاعي
الشيخ بن عبود ببتوعه*** يكسر بجوالحوم لازاعي
عدونا يسهر على كوعه***نوفي على مكياله الصاعي
سبع القبايل سيفه دروعه***صكات بقعاء مالها داعي
يبجد بصبيان الجمل طوعه***رخي مصاريع السبق باعي
بيماننا وحكام منزوعه***عبر الأثير اللي بمذياعي
ميزان عدله حق مشروعه***حنا رجوم ابليس شراعي
للفيصلي حنا له إربوعه***حكم الشريعه يفقه الواعي
يكفخ بجنحان السعد زوعه***حدين سهم الموت نزاعي
مع تحيات /عاصي الشعراء
عبدالله بن فراج بن شويمي آل عليان قحطان
بسم الله والصلاة والسلام على من لانبي بعده 00وبعد
آل مسعود آل لجمل قوه ضاربه في نجد والجزيره العربيه
بقيادة الشيخ (بجاد نجد) جعفربن منيس بن عبود ويلقب بسهاج وزعاج واشتهر بين قبائل نجد عند غزوه على القبائل يغزوا بالضعن
على الضعن،صاحب الخنجر المشهوره وتعرف (بالذيب الأبيض ) توفى عام 1321هـ 0
خيالة الشرفاء وللفعل حكام عندما يجل الخطب آل مسعود كنيتهم عند الجحادروقحطان
( زور الجمل )لأن الزور للجمل هومصدر القوه اللي يرتكي للجمل إذا برك ويدهك به خصمه لقد كانت القبيلة تتحرك من مواطنها في تثليث متجهةً
نحو الشمال الشرقي والشمال حتى تصل أواسط نجد اليمامة (الرياض) والصمان والشوكي ومناطق القصيم وحائل وحتى السماوه في العراق شمالاً
وقت الربيع وفي الصيف تعود لمواطنها مابين تثليث وبيشة ورحلتها هذه سنوية ولاشك أنها تدل على قوة القبيلة حيث تمر على العديد من القبائل التي
تعتبر معادية لها آنذاك ويحدث بينهم قتال وسلب ونهب طمعاً في الكسب ولم يعرف عن ابن عبّود أنه أعطا القصره إنما كان يرعى في نجد بالسيف،
وهذه القبائل هي يام والدواسر وسبيع وعتيبه ومطير وحرب وشمّر وعنزه وحرب والبقوم وشهران..
ال لجمل بقيادة الشيخ بن عبود لاغيمت ثم اقبلت هلت المزن برعود على قولة ابن جروان العلياني سيله دم من اكبود اعدانا وبله رصاص ماوطا فضاه
هنا إشارة وسم ال عبود علامة صح وصح الله الساني لعلمي بصحة التاريخ المشهود لا لمسعود خاصه
وآل لجمل بقيادة الشيخ بن عبود عامة
====================
الجحادروآل الجمل وقتل حناظل شيخ قبيلة ناهس
بداية نزول الجحادر من ديارهم ذمار والخوايس الى تثليث ومعركتهم مع ناهس وشيخهم حناظل .
يقول الشاعر محمد بن سالم بن جروان آل عليان رحمه اللة :
حنا كما القطـب الشمالـي بيـن ... أكبر دليـل برخصـة الطيـار
الجدي مفهـوم دليـل السـاري ... هـو قبلـه القبطـان والبحـار
نجم شهير بين النجـوم اللامعـه ... وحن لنا بين الشعـوب أطـوار
حنا بلدنا السابقة غـرب ... القهـرمنها الخوايس والحجـر وذمـار
ثم انحدرنـا فـوق لـك ... شمـره يقصم عضود عنانهـا محشـار
خيل عليها ركب كـل مجـرب ... كـل ابلـج قحطانـي مـغـوار
وهجناُ تحس أحبالها مـن قفلهـا...وشجعان فوق محطمـة لاكـوار
ثم انتحـوا مـن ديـرة ملوهـا ...يبغـون نجـد واسـع الاقفـار
تحدروا تطحـن رحاهـم حبهـا ...بسيوف هنـد تقصـف العمـار
كنهم مـزون مـردف ربابهـا ...وسيل يجور ويركـب الجـوار
ثم حولوا يـم الدويـش بديرتـه... جنوب صبحـاء يمـة الزبـار
خيال مهاوية الجمل ذي عزوتـه...يوم أغتشاء روؤس الهضاب قتار
جيناه جهر ليـن اخذنـا حلتـه ...ثم جندلـوا وطبـان بالمصـدار
سقناه لين حنيضل جـاء دونـه ...واللي سمع فينـا وراهـم نـار
ثـم التقينـا بالزحـول عتيبـه ...حرار قطع مـن فـروخ حـرار
معهم سنين والقنا يقـرع القنـاء... شجعـان لكـن وقتهـم منهـار
سقنا حليمه ليـن جـاوا الحـره... اللي على لطم الحفيـف جسـار
من نجـد عديناهـم ولاياتونـه ...إلا بعـد جـاه وسـوق مهـار
ولا هم الهيلا مدابيـس الوغـاء ...وأفعالهم غنـت بهـاالاطيـار
واليوم يعرف حدهم مـن حدنـا...ومـن بيننـا مامونـه لاسفـار
ياويل من بنحورنا مـن ضدنـا... لما قـدح خشـم الزنـاد شـرار
جحـادر وهـواجـر وعبـيـده...حصون حرب عاليـت لاسـوار
وضياغيم مثل الاسـود الكسـر ...ياويل مـن هـم يطلبونـه ثـار
وحبـاب لـرد البـرا حربـيـه ...سيفـاُ صقيـل ساطـي بـتـار
هم درعنـا مـن يمـه الياميـه...ضلعان شمـخ راسيـت لجـدار
حنـا قحاطيـن لنـا موقفـنـا ...عند الخوي والجـاروالخطـار
لاقول حن فـوق القبائـل كلهـم...كـلاُ بــدوره والفـلـك دوار
كلاُ علـى حقـه ودون العانـي ...والخلق فيمـا يملكـون أحـرار
نزلوا الجحادر وهم آل محمد وآل الجمل وتواجهو مع حناظل شيخ قبيلة ناهس وطالت الحرب وفي مرة من المرات عندما كان حناظل شيخ ناهس
مختبي وسط مرخه وبنته تقص الدرجه حقت البندق وكان يرمي مع وسط ثقب الرحى اللي يطحنون عليها الحب وقتل عدد من الجحادر
مع ثقب الرحى إلا إن مملوك وهو من آل مسعود رماه مع ثقب الرحى ففجر رأسه ووجدوا بنت حناظل مشقوق شدقها من الدرج وأنكسروا ناهس وانشد شاعرهم يقول :
يا سمحة الحمراء لا واعــذري لي***خطول الرجــل نابيـــة السنـــــام
أوي والله لــيتــنا حلنــــا عليــــها***في سحرة من بين عوج العجـــــام
غير أعترض لي بالحكايا ربـــــع***وقالوا ما يفدي بابلنا نمر القعــــام
فراح النمر قــد كـفــه خضيب***ويتخير في عرايــاهــــا الجســـــــام
جانا البلا من دعـوى دهيــم***جــدمــاتسمى بـــه لســــــــــــــــــام
والموت لما زهم في دعوى محمد***مثل المرسل تغشوته الظــــــوام
وأما آل جمل جمع زحــــوم***مبنـــدقهم تعـــــــــــدى كــــــــل رام
شبهت حناظل مقدم نهــاره***هدود الشــــــــول لازمه البـــــغــام
وشبهت حناظل تالي نهاره***هدود الشول قـــــاصفه الهيــــــام
خذيت سبعه في مدقل قومي***وخذيت الثلاثه في الإنــهــــزام
منهم راعي الجوخه الصفراءجفيته***بشلفــاما تورعها الــعـــــظـــام

_________________ تــوقــيـع

رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه = الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــززني الله والــزياده عــندي = إســم الله الأعــظم هوالرحماني

أنت الزائر

» ((آل لجمل هامات مرفوعه))
» منجزات تاريخيه آل مسعود آل لجمل الجحادر
» آل لــجمل هــامات مرفوعه "
» راعي الحصان من آل عياف آل لجمل
» قبيلة آل مسعود آل لجمل جحادرقحطان"