. .
((مصيبه عيال البلد صاروإرهاب))
والله ثم والله مانيب كذاب =وقول(ن)نقوله دايم الدوم نحماه
من شان مايلقا عليه الردي باب=ويصير لهل الذوق والفن مشهاه
إن الملك حبيبنا نسل لحباب= حبيب يهوى الشعب والشعب يهواه
هاذا ولد منهوفتل روس لأشناب= كمًن شنب قبل إيتعشًأ تعشًاه
واللي بقا ماعاد يحسب له إحساب=إن عاش وللامات مامد يمناه
ماعاد للمفسد ولاالخاين كتاب=إللا كتاب الله للكل مرضاه
يقرونه أهل الخيرفي كل محراب=ويشرح صدور العالم اللي توحًاه
ويالله ياللي من ترجاك ماخاب=تجعله في جناتك الخلد يالله
ونًك تعز عياله اللي لنا إحجاب=اللي مشت مع سيرته نفس ممشاه
الكل منهم للمهمات ماهاب=مايحسب إحساب الخطر والملاقاه
الحكم متعب والزمن كله أتعاب= والدين تال الوقت يامكثر إعداه
كثروأعداه من القرابه ولأجناب=سود الوجيه اللي لادنيا ولاجاه
مصيبه عيال البلد صاروإرهاب=الغرب يدفعهم لجل تتبع إرضاه
إيفجًرمربًيه من بعد لتعاب=أسود ضميرخان دينه ودنياه
والله يالولاالسيف قطاع الأرقاب=وحكم(ن)يحكم المجرم إبنثرةإدماه
إن البلد مابين ناهب ونهاب=والذيب الأشهب يخلعه نظرة الشاه
لاكن ربي رافع العرش ماغاب=ولاغرًه اللي بالقلوب المخفاه
والله يعز اللي فتح كل الأبواب= عبدالله اللي كل شعبه تلقاه
خيره ورزقه مالي(ن) كل مشراب=من ميلة إعقاله على شعبه أغناه
ولي عهد المملكه صاطي الناب=نابه على لخصام مايوجد إدواه
سلمان قاد الجيش للحرب حراب=عينه على جيشه على أدناه وقصاه
ومقرن حبيب الشعب يحسب له إحساب=كمً(ن)فقير(ن)قدملاشق مخباه
ياملوكنا يامجرًيت كل منهاب= الكل منكم دونه الشعب يفداه
مع تحيات النجم الصاطع شاعر الوطن وشاعر قبايل السهول
محمد بن محسن بن هزاع الظهيري السهلي
