محمد بن عبود السهلي
شاعــر
الدولة : 
تاريخ التسجيل : 30/09/2013
عدد المساهمات : 845
 | | موضوع: ق179-((القرينيــــــــــــــه))شاعرالوطن السهلي الخميس يونيو 19, 2014 5:55 am | |
| ((القرينيــــــــــــــه))
هذه القصيده تعبيرعن الشيخ سلمان بن ناصر اباالروس القريني وخوه الشيخ محمد بن ناصر
وجميع قبايل القرينيه طيبهم قديم من عم وخوال
المراجل تراها للرجال=ميربعض الناس مايقدر يقوم
المراجل طلعة بين الجبال=طلعة تصعب على كل الرخوم
استرح يالأجودي مالك مجال=منت قادر مع قويين العزوم
إزهم لسلمان ثم قله تعال=راعي إبهام توقع له بهوم
القريني من طويلين الحبال=ماتوانا يوم توزيع القسوم
عشت ياسلمان ياقرم العيال= وقفتك تبعد عن القلب الهموم
كل مادار الجواب مع السؤال= زانت الجلسه وزانن العلوم
القرينيه منفدة الحلال=ماتعده راس مال فاللزوم
والبيوت كبارتزهاها الدلال=والدلال تباشرك عند القدوم
والصياني فوقها حيل اتشال=تتعب اللي شالها بكثرالشحوم
طيبهم قديم من عم وخوال=واكثرالعالم من الطيب محروم
من كسب له طيب فنًدله لحال=اذكرواطيب العرب في كل يوم
واطمحي لسلمان ياملك الجمال=ياهنوف كنها شقحاً ردوم
كنها شقحاَ مطاولها الحيال=يزعل الراعي لاسمع اللي يسوم
دللوها لين عاشت في الدلال=ياحليل اللي من الصغرمحشوم
أدعج العينين مملوح القبال=ماتحط بخدها بعض الوشوم
بنت شيخٍ شيخته حكم العدال=شيخته قدام توزيع الختوم
ذاكلام الصدق ماجاه الميال=ورزقنا عندالولي منشي الغيوم
ياالله إني طالبك في كل حال =مانصلي غير لرضاك ونصوم
إن تهون موتتي عندالزوال=وإن تسكًني جناتك يارحوم
شاعرالوطن المخلص وشاعرقبايل السهول
محمد بن محسن هزاع عبود السهلي
| |
|
محمد بن عبود السهلي
شاعــر
الدولة :
تاريخ التسجيل : 30/09/2013
عدد المساهمات : 845
| | موضوع: رد: ق179-((القرينيــــــــــــــه))شاعرالوطن السهلي الأربعاء يوليو 16, 2014 10:02 am | |
| ديوان هامة العرب الادبي http://www.alqa7tan.com/vb/showthread.php?t=16379 | |
|
