بسم الله الرحمن الرحيم
نبذة تاريخية موجزة عن قبيلة القرينية العزيزة :-
( قبيلة القرينيه ) فيهم من يرجع في الأصل إلى شمر وفيهم من يرجع في الأصل إلى قحطان وفيهم من يرجع في الأصل إلى بني تميم .
موطنها العارض ( عليه ) جنوب الرياض والقرينيه من القبايل المعروفة في نجد ولها تاريخها المشرف ولها صولاتها وجولاتها في نجد أيام الحروب القبليه والنزاعات التي خاضتها مع القبايل الأخرى والتي انتهت ولله الحمد وعم الأمن والأمان بين القبايل النجديه وغيرها من القبايل حتى أصبحو إخوه :-
دارنا اللي لنا مربـاً ومدهالـي اسمها العارض وجنوبها عليـه
دار ربع (ن) نهار الهوش عيالي لا تبين لهـم حقـن قصاويـه
دارنا اللي لنا مربـاً ومدهالـي اسمها العارض وجنوبها عليـه
دار ربع (ن) نهار الهوش عيالي لا تبين لهـم حقـن قصاويـه
جنوب عليه محافظة الحريق
شرق من عليه:الخرج
جنوب من نساح:هجرة الاوسط القرينيه
غرب من الرياض:محافظةالمزاحميه
الأوسط هجرة القرينيه شمال من عليه
نساح:شمال من نساح :شعيب جمل والحويض هجرة القرينيه
إلى متداد العارض شمال الرياض (العماريه))
وشعيب وادي (لبن )وشعيب (اوبير)وشعيب
(مهديه)شعيب مووين هجره للقرينيه وشعيب (ماوان)
وغيرها من الشعبان تفرع من عليه هجرللقرينيه
وهجرة العزيزيه شرق من عليه
ويتواجد منهم كثيرفي العاصمه الرياض
(الراوي نصارمحمدالقريني)
تفرعات وأقسام القبيلة : قبيلة القرينيه تشتمل على عدة ( بطون ) أقسام من قبايل قحطانية وعدنانية وكل قسم يتفرع إلى عدة فخوذ ومن هذه الأقسام الرئسية ( المغافلة _ شمر ) ( الأضبة _ تميم ) ( الجحشة _ قحطان ) ( آل جمهور ) ( آل مصبح ) ( الطرافي ) ويندرج تحت هذه الأقسام عدة فخوذ : المغافله من شمر وهم :-
1- آل عجلان . 2- الروسـه . 3- التيهه . 4- اّل قبعان .
وهـم من شمر من سنجاره من غفيله من الرمال من اّل خنشر من اّل شايع وجدهم ناصر بن شايع بن مرداس بن مصبح بن خنشر بن عميره الشمري وهو اللي على يده حلف القرينيه .
الأضبه من بني تميم وهم :-
1- اّل محسن . 2- اّل فهيد . 3- اّل مطرود . 4- اّل سعد . 5- اّل نمشان . 6- اّل دخيل . 7- اّل هزاع . 8- اّل رشيد . 9- اّل صندل . 10- اّل جبر .
وهم بنو ضبة وجدهم عبيد الضبي من بني ضبة بن أد .
الجحشه من قحطان وهم :-
1- اّل مهلك . 2- اّل بديع . 3- النمارين . 4- اّل خميس .
وهم الجحشه من حرقان عبيدة قحطان .
اّل جمهور من شمر وهم :-
1- اّل فهد . 2- اّل سعد . 3- اّل سدران .
وهم اّل جمهور من الأسلم من شمر .
اّل مصبح قحطان وهم :-
1- اّل سعدون . 2- اّل فواز . 3- اّل حزمي
وهم من عائذ قحطان .
الطرافي وهم من بني خـالد .
سلوم وعادات قبيلة القرينية : سلوم قبيلة القرينيه كسلوم القبايل العربية الأصيلة والتي تتشابه في أغلبها ولكن هناك بعض القبايل تختص بسلوم خاصه بها لا تعرف إلا عندها أو عند قبيله مشابهة لها وإليك هذه الأبيات توضح ما ذكر الشاعر / علي بن صغير القريني الشمري, وهو من شعار قبيلة القرينيه :-
أقـول قولـي علـيـه دلايــل=أدخل على الله من كـلام الحيـف
الحجة اللي ما تبيـن شهودهـا=يقـال كـذب وكلهـا تزيـيـف
يشهد لنا الله ثم تاريـخ لابتـي=والصدق ما يحتاج لـه تعريـف
نمشي على البرهان والعدل والوفا=وميزانـا بـريٍ مـن التطفيـف
إن جا لنا حـقٍ خذينـاه وافـي=ونرحم إذا صار الخصيم ضعيـف
اللي جمع شمر والضبيبي وعبيدة=أعطيك من مضمونهـا تعريـف
وصلوا عليـه كلهـم راغبينهـا=والناس رغبـاتٍ تبـي وتعيـف
قالوا نبي نصير عونٍ على العـدا=وعلى الرخا والماقـف الكليـف
وأخذ ناصر قرن بـارود وجـوده=ونادى بجمع الشمـل والتأليـف
وقاموا جميع وشدوا القرن كلهم=اسـمٍ لجمعاهـم وفعـلٍ شيـف
وسلومهم تمشي عليها عيالهـم=أليـن يوتـي بالعبـاد لطـيـف
وسلومنا يا ناشدٍ عـن سلومنـا=أعطيك من مضمونهـا تعريـف
قصيرنا يامن وينـزل ويرتحـل=إلى من وزا في حدنا مـا حيـف
وعانينا تـدي حقوقـه سلومنـا=لا صار من بوق الخطـا عفيـف
ودخيلنا له عام يمشي ويعترض=من حد صنعا إلى حدود طريـف
وزود شهريـن يوصلـه مربعـه=وفي سلمنا منع الخوي والضيف
يا سامعين القول صلوا وسلمـوا=علـى نبـيٍ خـص بالتشريـف
توضيح : عليه المقصود بها هضبة عليه الشامخه والتي تعتبر قاعدة قبيلة القرينيه وموطنها وهي تقع جنوب الرياض وناصر المذكور في القصيدة هو / ناصر بن شايع ( الأمسح ) بن مرداس الرمالي الشمري وهو الذي تم على يده حلف قبيلة القرينيه ومرجع كلامي هذا ومصادري من كبار السن من قبيلة القرينيه وكنز الأنساب ومجمع الاّدب لحمد بن إبراهيم الحقيل ومعجم قبائل المملكه العربيه السعوديه لحمد الجاسر رحمه الله .
أخـوكم علي القريني ..
