السلام عليكم مساكم الله بالخير جميع انا عضو جديد على منتداكم ولكن ما جيت الا لاني قحطاني احب قحطان كلهم من قاصيهم لدانيهم ويشهد الله تبقى الحصاه والسراه والدير كلها اللي لقحطان تاج راس كل قحطاني من كل بد ما ابغى اطول عليكم عندي قصيده في ربعي ولا اقد اوفيهم حقهم " واعذروني على القصور وعلى الوزن "يا صاحبي البشر فيهم انذال واكرام
والبشر بعضهم عليه منقود وملام
يا سلام الله عليك يا صاحبي يا سلام
يا شبل قحطان يا وافي للعهود
هامه قحطان فوق القبايل تعلت
صامت وزكت وتولت وصلت
تجلت والله الجليل وهي تجلت
اكبر قبيله تقدح الرشاش والبارود
اسمنا ميزه الله عن اسامي كل القبايل
والقبايل كلهم كفو وكلهم اوايل
فضيله لا تاتي الا من اصحاب الفضايل
والسيف المجرود ما غيره سيف مجرود
هزمنا روؤس ما احد قبلنا قدر يهزمها
لانها قويه باس وقويه بعزمها
جنبها رب العباد عن مجنونها وقزمها
وكل شيء بين الاشياء تلقى له حدود
قحطان العزم والحزم والقوة والاصرار
قبيله من يومها وهي قادحه للشرار
هي شوكه المعتدي وللوح مسمار
هي القبيله اللي منها الشجعان جونا وفود
ربعي يا ناس اسمهم الاولي شبوة
من دار العز والتاريخ هم ودار النبوة
منهم جواد راعي كرم بس له كبوة
وكل جواد له كبوة ياخوي حمود
اليا قيل شبوة خرت السحايب مطر
واصبح وضع العرب كله في خطر
اصبح لهدوم الطرقا الكايدة عطر
واصبح لكل الناس مثل قوة ثمود
يوم المعادي يحسبن الاد شبوة زيف
ما درى انّا رفعنا بوجه ربعه السيف
الين قام دمهم ينشرب شربه الكيف
كله عشانه تحدانا وحنا مثل الفهود
منا العقاب اللي على جماعته داير
والي منه ثار بندقه عليهم صار ثاير
يطق راس المعدى بكل العواير
لين راس المعدى يصير كله ربود
ومنا ابن هدلان ولا منهم عدو
صناديد وشغاميم كانهم ماتردو
بيحو المسدود لو انهم ما تسدو
هم كعام المعادين مابيحو المسدود
هم عصابتي وتاج راسي والسناد
وعزوتي راع السميرا والجواد
اليا خالط الجو بياض مع سواد
ما عاد نعرف البيض والسود
حنا فخذ من قحطان العريبه
من تحداهم صارت له مصيبه
قبيلتي قحطان العز والهيبه
وربعي شبوة على الطيب تسود
وختامها ياربعي على العز نوماس
تاج على راسي ايه تاج على الراس
موافقكم الشريفه صارت لكم نبراس
ولحدن بجاحدها الا كل كلب جحود
