(ابن فهم رفرف علم طول لجيال)

(ابن فهم رفرف علم طول لجيال )

doPoem(0)

جتني رساله رمزه الحـد صقـال = وعندي براهين الرسايـل دليلـه

لاخيـر فلـي مايحسـب بلقـوال = ولا خيـر فلـي مايـرد الجزيلـه

الله يجـازي بالنوايـا ولعـمـال = اهل الغـدر والنمنمـه والمحيلـه

ماينفعك زرع علـى غيـر شـلال = ذيك الصحاري طبعهـا بالرزيلـه

ماكـل منهـو بالصواريـم قتـال = لا صار مابه صـم قلـب يشيلـه

ماكل منهو يحسم النفس ونطـال = بعض لمـور الواجبـه ماتجيلـه

ابووجهين يبلس على وجهه شوال = مايحسب احساب الردى والفشيله

ابن فهم رفرف علم طول لجيـال = مايسمع المطنـوخ لـوم العذيلـه

ابن فهم حـاز البطولـه وشيـال = حمل القبيلـه لعـذرت ماتشيلـه

اصل الغيوره في جذور الفتى شال = حمل الزحول المزريـه ولثقيلـه

رايه براسه مستمع قـول عـذال = قليل عوجا لـه مواقـف جليلـه

كل السجايـا والبرايـاء ولمثـال = من صلب عبدان المراجل تجيلـه

شبل الأسد صاطي على كل لشبال= شبل الأسد صاطي ولا ينصطيلـه

كفـا ووفـا ياذريبيـن لفـعـال = يشهد لـي الله والخلايـق كفيلـه

من لا يعز النفس بالعـز ماشـال = ذيك المصايب جرعهـا سلسبيلـه

آلآد عبـدان التحـدي بالـهـوال = من صلب عاطف متعبين الأصيله

من صلب عبدان الرواسي تزلزال = يدعس وطيس النار عند الشعيلـه

آلآد عاطف لقبل الحـرب سجـال = يسجدلهم طاغوت بقعـا وخيلـه

وحنا بني صالح زيازيـم لبطـال = لبا شياطيـن السطـر والقتيلـه

لا شرّعو فـم الكلاليـب بجفـال = وصكوبها فرسان شهب المذيلـه

خيالة الجدعا على طول وطـوال = المنتحر لجل الخطر فـي صميلـه

كل القبايـل بالفعايـل ماتنطـال = كلن علـى حـده بحـد السليلـه

مـع تحيات(عاصـي الشعـراء)

عبدالله فراج العلياني القحطانـي

» (( للوطن حنا جنود رفرف ياعلم ))شاعرالسهول