معركة أبا الرخم بين قحطان وعتيبة

السلام عليكم ورحمة الله

معركة أبا الرخم بين قحطان وعتيبه

سالفة هذه المعركة هي أن الحشيشي وهو اسمه زيد بن مناحي الحشيشي من الروسان عتيبه ..كان جاي لآل الجرو قحطان واستضافوه ثلاثة ايام

وفي آخر يوم قال الحشيشي اسمعو يا آل الجرو اذا خذيتوا ابل عتيبه لا تحطون وسمكم على الحشو اللي ماعليه وسم ويقصد بهذا الكلام علشان اذا اغارت عتيبه ورجعت البل ماتروح الحشوان على اهلها ، لأنه لاصار عليها وسم قحطان توزع مع الغنايم ولاترجع لأهلها مع اماتها ، حيث كان في كلامه نوع من الغطرسة والثقة في رد الابل اذا أخذت .

قام واحد من ال الجرو في المجلس وقال يازيد انت ذبحت ابن عمنا وهو قصيرك وفي وجهك .

" اللي هو مبارك بن غنيم الخنافر الذي قتله الحشيشي غدرا وهو في وجهه "

قال الحشيشي اسمعوا ياآل جرو قولوا يالله ، إن كاني ذابحه ان الله يوليكم ظهري لاايد تمنع ولارجل ترفع

وان كانكم ظالميني ان الله يوليني ظهوركم لاايد تمنع ولا رجل ترفع .

قالو كلهم آمين ..وبعد كذا راح الحشيشي لدياره .

وراح لأبن هندي وقال له فيه اهنا ابل تغطي عين الشمس وهي تعتبر مكسب .

فقال إبن هندي : يازيد بيروح معك على راس عتيبه بنيه ( إسمه الحقيقي نايف ) وبروح معك عمر .

غزا العتبان على آل جرو وهم في مكان يقال له أبا الرخم أو الرحل يبون الكسب ، ودارت معركة شرسة بين الطرفين كانت الكسيرة فيها على العتبان ، وكان من ضمن قتلى العتبان زيد الحشيشي والحمده قادة الغزو .

وقد قال إبن شرهه آل مهدي عبيده قحطان في هذه الوقعة :

قلبي كما الملواح في كف صقـار
الطيـر حشـر والهبايـب قويـه
على بني عمي مدابيـس الأشـرار
كل أبلـج يـروي شبـا العولقيـه
زاعتهم النيه وحسكـات الأوبـار
صوب المهامـل والديـار الخليـه
وعلى أبالرحل يذكـر لنـا صـار
ماصاركم حد شلفا راح قد هو حنيه
يوم أشتبك عج الرمـك دم وغبـار
كـم عقيـد طـاح فـي الجندليـه
ياذيب ياللي بين سقمـان وضمـار
من راس رمح حويل دونـك بنيـه
مع الحشيشي قد طوينا بـه الغـار
واللي عطانا أمـس لقـي مثنويـه
وعمر غدا به لابة تكـرم الجـار
جرويـة تـرد الخطـر والمنيـه
كله لعينا جـل خلفـات وعشـار
والفاطر اللـي جـر منهـا خليـه
عيا عليها عزهم للضيف والجـار
وحربـة جديـع حامـي الدوبليـه
وضويحي اللي له براهين وأذكـار
يشهد له التاريـخ فـي كـل هيـه

العولقيه : نوع من أفضل الخناجر.
بنيه : من عيال ابن حميد وقيل من عيال محمد بن هندي وأسمه (ذعار) .
الحشيشي : من فرسان عتيبه البارزين.
عمر : من عيال ابن حميد كذلك .

--------------------------------------------------------------------------------

وبعد نهاية المعركه كان القتلى من عتيبه في ارض المعركه والمنعا (الأسرى) مربطين يناظرون اللي يصير

وفي هذه الأثناء جاء الشيخ الفارس بن شري واعتقد انه مسعود من شيوخ المساردة

وعندما رآى المنعا والقتلى ..طاح مغشي ٍ عليه من شدة الحسره لعدم وجوده في هذه المعركه

فقال احد المنعا : الرجال هذه وشفيه طاح .

قال آل جرو : وده انه مواجهكم ولا انه يفوته مثل ذا النهار .

وبعد ذلك قال الفارس ضويحي لأحد الحاضرين قم جب لنا عيال إبن حميد لاتاكلهم الطيور .

ولكن جديع رفض وقال : خلوهم محلهم ، هم من نصيب ذيابة الخلا وعكفان المخالب .

وعندما اطلق المنعا كما هو معمول به بين القبائل نقلوا الصورة لأبن هندي .

--------------------------------------------------------------------------------

وهذه قصيد قالها سياف بن مهوس الفهري يمتدح آل جرو من آل نهار من عبيدة قحطان وهم أهل للمدح صبيان قحطان :

جرويـة لا لقموهـا الأعـنـه
ربـع تمـوج رقابهـا لتوالـي
جروية ضيف الخلا تكرمونـه
لا قلصت لاسعار والقوت غالي

_________________ تــوقــيـع

معركة أبا الرخم بين قحطان وعتيبة DpPh5Q_W4AIvV1x

رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه = الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــززني الله والــزياده عــندي = إســم الله الأعــظم هوالرحماني

أنت الزائر

معركة أبا الرخم بين قحطان وعتيبة Counter

» معركة بين ال عاصم الجحادر وعتيبة ومقتل بن حميد
» جحادر(ن) حرابهم ماياوي معركه بين قحطان وعتيبة
» الكلام الفاصل بالـنقـط والفواصل لتفنيد مزاعم بن بليهد حول قحطان وعتيبة
» قحطان كان لها بيرق في معركة تربه
» معركة سلوات بين قحطان والفرس