يامن تبي تكتب عـن أمجـاد قحطـان
وتذكـر تواريـخ الشيـوخ الأوايــل
أهل المواقف يـوم زوغـات الأذهـان
يوم الحكـم سيـف ورمـح وسلايـل
الله يعيـنـك ياسـلايـل كـحـيـلان
مهمتـك صعبـه ومثـلـك قـلايـل
لاشك عندك يا أبيض الوجـه برهـان
وعندك من التاريـخ صـدق ودلايـل
ديارنا من نجـد لـي غـرب نجـران
ولنـا ربـوع مـن ورى حـد حايـل
وشرق بني هاجر ربوع ابـن شبعـان
يشهـد لهـم راكـن والشـك زايـل
هل دقله تروي عطـش كـل ضميـان
وهـل موقـف ماعـاد بعـده عذايـل
وغرب نـزل منـا المدينـة فريقـان
الأوس والخـزج وحـازوا الفضايـل
أنصـار للمبعـوث رحمـه وغفـران
مذكور فـي السنـه وذيـك الرسايـل
قد قالها حسان فـي ماضـي أزمـان
والصـدق نـور والدعايـة ظـلايـل
قبـايـل معـروفـة قـبــل والأن
تعـز الهـود معربـيـن واصـايـل
ربعـي عبيـده والجحـادر وسنحـان
ورفيـده وجمـع الحبـاب الهـوايـل
وبني بشر وشريـف مانـي بغلطـان
هـل قالـة عليـا لمـا ظـال ظايـل
منا ابن هادي واللبـده وابـن سفـران
ومنـا مرويـة السيـوف الصقـايـل
والشيـخ ابـن هـادي تقـدم لعربـان
شيـخ تعـدل حكمتـه كـل مـايـل
شيخ تطـوع صطوتـه كـل فسقـان
وربعه هـل الطـالات يـوم القتايـل
شالح بن حطاب والفديع ابـن هـدلان
فرساننـا يــوم اقتـتـال القبـايـل
هل صبحة يشبع بها الذيـب سرحـان
يشهد علـى قولـي عيـال الحمايـل
والخـوة اللـي بينهـم شانهـا شـان
قـدوة وذكـر ينقلـه كــل قـايـل
رمز الوفاء والطيب من بين الأخـوان
والعزوة اللي تجعـل الـراس طايـل
لا قـال ابـن دراج ثـم ثـار دخـان
راحت خيـول القـوم منهـم جفايـل
خنافر تـارد علـى المـوت شجعـان
وجحـادر تاطـا علـى كـل عايـل
وذيب على اسمه ذيب من روس فرسان
لـه موقـف يشفـي الكبـود الغلايـل
كسب الأصيله واشتهر طيـر حـوران
وعمره عشر واربع عديـم الخصايـل
دون إبـل بـوه موقـف قبـل الأذان
حتى انصرف عنهـا سمـوم القوايـل
صد المغيره ذيـب والحـظ لـه زان
وكسب ونعـم واحمـر الـدم سايـل
وبره يسولـف فيـه حضـر وبـدوان
عسـاه للجـنـة وبــرد الدبـايـل
زيد ابن شفلوت لـه المـدح عنـوان
علـى قـرارة نجـد جالـه فعـايـل
شهد له ابـن فهيـد بالفعـل وكـدان
مانـي بقايـل قـول مالـه حصايـل
ومنا ابن حشر وموقف الشيـخ قدبـان
مـع الموحـد يـوم قـدح الفتـايـل
وابن رشيد اللـي منـا زلـه بـرزان
الضيغمـي فعلـه قـديـم وهـايـل
ومنا المهادي نوابـن غيـده ودبـران
أهـل المواقـف كاسبـيـن النفـايـل
وابن سعيـدان آل عاطـف وجبهـان
وفـراج بـن ريفـه حميـد الشمايـل
ومنا ابن شري والجذع وابـن فـردان
ومنا المرحـب والفشـق لـه مخايـل
وابـن دليـم وابـن عبـود شيخـان
وأبـن حويـل اللـي للأمجـاد نايـل
وجراب والمدرس وذيب ابن عـردان
وجديـع والعمـاج روس وزحـايـل
ومنا ابن جافل وابن سلمـان زبـران
وذيب بن قنطـاش صبـي الصمايـل
وراعي السويد محمد وابـن كزمـان
يوم اعتزى جـاء القـوم منـه نكايـل
وحاتم وابن معدي كرب جود وسنـان
أمجادهـم سولـف بهـا كـل جايـل
وابن مريحه وابـن داهـك وشهـوان
ومنـا آل عشتـل محتميـن الحلايـل
ولنـا سلـوم تطلـق وجيـه وإيمـان
ساروا بها العربـان فـوق الرحايـل
دون الخوي والجار والضيف والعـان
والشاهـد الله والفـعـول الطـوايـل
وجيرة حقيب يوم فـي الوجـه مـالان
وقصرة محمد يـوم صـارت مثايـل
ودون الخوي قام ابن محسن ولاهـان
فيه اقتضـى عشـرة وخالـه كمايـل
هـذه مآثرنـا وكـل لــه لـسـان
والنـار مـا تقـدح بلـيـا شعـايـل
واللي عن فعـول المطاليـق عميـان
مانـي طبيـب للضعـوف الهـزايـل
تشهد مطيـر ويـام وجمـوع عتبـان
يوم القنا والرمـح والخصـم صايـل
ذاك الزما اللي بـه المـوت عـزران
ويميـز الطيـب مـن أهـل الفشايـل
وبيت بـلا سـاس ودعايـم وعمـدان
لـي هبتـه ريـح يجيـك متمـايـل
والناس يفرقهـا الشجاعـة والإيمـان
وجـود لمـا شحـت يديـن البخايـل
ولا فلان اسمـه علـى فـلان وفـلان
الاسـم واحـد والفعـايـل سهـايـل
موجـز بسيـط فيـه ذكـر عرفـان
لاهـل القعـول الوافيـه والجمـايـل
وكـل القبايـل كاملـه دون نقصـان
مثـل الجبـال النايـفـات الوحـايـل
واللي نسيت العذر مـن كـل إنسـان
الكامـل الله والعفـو فـي الـزلايـل
كم من عقيد ماضي الوقـت قـد كـان
يثنـي نهـا ر فيـه يبـس البـلايـل
واليوم في عهد السعـد أمـن وأمـان
حكـم الشريعـة مانبـي لـه بدايـل
عهد الملـوك مرجحـة كـل ميـزان
حكامنـا آل سعـود نعـم السـلايـل
الله يديـم الملـك ويعـز الأوطــان
ويزيـل مـن ينوونـنـا بالدغـايـل
وختامـهـا بـاعـداد مـاهـل ودان
على الرسول أزكـى صـلاة ونفايـل
للشاعر حامد الجذع في امجاد قحطان
_________________ تــوقــيـع
|
رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه = الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــززني الله والــزياده عــندي = إســم الله الأعــظم هوالرحماني أنت الزائر |
