شبكة حصاة قحطان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا

ادارة المنتدى
شبكة حصاة قحطان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا

ادارة المنتدى
شبكة حصاة قحطان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


لقبائل ال عليان والجحادروقحطان
 
الرئيسيةأحدث الصورالتسجيلدخول

 

  ياعين هاتي واطوي الصبـر واليـاس معطيـك مهلـة دامنـا بالوسـاعـي

اذهب الى الأسفل 
كاتب الموضوعرسالة
عاصي الشعراء العلياني
مدير العام
مدير العام
عاصي الشعراء العلياني


الدولة : السعودية
تاريخ التسجيل : 23/07/2010
عدد المساهمات : 3726

 ياعين هاتي واطوي الصبـر واليـاس معطيـك مهلـة دامنـا بالوسـاعـي  Empty
مُساهمةموضوع: ياعين هاتي واطوي الصبـر واليـاس معطيـك مهلـة دامنـا بالوسـاعـي     ياعين هاتي واطوي الصبـر واليـاس معطيـك مهلـة دامنـا بالوسـاعـي  Emptyالسبت مايو 21, 2011 4:07 am



تحيه عطره للقارئ الكريم
ياعين هاتي واطوي الصبـر واليـاس ***معطيـك مهلـة دامنـا بالوسـاعـي

يقول الراوي ياساده ياكرام
7
7
7
هذي سالفة يرويها الشاعر سويلم العلي السهلي رحمه الله يقول حنا سنة من السنين وافق عندنا ربيع ونازلين في
هكالجو يحدنا من شرق ضلع مطاول من الجنوب للشمال نازلين بمحل ربيع أرضه طيبة بالحيل , يقول جينا
ونزلنا في طرفها من الجنوب ومعنا غنم وحلال ويوم قعدنا لنا مدة وينزل عنا شمال ناس وعنا غرب ناس ومن
كل عرب نازلين حولنا لكن حنا اللي أطرفهم من جنوب يقول العرب هذولا أكثرهم عندهم حلال ورعيان
ويرحون منا يمين ويسار وإذا جا الليل بعض المرات يسير بعضهم على بعض هالعرب يعزمون بعض والى فيه
ناس توهم نازلين ومن شمال ويوم جا مرة من المرات توافق عزيمة عند القريبين ويعزمونا ونروح لهم أنا وأبوي
وقعدنا عندهم وراعي البيت يرحب وإلى عنده حريم وله عيال ما شاء الله واجد وقاعدين يصبون القهوة في بيت
الشعر ومستانسين ويسولفون وسالفة تدور وقهوة تجي وقهوة تروح الحاصل إن المعازيم راحوا وتفرقوا وطلعت
أنا وأبوي وبطلعتنا والى تمر ذيك البنت بنت لراعي البيت عليها جلال وتسوق الغنم بنت متعافية وجميلة جدا
يقول وأنا اللي أنصاب من هالبنت من أول نظرة يوم شفتها بس معي أبوي ولا اقدر أقول شي ( ايه تعرفون
تبلعون العافية إذا جا معكم احد ) ومرت الأيام ونتوافق على ماردا وعلى السيل والى البنت فعلا غاية في الأدب
والجمال حتى هو كلامة دمث وأخلاقه طيبه هذا كان عفه العرب وسلومهم حتى لو لقى بنت وما عندها أحد
يكلمها كلام عادي ويمزح مزح شريف وعفيف وتلقاه يسولف مع البنت وهي بعيدة عنه , وتمضي الأيام وتخافت
البنت دمه وشافته حليل وصار دايم يفكر فيها ويشوفها وإلى جا الليل صار يهوجس فيها وليت من يزورهم وليت
من يروح بس ما يقدر يروح لكنهم يشوفون بعض دايم ومضت مدة وبدا هالربيع الي هم فيه يضعف شوي ودايم
العرب يتابعون حلالهم ويرحون يمين ويسار وإلى الجبل اللي يحدهم فيه طيور وفيه ملازم ماء فوق وهو ضابط
مكانهم ,
ويوم جا يوم من الأيام عقب مدة بعد ما توافقوا كم مرة ودائما البنت الذكية إلى وافقت مثل هذا حتى لو مهوب
من عربهم ما تبين أنها ما تبيه تمنيه وتعلقه وتخليه معلق بخيط أرهف من الشعرة وتقوله أنت حبيب وطيب وأنا
ما شفت أحسن منك ولا أحسن من أخلاقك ويتعلق هو ويحسب هالحكي أنه صدق وهي تسنع خبزتها ما دام أنها
هنا علشان لا سمح الله ما يصير عليها اعتداء يصير المسأله حب شريف وهي على اللي هي عليه هي تلقاها في
فكرها أما موبدة لها ولد عم وإلا واحد قريب مهوب معقول تبي تعشق واحد من بعيد وتأخذه ولا هوب العلم
عندها العلم عن أهلها .
الحاصل يقول يوم جا يوم من الأيام وأعدي على هكالضلع جبل رفيع وأمشي وأطالع وأشوف يقول ماقدرت
أشوفهم ولا أستكشف المنطقة هذي إلا اذا عديت هالضلع ويوم رقيته وإلاني أشوف الناس يشدون اللي يروح
شمال واللي يروح غرب شادين كلهم وأقرب عن مكان الطيور ويوم طالعت وبرقت زين وإلى والله هذولاهم
يشدون يطون كل شي بيروحون وإلى كل هذيك الأيام يفكر ومعجب فيها من لباقتها وعلومها وأنها ما تسمع كلام
أحد ورايها براسها وياصفها وياصف جمالها يمكن أنه لا محها وشايفها ( اللمحه ذبحه ) عن قريب أو من ورى
البرقع طيره الهوى المهم انه شايف شي ( ما تخلون المناظر ) ويقول عاد قلت الأبيات هذي

يوم عديت في راس الطويل العسير= دوني الطير خفاق الجناحين حـام
بادي فيه اطالع وين قـاد النشيـر= احد قاد قبلـة واحـد قـاد شـام
آه وا قد قلبي يوم قـض الحجيـر= كن قلبي يقد بحـد بـاري العظـام
كن قلبي يقد بحـد مـوس شطيـر =اثر راع المودة لاشكى مـا يـلام
المصيبة إلى جا الليل عقب الأخير= كل ناظر ينام وناظـري مـا ينـام
كيف ابنسى وليف ما استمع للمشير= ما يطيع الخوال ولا يطيع العمـام
مع لباقته علومه فيه زيـن غزيـر= قرن ضافي ووسط خافق ياسـلام
المطوع إلى منـه نظرهـا يحيـ تفتح ابصار عقله ما يـرد الكـلام
خده اشقح عفر وصفه تقل به ذرير نور خده يقادي نور بـدر الظـلام
والشفايا حمر تشدى سلوك الحرير والثنايا تلالا بيـض حـدر اللثـام
اشغل القلب ياالاسلام طير يطيـر باللحن يالله انك لا تعيـد الحمـام

ويقصد في ( اشتغل القلب ياالاسلام طير يطير ) يا العالم يا المسلمين يا ناس , راحوا وشدوا وابعدوا وصار ينشد
عنهم وإلى ما عندك أحد ومدري من جاب له العلم قال هي ما سألت عني قال ياحليلك الحين تصدق هذاك أول
يوم أنك قريب عندها لكن إذا بعدت وغابت العين عن العين ما عاد يمدي يرحون الناس ويلهون في أشغالهم , قال
بس أنا متعلق فيها وفي حبها وأثرهم راحوا ونسوني وهو يقصد ذيك القصيدة بعد مدة ويقول فيها :
يامل قلـب كـل مـا نامـوا النـاس= من الليل ياخذ ربـع ساعـة وياعـي
فإلى وعا جته الهواجيـس مـن راس= وقـام يتقلـب فـي فراشـه وياعـي
ولـولا ضلوعـي للمعاليـق حبـاس =لافوع فوعـة واحـد مـن قطاعـي
قطيع غرب وغطلس الشوف الادماس= بارض خمـال وخارشتهـا السباعـي
ودلـى يلـوج وكـل اشافيـه يبـاس =وتاه الطريـق وراح فكـره ضياعـي
وجنه سباع مع سنـا الليـل غـلاس =مستفرسـات وممسـيـات جيـاعـي
صكن عليه ومزعـن عنـه الألبـاس= يشـل دمـه مـع طمـان ورفاعـي
لين اودعـن ثربـه برجليـه ينحـاس =عند الضـواري راح مالـه شفاعـي
يا أهل النضا ياللي على كوار جلاس= بتـر الفخـوذ مذلقـات السمـاعـي
شعل مواشعهن مثل شاهـي الكـاس= مـدربـات بالسـهـل والجـراعـي
اليا سربن مع صحصح تقل قرطـاس =مع عرضة الزيزي يجيـه الجلاعـي
ريضوا لعلـه مـا يريضكـم البـاس =عوجوا لي ارقاب النضـا بالوقاعـي
وشيلوا وصاتي للغضي عذب الاجناس= اللي مع المرسـال وصلـه جزاعـي
لا جيتوا المجمول مدقـوق الالعـاس= مدملـج العضديـن زيـن الذراعـي
قولو تراها قطعـت عنهـا الارمـاس =يطوي العـزا وأنـا كـلاي دواعـي
من باعني بعته وأنـا قاسـي البـاس =حتـى واصـد بناظـري لا يراعـي
لو أن كبـدي كنهـا فـوق محمـاس =عزمي قوي مانا خطـات الزعاعـي
ياعين هاتي واطوي الصبـر واليـاس =معطيـك مهلـة دامنـا بالوسـاعـي
اطوي عزاك وترسي كـل هوجـاس =ما ظنتـي عقـب الفـراق اجتماعـي

اتمنى ان تعجبكم

_________________ تــوقــيـع


 ياعين هاتي واطوي الصبـر واليـاس معطيـك مهلـة دامنـا بالوسـاعـي  DpPh5Q_W4AIvV1x
رجــواي بالله مــارجيت الحاكم   =   لــوهو مــلك الــمملكه ســلماني
كيف أرتجي مخلوق حالي حاله   =   مــايــمــتكن ردالــقــدرلاحــاني
لاكــن له الطاعه قديم وحاضر   =   مــانخلع  الطاعه مثل الإخواني
رجــواي بالله مارجيت العصبه   =   الــعصبه الــلي شانهم لي شاني
رجــواي فــي للي لاأمرسبحانه   =   ســبحان  من أمره يكون وكاني
عــززني الله والــزياده عــندي   =   إســم الله الأعــظم هوالرحماني
أنت الزائر
 ياعين هاتي واطوي الصبـر واليـاس معطيـك مهلـة دامنـا بالوسـاعـي  Counter
الرجوع الى أعلى الصفحة اذهب الى الأسفل
https://al3leian.ahlamontada.com
 
ياعين هاتي واطوي الصبـر واليـاس معطيـك مهلـة دامنـا بالوسـاعـي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حصاة قحطان :: المـجـــالــس الادبــيــه :: مجلس القصص والروايات-
انتقل الى: