الفارس فراج بن شويمي " خيًل الجدعإ ونابن صالح لاتسموى ولاني بغبي

بسم الله والصلاة والسلام على من لانبي بعده
(خيل الجدعاء ونا بن صالح لاتسموى ولاني بغبي)
*** سوف أورد قصته وأسبابه ***

(خيل الجدعاء ونا بن صالح لاتسموى ولاني بغبي)
(((الفارس:فراج بن شويمي)))
خلافات أخويه سببها (المزقر) آل لاحق وقد قيل زقرها المزقر) إمتدت شرارتها سنين عديده إنتهت بالصلح وشـــــرط تم قبوله من آل عليان درء وردع وسد باب الشروالكره والعدوان بين ابناء العم وشيخهم شيخ الشيوخ وشيخ قبيلة آل لجمل بن عبود آل مسعود رحمه الله وكان يحاول إطفاءالفتنه لحبه لبني عمه رحمه الله وهم كذالك يبادلونه الغلا والتقديروالسمع والطاعه لحلمه وسياسته ورايه السديد وبعد نظره وسبرغوره في مواجهة صعاب الأمورالتي لايعرف عواقبها السلبيه إلا من هومؤهلا لذلك أبا عن جد آل عبود شيوخ قبائل آل لجمل كابرعن كابروإلى وقتنا الحاضر
المثل المشهور عند آل عليان ال صالح وال لاحق خاصه وال لجمل عامه للفارس فراج بن شويمي بن عايض ال سفران بن وظبان ال صالح ال لجمل جحادرقحطان،،،
وهو اللي شرب فنجال الشيخ الفارس عبيد بن حميد فارس وشيخ عتيبه عندما قال بن عظيمان لفرسان آل عايض بن سفران آل وظبان آل صالح من يشرب فنجال عبيد وكان هو أصغر وأصغرهم سنا فقام وشرب الفنجال فضربه الشيخ عظيمان على راسه بمطرقه معه على راسه قيل خوفا عليه من العيون وقيل خوفا عليه من الفارس الصنديد صاحب الكر والفربن حميد وهاذا صغير سن وبداية فروسيته فكيف يكون قرنا لخصمه ولاكنه شرب الفنجال وقابل خصمه في الميدان وكل منهم زرق برمحه فخاب رمح عبيد وصاب رمح فراج وجندله أرضا حتا أنه ظن أنه قضى عليه ولاكنه مكن صوابه وجندله عن فرسه وبيض الله وجهه،،،(ملاحظه هامه عبيد بن حميد هو الذي إقتلوه الخنافر اللي قال فيه شالح بن هدلان راح الفديع اللي علينا خساره واخذ قضاه عبيد حامي ثقلهن )
كان الشيخ عظيمان يبي يشرب الفنجال الفارس فيصل ا ومحمد اولاد عظيمان اوالفارس خريع اوبن جروان اوسعد الطويل وغيرهم من فرسان آل عليان اللي لهم باع طويل وخبره في الحروب وفنون القتال والنزال ولاكن سبقهم فراج بن شويمي وشرب الفنجال ،،،
سبب المثل المشهور (خيًل الجدعاء وبن صالح لاتسموى ولاني بغبي)
(خلافــــــــــــــات أخــــــــــــــــــــــوًيه)
بين آل عليان وآل مسعود شيوخ قبائل آل لجمل بلا منازع ولاياخذون في الرجال إلاً رجالين قضاء في الدم فهم أولي باس وبطش شديد في القتال يسج بقبايل آل لجمل جميع القبايل في نجد من الشرق لا لغرب ومن الشمال لالجنوب بقيادة شيخ آل مسعود وال لجمل ولقب آل مسعود زور الجمل لأن أقوى مافي الجمل زوره الذي يدك ويسحق به الرجال والجمال إذا حانت الفرصه له على عدوه قال الشاعر بن جروان العلياني،،،
مـن لابـة خـيـالــهــم مــايــســنــد_لا جـا نـهــار الـضـيـق جـاه سطار
خـيـالة الـشرفا لي رد الـبـرى_ال مـسعــود هـم أهـل الـمــحــظــار
يقول الشاعرهم مترك ابن جلمود العيافي:ياعد فرسان القبايل جوك__ال الجمل يتلون ابن عبود"
الشيخ/ جعفر بن منيس بن حمد بن عبّود (شيخ ال مسعود وال الجمل)
نعود لسبب المثل أعلاه حصل خلاف أخوي بين آل عليان وال مسعود وكان شيخ آل مسعود الأمير
معيض ابن عبودوشيخ آل عليان كافه بن عظيمان ولم يدم الخلاف طويل ونتهى الصلح بشرط للشيخ
معيض بن عبود أن يحدد يوم لستعراض فرسان آل مسعود وجميع فرسان آل عليان أمام الشيخ وأن تكون العزوه خيًل الشرفاء مسعود يعتزيبها كل فرسان آل عليان من أل صالح وال لاحق رغما دون إختيار وإلا فإن الصلح غير
مقبول وسوف تشمر الحرب عن ساقيها قبل الشيخ بن عظيمان شرط أخوه الشيخ معيض بن عبود لعلمه بسطوة آل مسعود وشراستهم في القتال كيف لا وهم زور الجمل وسنام المجد ونبراسه أشرس قبائل نجد والجزيره العربيه شيوخ قبايل آل لجمل بقيادة الأمير والفارس معيض بن عبود لاياخذون قضاء في الرجال إلا ثنين من خيار رجال القبيله والفرس بعشرمنأندرالخيل الشيخ بن عظيمان جمع كبار فرسان آل عليان كافه وافق على الشًرط ،،
وقال لهم عزوة بن عمي عزوتي لاباس يآل عليان آل لاحق وال صالح نقبل الشرط وأن كل فارس يمر أمام مجلس الشيخ بن عبود يعتزي خيل الشرفا (إنتهى،،،
قال فراج بن شويمي بن عايض ال سفران ال صالح قال فراج خلوني أتلا الفرسان

(أنا اتلاكم ولاني برداكم) حماي التالي والراس عالي (ونابن صالح)
وهويخفي في ذالك^ سر^ لبداهته وعبقريته وفطنته وشجاعته ولوكان بعده أحدا من الفرسان لحصل خلاف حتا يومنا هذا وكلً(ن) يريد ينسبها لنفسه ولاكن هيهات هيهات قضي الأمرالذي فيه تستفتيان
(ماحباًي يجي تحت منبطح) رحمه الله
وبدؤو بتنفيذ الشرط خيالة الشرفاء ولاغرابه فكم من قبيلة دخلت تحت هذالشرط
خيالة الشرفا من قحطان حتا يومنا هذا وإلى أن يرث الله الأرض ومن عليها
وذالك بسبب غزوقبائل السبعان على قحطان وستنجدوا بآل مسعود فقال بشرط العزوه خيال
الشرفا لعلمهم بأن الإبل مستحيل كسبها بل النجاة بأنفسهم مكسب من خيالة الشرفاء فهم أشرس قبائل نجد والجزيره العربيه في القتال،،،
بدؤوآل عليان بتنفيذ الشرط فلما أنقادو الفرسان طابور كل مامر فارس يليه الآخروحان دوره
أخذ يصول ويجول في الميدان
وكلما أقبل على المجلس إنحرف بفرسه ونسطر ثم أرخى مصاريع السبق ومر الشيخ معيض وجواره
الشيخ بن عظيمان وكبار شيوخ ال جمل لحضور الصلح وهويعتزي
(خيًل الجدعاء ونا بن صالح لاتسموىولاني إبغبي )
حتا دخل بفرسه وصط الصيوان ،،،(خيًل الجدعاء ونا بن صالح لاتسموى ولاني إبغبي )
فقام الشيخ بن عظيمان وجميع كبار قبايل آل جمل والجحادر وطاحو على راس الشيخ معيض
ويحبون خشمه أن يترك بن شويمي وعزوته فقبل ذالك ونتهت الخلافات وصار مثلا مشهور
بسببه أنقذ الله به قبيلة آل صالح خيالة الجدعا وال عليان عامه شاء من شاء أوأبأ من أبا،،،
من دخولهم في عزوة خيالة الشرفاء
هاكذاصناًع القرارالتاريخي الذي خلًده التاريخ ،،،
((خيًل الجدعاء ونا بن صالح لاتسموى ولاني بغبي))
ترى المراجل بالمواقف دقيقه =من درة المكنون جوهر ودراً
خطف النظر لمح البصر في شعيقه=يطرب له الصنديدوفيه المسرًا
التاجر اللي غاص غبه عميقه = والخاسر للي مال بخته خسرًا
جدي قد أخلف شرطهم بالوثيقه= عزوة بني مسعودفيهم إتقرًا
زعزع الجدعاء لو تروح بحريقه=انا بن صالح ماتغبًا جهرًا
جدي تحدي فوق شامخ طويقه=نزل الصواعق من سمانا إتورًا
ماهيب سوالف ليل ونغمة مسيقه= وللا على قوس الربابه تجرًا
واللي شرب فنجال فارس فريقه=في يوم عاصف طلوحت بالغيرًا
فراج بن شويمي وهاذا طريقه=جدي وحدي في ذراه إنتذرًا
الفارس المغواريشعق شعيقه=حاضر بحاضر ولبدايه بحرًا
دوك البسيطه والرواسي طبيقه=الحمد لله والقساور تفرًا
قاله عصي الراس ولاشي يعيقه=عندي لهم آيات ربي مقرًا
مع تحيات عاصي الشعراء العلياني
عبدالله بن فراج بن شويمي آل عليان الجحادر
((فراج بن شويمي ولا فيـه خوجـال))
جدي قد أخلف شرطهـم يالبوهـلال=عزوت بني مسعـود حـد السليلـه
كـل القبيلـه وافقوهـم تجـمًـال=مـا يسمـع التمثيـل أولا ينتميلـه
زعزع بن صالح عـلا كـل الأبطـال=من فوق بنت الريح موت (ن) تشيله
خيًل الجدعـا ماتسمـوى تسمـوال=لبًـا شياطيـن الـدجـر والقتيـلـه
يدعس وطيس النار والحرب سجـال=رجًت طبـول الحـرب ياهـمًليلـه
فراج بن شويمي ولا فيـه خوجـال=جـدي وحـدًي عزوتـي والفصيلـه
كـل القبايـل بالفعايـل ماتنـطـال=كلـن عـلا حـدًه اويوفـي عميلـه
قلتـه ونلعاصـي عـلا كـل عيـال=من لامنـي يطـوى بـه الجندليلـه
من لامني يبلا بنا حـال فـي حـال=حاضر بحاضـر ضيًـع الله دليلـه
لاولـذي منـزل تبـارك ولنـفـال=ماغيره ارجـي رحمتـه ورتجيلـه
عاصي الشعراء العلياني
عبدالله بن فراج بن شويمي العلياني القحطاني
((جدي قد أخلف شرطهم يوم الأهوال))
الله أكبريابعد كل من قال=أنا بن صالح عزوتي صلب جدي
ماتاتي الطالات بالقيل والقال=كود اللذي يدعس وطيس النكًدي
جدي قد أخلف شرطهم يوم الأهوال=يوم الرسم مرسوم محدن يعدًي
أنابن صالح ماتسموى تسموال=ماينتغباً نجم حادي وحدًي
في يوم عاصف صرًخت كنًها إشوال =مثل الغيوم إبمزنها تستكدًي
الفارس المغواروالغيم ينجال=وآل لجمل بجموعهم ياسندًي
خيالة الشرفاء لهم شرط وطوال=أشرس قبايل نجد يهل التحدي
والله لبرهن من تواريخ البطال=الشيخ بن عبودعلم(ن)وكدًي
يبجد بصبيان الجمل ذرب لفعال=قوًه صطيه والعوادي تكدًي
مع تحيات:عاصي الشعراء
عبدالله بن فراج بن شويمي العلياني

_________________ تــوقــيـع


*لاتحسبنًي بشتكـي مـن مساويـــــــــك= مـن دون حدًي بحكمك في حدودي* *ماني ونالعاصـي تضـن الرجـاء فيـك=رجــــاي بالله والـخـلايـق شـهــودي* *فيني طناخه يافتى الجــــود وطغيـك = أبــــك إقحطانـن كـلهـم لـي سنـودي*

نسخه مشاركة الباحث التاريخي الشرفاء عزوتي \

الشرفا عزوتي;237133 كتب:: كــــــــــــــــــــفــــــــــــــــــــوووووووووووو يا وجيه ال الجمل ((((من دون حقّكم ومن دون حدّكم))))

الشرفا عزوتي;237133 كتب:: والله يرحم شيبانك وأنا السالفة سمعتها وانا صغير والمثل ذا تردد علي (لا تسموى ولاني بغبي) ووالله إنكم يال عليان أحرار من ظهور أحرار ووالله إن معيض بن جعفر شيخ وولد شيخ ولا يلحقه حق وله قصه قديمه تدل على حبه لقبايل ال الجمل وموجزها إنه حصلت مشلكه قديمة بين ال مسعود وال سويدان (حنا في مثناة عن ذكر تفاصيلها) وحكم معيض ابن عبود ضد ال مسعود ولا وقف معهم ووقف مع ال سويدان لانه كان يرى بأن الحق معهم في القضية وزعلو ال مسعود على معيض إبن عبود وقال للال مسعود جعله زعل يتلى زعل،،، وهذا إن دل فيدل على أن معيض بن عبود شيخ وولد شيخ وشيخة ابوه وجده (شيخة شمل) ولاتفرق لا بين مسعودي ولا بين سويداني واشهد بالله إنه سيف عز الله يرحمه ... يا وجه ال الجمل أنت ديارك قريّبه من ديار ال مريتع - والعجارشة -
وال عياف علمنا بعلومهم وفرسانهم وهيّاتهم ،،، وش سالفة اللي زبن عند ال عياف وقال:
أشوم انا والي مثلي يشومي---والحر لاشاف الجفا وسع الحوم
انا احمد الله بين جمع زحومي---خيالة الشدقاء كما دولة الروم
مايذبحون الا من الجمع كومي---ولاالفقار الي بعي عن السوم
ووش سالفة العجرّشي (اخو الشيخ محمد ابن هادي) من الأم وش قصته مع الشيخ إبن هادي؟؟؟
انشد ال مريتع علمنا بسوالف (عيد الخيل) عيد المريتعي ،،، وابن بلاّع المريتعي؟؟؟ وفرسان ال فاران وال طرخم ال مريتع؟؟؟؟وسالفة الفارس صويان ال مريتع؟؟؟؟
بالمختصر الشديد (ابيك ولا عليك أمر تنشد شيبانك من فرسان ((((ال مريتع-العجارشة-ال عياف))))
وال شبوة وال سويدان عندي كلهم بجيب لك سوالفهم إن شاء الله .

المشاركه منقوله من مجالس الخنافر

[ندعوك للتسجيل في المنتدى أو التعريف بنفسك لمعاينة هذا الرابط]

ارررررررررررحب يابن شويمي اررررررررحب يالكفو بن الكفوووووو
الله يرحم فارس ال عليان فراج بن شويمي اشهد انه عاصي بلاقياس
ماتصنع العزوه ولاحسب للعواقب لو تقبع وتشب ماتسموى ولاني بغبي
وعزالله لمير معيض آل مسعود اشهد بأنه امير ولد امير يقولون الشيبان
من حبه لالجمل يقضي بالحق معهم لو يزعلون ولايرضون ال مسعود عليه
الله يرحمه وفراج بن شويمي يقولون مايرخص البل الا في حالات سوق
الديه في الدم ماحسب لها حساب قالو له يافراج ليه قال ماضميناها ونرخص
لعمر دونها الافي مثل ذاليوم ومثله وسمعت الشايب حمود بن عايض بن شبيب
جعله في الجنه يقول فراج بن شويمي من حبه للبل وحبه الجماعته لاجاه خبر
ان ابل فلان ماخوذه (انصرع)
يقول كان في مجلس لمير بن عظيمان وظهر عليهم فارسين من آل سفران
اظن انه بن جروان وفاهد بن خريع وكانو غايبين من البل وجا القوم وخذوها
عرفهم قال ذولا الربع جاو والله ان معهم علم وركب فرسه ونطحهم وعلموه بالعلم
ويرخي عنان فرسه قال بن جروان تكفا يافاهد الرجال لاينصرع خلنا نوازن به
يقولون عليه اقشعه شوشه والله ماعلمو الا راس الرجال يوم خنع وهم يزرقونه الثنين مع شوشوته ميامينه ومياسيره
والخيل على قبلهاالمهم وصلو مجلس بن عظيمان ونشغ الرجال يعني فاق قال الهم ابشرو بالعوض
وهواللي يقسم ابله نصفين نصف له والنصف لاخر اقسمه بينهم جعله في الجنه هاذي السوالف
عارفينها ونسمع بها من يوم حنا صغار ومع شيبانا ومستغرب منك ماتجيب سوالفهم وقصصهم
من زمان جعل يمينك ماتعطب ياولد العاصي ونا بن صالح خيل الجدعاء وراعيهااسلم وسلم

الله يعطيك العافية
علي الطرح المتميز

ارحب يامثل شرفني مرورك

_________________ تــوقــيـع


*لاتحسبنًي بشتكـي مـن مساويـــــــــك= مـن دون حدًي بحكمك في حدودي* *ماني ونالعاصـي تضـن الرجـاء فيـك=رجــــاي بالله والـخـلايـق شـهــودي* *فيني طناخه يافتى الجــــود وطغيـك = أبــــك إقحطانـن كـلهـم لـي سنـودي*

رفرف ياعلم وصرخ ياقلم "
تحت راية التوحيد بقيادة خادم الحرمين الشريفين
وولي عهده الأمين"
حنا جنود الفيصلي"والبيعه""مانخلع الطاعه مثل الإخواني"

بقلمي الصارخ ولساني الصارم"
عاصي على الشعراء"وأشعارهم بالكتاب والسنه"
عبدالله بن فراج بن شويمي العلياني"

_________________ تــوقــيـع


*لاتحسبنًي بشتكـي مـن مساويـــــــــك= مـن دون حدًي بحكمك في حدودي* *ماني ونالعاصـي تضـن الرجـاء فيـك=رجــــاي بالله والـخـلايـق شـهــودي* *فيني طناخه يافتى الجــــود وطغيـك = أبــــك إقحطانـن كـلهـم لـي سنـودي*

» فراج بن شويمي وهذاطريقه (خيًل الجدعاء ونا بن صالح لاتسموى ولاني بغبي)
» ابن فراج عبدالله وجده راعي العزوه ماتسموى وغتبي ونابن صالح شويمي(الشاعرحمود الشلاط)
» الفارس فراج بن شويمي زهاذا طريقه
» ((جدي قد أخلف شرطهم يوم الأهوال))الفارس فراج بن شويمي
» ((جده الي اخلف العزوه و به يقتدي)) الفارس فراج بن شويمي