ياصباح الخير مرسول الصبـاح=ياشعاع الشمس مرسول الخبـر
وسدلت جنحانها عنـد المطـاح=وستعـدت لاالـوداع المعتـبـر
ياجحـادر يقحطـان العـز لاح=مثل برق(ن) لاشعق خطف النظر
حن بني مضيم التحدي والنـزاح=ننزح الجمع المدجـج بالخطـر
حن جنود الدين وجهاد وكفـاح=وبن ثابـت حطـم أزلام الكفـر
حن جنود الدين في صبح ورواح=في غداتـه والعشيـه والفجـر
حن عذاب الصافنه بنت الريـاح=حن رواسي في الفيافي والمد ر
حن هل التجويد سورة لانشراح=فضل من أقسم بنونه والعصـر
حن جنود الحق وسيوف ورماح=حن عذاب إرهابهم موت(ن) حمر
بالشريعه صيدنا ظبـي البـراح=نـارد الصافـي ولانـارد كـدر
يافضيلـه يامعالـي ياسـمـاح=لن تطاول لـن تباهـا بالكبـر
نستجيب اللـي دعانـا للفـلاح=للفروض الواجبه سـر وجهـر
مانخون الوجه لاحـل الصيـاح=نفخة الصور أصعقت كل البشـر
والقبايـل بالفعايـل والوشـاح=يابكر يابـو بكـر شلفـا عمـر
قاله اللـي لابـدا دلـوه ومـاح=اللآلـئ والجـواهـر والــدرر
مع تحيات : عاصي الشعـراء
عبدالله فراج بن شويمي العلياني القحطاني
السبـت 2 ذو الحجـة 1432
