السلام عليكم ورحمة الله وبركاته
هذي الابيات اهداء لشاعر عبدالله بن فراج العلياني
ويستاهل المدح من يستحقه مثله وشرواه
انا معفيه عن الرد
ياهاجس الشعـر يامعنـاه وابداعـه=حضر جزال المعاني عنـد واجبهـا
كانك على ماعهدت السمع والطاعـه=تطرب لك اهل الوفاء من قبل تطربها
المدح فاهل المدايح يرفـع شراعـه=مثـل ابوفـراج حاويهـا وكاسبهـا
فيه الصخى والوفاء والطيب بالنواعه=كل الصفاة الحميـده فيـه فازبهـا
قرم عن المرجلة ماتقصر الذراعـه=من لابتن مـن قـرده الله حاربهـا
الاد صالـح سيـوف العـز بتاعـه=جحادر ن تدحـر اعداهـا وتتعبهـا
قاله عبيدي من اهل المجد وسباعـه=عبيـدة اللـي معربتـن مناسبـهـا
الشاعر:سعيد بن محمد بن مريع المهداني
