بسم الله الرحمن الرحيم
السلام عليكم ورحمة الله وبركاته 00وبعد
( الحمضه وعين قحطان وتثليث واليهر) وغيرها ))
الحمضه قريه تبعد عن محافظه تثليث 25كيلو ويسكنها قبيله ال مسفر ال مسعود وال سيف وشيخهم
الشيخ / ذيب ابن كعده هو شيخ ال مسفر آل مسعود ال لجمل الجحادر اهل الحمضه
مثل ماهو ابن زقبان شيخ ال حسين اهل لجعه و شيخ شمل قبائل آل مسعود ابن عبود أهل تثليث كافه
آل مسفر ال مسعود ال لجمل يمنعون ابلهم وعددهم عشرين والقوم اللي غزوهم فوق اربع ميه
من يام ومن عادة فرسان ال مسفر وال مسعود فارسهم مايسند لا طردوا القوم ماعاد ينثنون لين اما ينقتلون ولا يقتلون
قال الشاعر محمد بن سالم بن جروان آل عليان ممتدحاً آل مسعود : من لابـةٍ خيالهم مايسنــــــــد
لاجا نهار الضيق جاه اسطار خيالة الشرفاء إلى رد البرى هم آل مسعود هل تشجع لان فعلهم يشرف الجحادروقحطان
الحبابي يوم جاه علم أهل الحمضه وانهم منعوا ابلهم وعددهم عشرين والقوم اللي غزوهم فوق اربع ميه تشجع لان فعلهم يشرف اقحطان ياولدي كلهم فشرف في راس جبل اسمه ( لهو ) علوا في ديار الحباب وقال الحبابي قصيده منها
الحبابي بـادي راس الجديـره=في ( لهو ) هبت عليه الرايحاتي
علم اهل رغوان جا في كل ديره=وقفوا عشرين تو ربـع امياتـي
وادي كم جاك من حمرا امغيره=ذي مقابيـل وهـذي مقفياتـي
بنتهم تخطب ولا فيهـا خسيـرة=وقفوا عشرين تو اربع امياتـي
بموجب هذه القصيده التاريخيه تطرق وابدع شامخ الشعراء
دايس المسعودي بقصيده شاهده
على شجاعة فرسان ال مسفر
ومعركة الحمضه التاريخيه
اسندها للشيخ / ذيب بن عايض بن كعده ال مسفرال مسعود :
يابو حمد يامكـرم الضيـف والجـار=ياشيخنا اللـي منزلـك كـل عالـي
ياللي على الشـدات عـازم وصبـار=شيـخ لنـا مـن ماضيـات الليالـي
نفخر بشيـخ فـي المواقيـف جبـار=مـن دون ربعـه يرتكـي للثقـالـي
طيبك يابن كعده على كـل الاقطـار=تدري به العربـان شـرق وشمالـي
المرجله عاداتـك يانسـل الأحـرار=نسل الشيـوخ اللـي تهـز الجبالـي
ابوك عايض من طويليـن الاشبـار=عسـاه للجنـة كـريـم السبـالـي
جدك رعى الحمضه رعى العز والكار=اللـي بناهـا واحتماهـا وصـالـي
من دونها ياطا على كـل الأخطـار=كم من عقيـد طـاح والـدم سالـي
يابو حمد لا صار في العلـم ماصـار=حنا حـزام لـك علـى اول وتالـي
هرج صحيح مايجـي فيـه الأنكـار=تبشر بنـا لا صـار مـس الحبالـي
اقولهـا بسـم النشامـا هـل الكـار=حنا هل ( الحمضه ) أزحول الرجالي
ربعك هل الحمضه سديدين الاشـوار=اللـي يلبـون النـداء وانـت غالـي
وقفاتنا مـن دون حسكـات الأوبـار=المـوت مـن دون البكـار الغوالـي
يشهد على ما قول في وقت الأسحـار=قمنـا وهللـنـا بــرب الجـلالـي
من دونها ما حن نحسـب للأعمـار=ونرعا بها قفر مـن النـاس خالـي
دون العشايـر ارتكـى كـل مغـوار=( عشرين ) قرم فـي نهـار القتالـي
جانا مـن العـدوان قـدام الأسفـار=( أربع ميه ) والدار فيهـا أجتوالـي
من وقعنـا راحـو موليـن الأدبـار=من وقع ربعـي يسبقـون الجمالـي
لعيون من تفخر بنـا والدخـن ثـار=لعيونهـا ماهـم ضـرب السـلالـي
حتى الحبابي في لهو قـال الأشعـار=يفخر بنا مـن فـوق روس الطوالـي
يشهد لنا التاريخ فـي سـر وإجهـار=وتشهد لنا العـدوان والـراس طالـي
والمعذرة يامكـرم الضيـف والجـار=لو صار نقـص فـي نهايـة مقالـي
الشاعر دايس بن عايض المسعودي
سبحانك اللهم وبحمدك ،
أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين
الكاتب عاصي الشعراء العلياني
