قصه بن محوال ومحسن بن حملا ( محسن الحصان )السلام عليكم ورحمه الله وبركاته
شحالكم جميع وصبحكم\مساكم الله بالخير
اليوم حبيت اطرح لكم قصه عقيد حاقد على بني هاجر
بسبب انهم ذبحو اخوه وقام يشتمهم في القصايد
وهو العقيد شافي بن محوال الفهيدي من ال مره
وقتل على يد الفارس محسن بن عايض الحملا ال زايد
الملقب بـ محسن الحصان
له بصمه في تاريخ القبيله
فارس اشتهر بقوته وشجاعته وشدة بأسه
لقبوه بـ ( الحصان ) لأنه كـ الحصان في ميدان المعركه قوي البنيه
يلحق ولا يُلحق سريع قوي شجاع يضرب الرعب في قلوب اعداءه يسبق جموع ربعه على الاعداء
مقدام ومعروف انه يقاتل بشراسه جنونيه غير طبيعيه وهناك عقيد قد تشرح على يده ومقتله كان شنيع
دب الرعب في قلوب ربعه عندما رأوه يقتل وخافو ان يصبح مصيرهم مثل مصيره لان مقتله كان شنيع
[center]ولا يستحسن ان نقول طريقه قتله بل سوف نذكر الاسباب التي جعلت الفارس محسن يقتله بهذه الطريقه !!
لن اطيل عليكمفارسنا هو الفارس محسن بن عايض ال حملا ال زايداسمه الكامل محسن بن عايض بن سعد بن ضيف الله بن بشر بن عامر بن فهيد بن زايدالملقب بـ ( محسن الحصان ) رحمه الله وسوف نقدم لكم اليوم بطوله من بطولات هذا الفارسكان هناك عقيد شاعر من قبيله ال مره الكريمهقد قتل اخاه من قبل بني هاجر في احدى المعارك بين بني هاجر وال مرهوهو العقيد الشاعر شافي بن محوال ال فهيده واثارت هذه الحادثه الى حقد هذا العقيد على قبيله بني هاجروشتمهم والتبلي عليهم بالقصائد من قبل هذا الشاعرورد شعار بني هاجر عليه ومن ظمن قصايده الكاذبه والرد عليهاقصيده له يقول فيهاجاو العوازم والهواجر من قُطـر= وسبيع ومطيـر يبغـون الجهـام
لجـو علينـا كلهـم لجـة جعـر= وكل علينا مـن عداوتـه ستقـام
قمنا لهم من دون حسكات الوبـر= دونابلنا نكسر صليبات العظـام
مخيلـة هلـت سحايبهـا المطـر= وين انت منها يوم هلت يالخمـام
يدفق بها سيل مـن الـدم الحمـر= والصوات حمران النواظر والكتام
الهاجري يخنـق وعيـا يستقـر= بالحكي والا الفعل ما عنده زحـام
يحرم عليكم منزل الروض الخضر= ماتنزلـون الا بديـران الوخـام
حنـا تذيلنـا مواسيكـم كـسـر =الين باقيكـم زبـن ولـد اليمـام
طبعاً الكذب واضح من غير لا اشرح
يكفيكم اول شطر جاو العوازم والهواجر من قطر < مدري وش جاب العوازم لقطر ؟
وهالقصيده منتشره في منتديات قبيلتهم !!
وطبعاً غير الشتم بالقصيده اسمحولي فيه وهذا رد الشاعر المخضرم كليفيخ بن جويريه ال جدي عليه
بابو سند ياشوق براق النحر *** اشتد بي وعتد ترمي لك حزام
ياجا نهار فيه خير وفيه شر *** فأنا معك في رشد وغلا في ندامايلا جات من عي كما عمس البصر *** نقعد صغي العايل بعيال تمام
ننحاه من درب السهل صوب الوعر *** حتاه ينسى اللي طراله من شمام
ما حن خفيفين إلى لجانا النذر *** لا نستعين إلا بمنشبي القيام
ولا من هوش اللي من بديهم خطر *** كل أبلج في الضيق شايله العزام
حضرة قحاطين شاملهم الدجر *** وهاذي سواياها إيلا هب لولام
حنا لبن محوال جرح في النحر *** أن حق به ولا بيطول به الهيام
والله أنه هبيل الراي ما عنده نظر *** اللي نسى روحه وهف به المقام
ويش ذا الشره لمشبي العير الحمر *** وخوه تربت خدته مزيد قام
ماشاف (يوم جنيح) عقب العصر *** يوم الفواضل مثل هرب النعام
من وقع ربعي يوم رموا بالغتر *** طيحاتهم كنهم حصى البرج الهدام
والله لولا الليل ما نحق النير *** ما يروح منهم من يعلم بالعلام
ويوم على ( الحجرة ) بعد وينذكر *** الأول يعلم به كنيين العلام
ويوم على (فودة) من أيام الفخر *** قالت (قبوره) ياسلام الله سلام
مني غشاي مبهل العجاج به كدر *** وانحا على (أم حويض) غادي له اكتام
ومثله (أبو يسة) قبل ينباج السفر *** غداء طمعنا روسه من هو المرام
ياما كسرناهم بكسر ماجبر *** وما خسرناهم بغالي ما يسام
بمجربات ضربها شيز وعسر *** جور مواقعها يشظا العظام
منهم عشاء لطيروالذيب الغبر *** والضبع الأكوع ساجد لله دوام
ربعي سلام ياربع تواصوا بالظفر *** مستسلمين يوم حزات الاستلام
كله لعنا اللي دليقه لنحدر *** حول على هبع سراجيف هظام
أقول ياسبحان من بيده الأمر *** هو ماخذ عكسه على ممشى الحمام
لقبلن ياحب عود جسمه وانصهر *** أشكال غصن الموز لاهب النسام
وتمت وصلى الله على سيد البشر *** صلوا على المختار ختمان الكلام
^^طبعاً هذي قصيده يذكره بمقتل اخوه فيها ويذكره بالمعارك الي راحت عليهم خسارهوالعقيد ماتاب عشان لا يلحق اخوه .. رجع وشتم من جديد ويقول في قصيده له
طبعاً كل قصايده ناتجه عن الغل والحقد بسبب مقتل اخوه ولا اللومه لانه مهب اول واحد يجيه هذا الشعور
يقول شافي بن محوال المريالهاجري ماله من فعوله فرج = لو انه بيفعل فعل قبل الكمام
الحي من شيبانهم قده عرج = والي توفى عيدوبه صلب يام
زرع الكمام الي عليه الماء درج = واليوم قده مستحقن للصرام
فسمع الابيات الشاعر هداف بن قشعم الزايدي
قال ابو رجا يبي يخليهم زرع يصرمونه وهو اخوه صارمينه
ورد عليه بهذي القصيدهيالله يالمطلوب يا عالي الدرج
يارافع الرايات يامنشي الغيام
افرج لمن يصبر وفي صدره حرج
ايلين سبب الحكا ولد الحرام
الي يعير بالعرج ماله فرج
حنا عليه حمول ضيمن واستضام
اخوه في بيعاتنا دمه درج
طروه ربعي قبل ينباج الظلام
( في البيت الاخير يذكره باخوه الي انقتل على يد فرسان بني هاجر )وبعدها صارت معركه ويسه و التامتين
وتواجهو بني هاجر وال مره .. واشتد القتال وسط المعركه وكثر القتل
من جهه بني هاجر على ال مره قتلو الكثير منهم
من ضمن القصايد الي قيلت قال حرفاش الكدادي يرد على مري يومها
كن الجنايز عصي(ن) بأيسر الحله = مثل الخشب ناضده بالسوق حمالي
^
اي من كثر جنايزهم
وقال سعيد بن حسينان ال زايد يمدح ربعه ال زايد ذبحو 90 لحيه يومها
فما بالكم بباقي بني هاجر
انا احمد الي فالمبرنس عاضني = في التامتين مثورن القتام
تسعين نفس الي وطوهم لابتي = يالله ان تعدي لابتي الاثام
وتواجهه الفارس محسن الحصان
مع العقيد شافي بن محوال وتبارزو وطرحه من فرسه وقتله
وقيل انه تسابق مع الفارس محمد بن فالح بن قشعم ال زايد على ذبحه العقيد وصوبه محمد ولم يصبه ثم صوبه محسن الحصان وقتله ونزل من فرسه ( والتكمله عند الشيبان ماني ذاكرها واغلبكم عارفها )
وصاح يعتزي في حنتوش بن لقرع ال زايد عندما قتل العقيد
وكان حنتوش مصاب في المعركه ولم يتوعى عندما زعزعه محسن بن حملا
وقال شاعر من بني هاجر
ليت حنتوشن توعى في الصباحي
وانتبهه يوم القروم يزعزعونه
زعزعه محسن كساب المداحي
سعد ربعه جعلهم ما يفقدونه
وابن محوال عشا للذيب طاحي
والضرايا السحم تاكل من متونه
وايضاً قال ناصر بن شويمي رحمه الله يهجو بن محوال بعد موتهجعل حن نجزاه الي فعل فيه الحصان
يوم سلقه محسن وحط ...... في جماه
^النقط كلمه لا يجب ذكرهاجماه = فمه وهذي قصه العقيد الي حالياً قصايده منتشره وهو اكثر عقيد حاقد على بني هاجر من ال مره وذكرنالكم السبباي احد عنده اضافه لا يبخل عليناتحياتي