((ياقنوات الفضاء ماتخلقين معدوم))
مرحبا ترحيب يضفي على الحفلةعموم=عد ماتذري الذواري وهمال المطر
من حضر في حفلنا مرحبا به ومعزوم=في قدومه نفرش الورد والزل الحمر
أفتخر في حفل ربعي محطمت الرقوم=الدواسر عزوة العز رواد الفخر
يامدابيس الوغى يا مطوعت الخصوم =باسكم عند الشدايد يلين له الصخر
خلد التاريخ سطوة قويين العزوم= مثلما خلد روايات تغلب مع بكر
روس قوم عانقت بالنسب سادات قوم=فايزين بالكرم والمراجل والضفر
اعتلا نجم ابو فيصل على كل النجوم=قام حضه بقتران الثريا والبدر
خذت قسمك يا البريكي من خيار القسوم=بنت شيخ في المواقف يشد به
الضهردرة ما جابها من يغوص ومن يعوم=دونها سبع الضلمات وامواج البحر
والتحد صف النشاما محققت الحلوم=كل منهم لابن عمه الياحتاجه ذخر
جعلها جمعا على العز والطاعه تدوم=الفتا بين الاكارم على طول العمر
شرهت الشاعر على لابته من غير لوم=تلحق الطيب ومن في يده علم وخبر
حسب عرف القبيله والعوايد والسلوم=من حلم باالنصر من دون ربعه ماانتصر
شاعر يتعب على الشعر ويسد اللزوم=يفقد لياغاب ويشاف لامنه حضر
صارم يخلف هقاوي مرفعت الخشوم=وحربتا تروي شبا العود من دم
النحرفي المواقف ما يزلب مواجيب القروم=ودون ربعه ينثنى مايدور للعذر
ماتغير لو تغير مواقيف الرخوم=كاالبحربالموج لاهاج له مد وجزروأحمد الله
عند قومي مقدر ومحشوم=ومن يقدر موقف الطيب له عندي قدر
لوتهاجر كلمة الحق الواقع يشوم=ولامانه والذمم تعتزل بعض البشر
والضماير تسقط الحق والواقع ضلوم=والبصاير تبصر الحق ويزيغ البصر
الزمن دوار والناس معطى ومحروم=والوسيله صارت اشد من فعل
القدرالوسايل ترفع الطايح اللي مايقوم= لين تبني بيت حلمه على صطح
القمرمكرفون مكبرالصوت والتصوير زوم =ولفلاش يوصل النور لوجيه الصور
قايمت بوم الصور صورات مليون بوم=واحده في الكرت ولباقيه في المختصر
ياقنوات الفضاء ماتخلقين معدوم=لو تتمين النواقص الى يوم الحشر
افرزتك التقنيه والحداثه والعلوم =وبتديتي بعد دور الصحافه والنشر
في زمن غمط الحقايق وتزويرالختوم=قطرت من غيثهم تيبس العود الخضر
الهدوم اجداد مير البلا تحت الهدوم=لودرابه طالب الخير يمديه انتحر
والسلام وختام والناس معطى ومحروم=يازمان العولمه ويش باقي ماضهر
مع تحيات الشاعر/ مبارك بن محمد الرجباني
