عقيد قومي في عدد الف والفين

((عقيد قومي في عددألف ولفين))
باسم الله أبدأ بالصمد مالك الدين=واحد أحد فرد(ن)صمد لاسويه
ركني وكنزي قوتي غيره إمهين = من يرجي الغرقان ينقذ خويه
من يقربه رغم إشنبه صيدة الشين = صيد العمى شاته إبقوه صطيه
واحد أحد فرد(ن)صمد ركني إمعين = رغم النظام السايد البابليه
هاروت وماروت السحروالميادين =ومن البيان أحكام حجه جليه
ياناشد(ن)عن سيرتي حرب صفين = وم المعارك ماتجي ربع سيه
ياناشد عن سيرتي بالغناوين = ندغم له الغنه حروف أبجديه
لاولذي منزل تبارك وياسين = كلن له النيه تحدد نويه
أحد(ن)تسيًد سيد سادات والقين= سادات قومه في جهنم جثيه
أحد أحد من فوق صدره صخرتين = صبرا قليل وحقق الله بغيه
أول مؤذن لاالنبي في الحرمين = ومن الأوائل بالجنان العليه
السابقون السابقون الميامين = الراكعون الساجدون الصفيه
أمة محمد خاتم الرسل والدين = يهدي صراط(ن) فوق نارن لظيًه
وين العصاة وطغى الطغات الملاعين = فرعون يعرض في صباح وعشيه
ومن الحجرومن البشر والشياطين =نارن تلظى مالهم من نجيًه
ترمي شرر كالقصر وين العصيين = وخازن جهنم بالأمم جندليه
إن كل نفس(ن) بالصحف والدواوين = حظ اليمين وهل الشمال الخطيه
الكاتبين الحافظين البريرين = والله ولامثقال حسنى وسيًه
واللي عتل أزنام قوم (ن)عتلًين= مع الطغاة اللي غوات الغويه
قالويامالك أدعوربك عسى اللين=قال إمكثوافيها بلامنطقيه
مايرحم إلا الله ولاغيره إمعين = رجواي بالله مارجيت البريه
الله وكبر رددوه المواذين=وطلب من الله بالوسيله نبيه
وحكام ربي منهجي حيني بحين= خايف عقابه مع ثوابه عليه
سبحان من أمره مع الكاف تنوين = ركني وكنزي رادته والمشيه
لاتمد عينك سهم غيرك على وين =نظره بنظره والجوارح وفيه
دوك العواصف والدول والمحامين =حسب النوايا والرزايا رزيه
مايستوي (حرن )شهروالكراوين= دوك الحرارالكاسره صيرميه
بمر الضعيفه ياحذاري حذارين= رايك براسك والرواسي رسيه
بنت الكحيله عسفها بالخطامين= ياحامل الأثقال فيك الكفيه
جملني الله مابعد خبت في حين = المستحيل إبحيل ربي قديه
صح الله الساني ثقات وبراهين = من صغر سني ماطلبت الحذيه
والله فلارجي حاكم الهند والصين = والله ولاحكام نجد العذيه
دون الوطن والدين والحاكم إيمين =مانخلف البيعه ولانخون نيه
حنابني مضيم الرواسي صلاطين= في مامضى واليوم ياهمليًه
صكات بقعاء لقبلت بالمواوين= المنتحر لجل الخطر في هويه
ياماحلا سكر السطردون تموين =خطف النظر المح البصرفي سنيه
شاعروقاضي وفلج الخصم تلقين=عندالتراقي لقنوه التحيه
قلته ونالعاصي على رغم خامين=ركني وكنزي بالعلن والخفيه
كيف ارتجي مخلوق مثلي من الطين =ماننحني كود إلإله البريه
مايستوي كادي وعنبر ويسمين = مع نافخ الكير وسواد الخطيه
لوكان لالحسنى طعم خوخه وتين =طعمي كمى طعم الشري حنضليه
لوكان لاالسيًات شارات وتبين= إني كمانجم (ن) تفرد حديه
والله ثم والله بحكام تقنين = ماخيب الله مرتجيه وصفيًه
ساتر عيوبي مع ذنوبي ولنهين = عززني الله والموارد ضميه
وناالضعيف ابن الضعيف الضعيفين=خايف عقابه من بحور الخطيه
ونا الفقير ابن الفقير الفقيرين = لاللي عطاني دون من وجزيه
رجواي باللي قد عطاني عمى عين = عدوي اللي سببوله أذيه
سيفي ودرعي لاغدى العلم علمين= عندي صقور(ن)وحمدالله عزيه
ينجال همي يافرج والسعد وين = سعد السعد وخوانه إلهم مزيه
وهبني اللي مايمن العطاوين= جزل الوهايب مايمن العطيه
ربعي هل الطالات من صلب دهنين= آلاد وظبان الفخر والحميه
وحنابني سفران ربعي إمسمين= وآلاد صالح لاعتزينا سويه
وخواني اللي فيهم الحد حدين= سم إستلم منى صحيح الرويه
ركني وكنزي رجوتي يوم وسنين= ركني تحدي به على كل هيه
العيب شق الجيب جاوب له السين =لاتفضح المبلي تجيك الرزيه
والكذب يفضح صاحبه بالمواوين= فيه الرذاله والنذاله حليًه
ذات الصواري قبل تاريخ حطين =هوًزمع أبجد بالحروف الهجيه
أهل الكتاب اللي لهم علم سامين = تاهووساحوفي صحاري سنيه
ياعزوتي يامحزمي يحمر العين= رجت طبول إمسيلمه بالسريه
عندي لهم صنيان لاكن على الدين= إليازهمته كب دينه وحيه
عقيد قومي في عددألف ولفين= عايض وعايض مايبيله وصيه
ينزل خبر من فوق سبع السماوين =ينجال همي بالحظوظ القويه
يعطي على يوم اللقاء يالفراعين= يهل الكفروهل الفجروالطغيه
إمطوع وصنيان شجع الشجيعين = يسندإلعضدي في لمور العصيه
من لامني يبلابنا لوهوإلحين =حاضربحاضرمانبيع إبقفيه
وللي تراحيب اللقاء باسمه إسمين = حاز الإراده فوق متنه مزيه
رمزالوطن والدين نخله وسيفين= رفرف علمنا في شوامخ عليه
فيه الغيوره والنعاره وسامين = لمري وطوعي في جميع النحيه
لك الشكر لك الثناء منجي إثنين = غار الحراء ياهل ترى من بقيه
سبحان منجى صاحب الفلك من وين = غب البحور الطاميات الطميه
وصلوعلى المختار عد التناوين=في مصحف التنزيل خير البريه
مع تحيات /عاصي الشعراء