محمد بن عبود السهلي
شاعــر
الدولة : 
تاريخ التسجيل : 30/09/2013
عدد المساهمات : 844
 | | موضوع: 897-((مافيه ليله قدم ضيفه تكرم ))الشاعرابن عبود الإثنين سبتمبر 30, 2013 11:41 am | |
| قصيده رقم-1 مافيه ليله قدم ضيفه تكرم (الشاعر بن عبود السهلي السلام عليكم ورحمة الله وبركاته
قصيده للشاعر الكبير شاعر النظم والمحاوره محمد بن عبود السهلي وهو غني عن التعريف
صاحب مؤسسة (صدى الموال للشعراء)
((مافيه ليله قدم ضيفه تكرم ))الشاعرابن عبود
بالله ياللي مدتك تبعد الهم =مدك ولامد اليدين البخيله
ياربنا ماغيرك أحدٍ ابيرحم= سبحانك الله تعمل المستحيله
تفرج المن قامت همومه ترادم=ويجحد ويصبر لوفواده عليله
لاواهني منه دلوهٍ ولاهتم =ولايدري إن الوقت شب الفتيله
لاشاكيٍ ضيقه ولافايرٍ دم =إن زان وقته ونحصل فيه ميله
مافيه ليله قدم ضيفه تكرم =ولايساعد كل منه يجيله
ونا اليا منه زهم قلته سم=لامتقي ولاموصى الحليله
حتا لوآخر ليل والليل مظلم =رزقي ورزقه عند منجي دخيله
من قدم الميسور ماهوب يندم =إيقدمه والله يكثر حصيله
الفقر شين وله على القلب ميسم= والمال شاختبه إقزومٍ ذليله
اللي إمنول مالهم قسم يقسم =اليوم تهرج والسوالف مهيله
الكل منهم ماضي الوقت يكتم =لاهوب لايعزم ولاحدٍ يجيله
خلاه ماله للرجال إيتكلم= والضايعه بين المجالس جميله
سموه شيخ وشاخ ماعاد سلم=البو خايب والخوال الفشيله
ياراس راسي ياعسى الراس يسلم =تال الزمن عجزت إمتونه تشيله
مع تحيات الشاعر الكبير المعروف
محمد بن عبود السهلي شاعر المحاورات والنظم
| |
|
