((الشعر يوجد مع شواعير ثريا))
الشعر يا شعار مثل البحر يا = يغرق وينجي وفيه من كل اللوان
الشعر فن وذوق بين البشر يا = ماهو بكورة نادي(ن) بين جدران
قوافين دسمه وقيفان عريا = وراعي التميز لحس(ن) القاف شفقان
الشعر يوجد مع شواعير ثريا = الي لهم تاريخ ماضي وعنوان
ماغرهم وش صار في الشعر دريا = عليه قله صحة بين الأبدان
جاه ارتعاش وصار في القلب فريا = ولاعاد باقي لاالنسم غير شريان
ومنولن كل الشرايين بريا = يوم الجبرتي قال نادو الويحان
وليوم صار الشعر ضحك(ن) وزريا = يضحكبه افلانن ويضحكبة افلان
باقي قليل ايام لا ينتحريا =ولاعاد يبقاله اصفوفن وديوان
مع تحيات/شاعر الوطن أمير الشعراء شاعر قبيلة السهول
محمد بن محسن بن هزاع بن عبود السهلي
