قصيدة شاعر السهول فالسهول هديه الى منتديات السهول الرسمي
((السهول إفعولهم مثل شمس(ن)في نهار))
باالنيابه عن سهولن مواقفهم اكبار = ايتقدم شاعرآ ماتضيقبه الدروب
السهول إفعولهم مثل شمس في نهار = ما تغط فعولهم عند سودان القلوب
والله انا ما حسبنا حساب(ن) للصغار = الصغير إصغير عقله ولا هوب محسوب
ما درنًا كاسبين الفخر ولإفتخار = كلمة النعمين تهرج إلنا في كل صوب
الشجاعة عندنا تنشرب شرب البهار = اقرب اقرب لين تعرف شروب اهل الشروب
قرب احبوبك وخل الرحى ياخذ مدار = ماحلا دور الرحا فوق نص من الحبوب
ابك حنا مانخاطب ورا سد الستار = الستاره ما تسترك يا وجة الكذوب
الكرم ماجود حاضر ولا فيه اعتذار = للضيوف اللافيه نصرف الي في الجيوب
وجارنا مايمكن إيهان وصل الجار جار = موصي (ن )به صفوة الخلق من قبل الغروب
موصي (ن) لاحد سابع وهو راع الخيار = ينتعامل باالرضاء ولهداوه والسلوب
ومن زبن مايمكن ايضام في جنب الوجار = والشهور اربع تعش تودع العاصي يتوب
ذا دخيل وجية ربعي ويعلن به إجهار = ولقبايل تعرفه من شمال ومن وجنوب
وسمعوا ما قلت يهل الإداره ولأدار = واضحه وموضحه مثل براق النصوب
ذا كلامي وكل طيب من الهزله إمجار = من يقدر ينتقدر عن دروب العيوب
والقبايل والنعم مالنًقص في العيار = كاسبين الطيب محدن عن الطيب محجوب
في ذرى الله ثم ذرى اللي في يمناه القرار = حاكم(ن) مخلص لشعبه حبيب ومحبوب
اسرتن تحكم عدل والعدل رمز الشعار = والشعار مثبت(ن) ماتهزهزه الهبوب
الشعار الدين والسيف يقدح به شرار = من يخالف شال راسه وجنبه والمتون
يرحم الله من حمى وحتما فوق المهار = ما تخوًفه الحرايب ولا كثر الحروب
حث جيشة لاالطواغيت وودعهم دمار = من جهل دين الرسل شبها فوقه شبوب
وعذروني في كلامن خصرته بختصار = ولمثل يقول من قل الهرج محسوب
مع تحيات شاعر الوطن وشاعر قبيلة السهول
محمد بن محسن ابو هزاع السهلي