((لابارك الله في جهاز(ن) شريناه))
لابــارك الله فــي جــهاز(ن) شــريناه = ضــوًأ عــلينا ارقــام مــحدن عــرفها
جــرًس صــلاة الصبح صدفه وشلناه = حــصًل هــنوف ضــايعه وخــطتفها
قــالت الــو يــا زيــن صوت سمعناه = شــايب ونــفسه فــي الــمحبه عسفها
لــوهو حــظيظ(ن) كــان ما مد يمناه = خـــلا الــجهاز يــطيح ولــيد عــكفها
مــاعاد ذاق الــنوم مــن فــوق مركاه = تــطريله اعــلوم(ن) عــلى الله خلفها
قــال يــا بــنت خل العود منتي بوياه = تــرا الــصقور انــواع حــتى عــلفها
قــالــت بـــدق ارقــامــه وبــاتــحداه = الــعــشق دق ارقـــام لــلــي عــرفها
لاشــاف جــسمي حــط رقمي بمخباه = ايــموت ورقــامي مــعه مــا حــذفها
جسمي نحيف(ن) حيل والثوب يزهاه = الــحــب بــهــذلني ونــفــسي نــحفها
قال يا بنت انا مبغاتس والسوق مبغاه = شــفي بــيوت(ن) سود تحجب ارففها
أنــشــهدإنه غــايــة الــقــلب ومــنــاه = بــدو(ن)ورى الــحيان تــلحق ســلفها
لازان عــشب الــبر يــازين مــرعاه = وذود(ن) غــوالي بــنبسط في طرفها
وبــيت الشعر عقب المطر زان مبناه = فــي ديــرتن ولــد الــردي مــاعرفها
الــي عــلى الــنمات يــشعب مــطاياه = يــهــدًف الــكــذبه ويــعــرف هــدفها
الــيــاء تــعــشاء ذاك هـــاذا تــغــداه = نــاس(ن) عــلى الــنمه تــولع نــجفها
خــلــه يــولي عــنك لا رحــم مــجناه = لا بـــد مـــا يــبــلشبها مــن كــشفها
ســج الــقدم والرزق في سجة اخطاه = والــرزق عــند الــي خــلقه صــرفها
قلب الأسد/شاعرالوطن المخلص وشاعرالسهول
محمد بن محسن بن عبود السهلي