((يالًي ترحب ونت تكذب عليه))
((يالًي ترحب ونت تكذب عليه))
يــالًي إتــرحب ونت تكذب عليه = مــابغي تراحيبك ولا ابغا مقابلك
مــاني ونــا مــحمد زبون الرديه = يــحرم عــليه كــان حطيتها ملك
نــيًرت صــدقانك ونــفسك رديه = ولاعــادبه واحد يزورك بمنزلك
هرج القفاء يوردك حوض المنيه = ونته على هرج القفاء تعلكه علك
ودك تــخــادعني وتــلعب عــليه = لاكن حب الكوع يا الخبل مخبلك
مايقرص المومن ثلاث(ن) سويه = يالله عــسى مــنهو لــفابك يحملك
نــســيت مــعروفي ومــدة يــديه = لاكــن خذها كاش ماني مجاملك
ضــيًعت وقــتك بــين ذيــه وذيه = مــن سود قلبك ماتحزًم محازمك
آبــوك حــنا اهــل العزوم القويه = ونــته عــوج مــا تــنتعدل نعدلك
خــذلك ثــلاث مع ثلاث(ن)هديه = ومن بعدها عوًد على ديرة اهلك
صقرالشعراء وشاعرالوطن المخلص وشاعرالسهول
محمد بن محسن بن هزاع بن عبودالسهلي
