237-عملنا تجارب في العرب لين كلش بان

عملنا تجارب في العرب لين كلش بان

انا يوم ابرق في العرب تالي الأزمان = اشوف العرب متنوعه مثل الوطاني

عملنا تجارب في العرب لين كلش بان = ولعاد اكذب عقب شوفي بل عياني

احد قلبه ابيض وفزعتة تشفي المرضان = حبيب ولبيب وصط راسه حميداني

يحبونه الجيران والربع والصدقان = ولا ينقل النمه مع فلان وفلاني

وحد يشبه اطوير المساء امًسح الريضان = سواته ولونه بس مافيه جنحاني

يوراله ابعقله ما مثله جميع انسان = وهو ماله اسم وقسم من طول الأزماني

يشب الفتن ون ولعت يركز السيقان = ولا طاح فيها غير ذربين الأيماني

وحد ضايع ومسكين في دبرت النسوان = يجيب المقاضي باخص(ن) كل دكاني

يروح ويجي ون ازمرت يرخي المتان = يحسب(ن) وسط يدينها السيف شاماني

وحد صوره وديكور يمشي وهو نعسان = على نومتة من صبح لين المسياني

ولا ينشد عياله عن فلان وفلان = ولاهب داري عن فلانه وفلاني

ولا يلبس الغتره ولا يلبس الحذيان = وثوبه بل ازره طويل(ن) وصخاني

يقولون شيبان البدو حكمة الشيبان = خسر من يساوي الناس من قلب ولساني

ولابس عباته داله في زمانه كان = تروح وتجي في الدرب ناقه عريماني
شاعرالوطن المخلص وشاعرقبيلة السهول
محمد محسن هزاع العبود السهلي