((وكني وحيد(ن) مالي عيال وخواني))
انا وش اسوي يا جماعة على المكتوب = ونا مسلم(ن) مومنن وراضي بماجاني
يا ربي تغفر الذنب عن عبدك المذنوب = ولا ادري لو ني مخطي بتالي الأزماني
ليا قلت زان الحض ينكبني المنكوب = توقع براسي غصب ولا فا الأمتاني
دروب السعاده ضيقت مالقيت ادروب = بيتالا الزمن وقتي قفل كل بيباني
جميع البشر في صوب عني ونا في صوب = ولا عاد تقداني على درب اعياني
تضايقت من وقتي ومن شربي المشروب = وكني وحيد(ن) مالي عيال وخواني
انا كنت احسب أن القريب معي محسوب = وثره يحسدني حسد ويوزع إعلاني
له اسلوب بغيابي وقدمي يجيب اسلوب = صحيح(ن) حلو السان ما يعطي احساني
من البغض الأسود في قريبه يحط اعيوب = بهوت(ن) ظلوم(ن) دينته غير الأدياني
انا والله ان اغير الثوب ولبس ثوب = وطشه بعيد الدار كان الله احياني
بعد ما كشفت بضاعت السوق والمضروب = يغش العرب ببضاعت(ن) دون عنواني
له اسنين يلعبها وهو راعي الملعوب = ليا من دخل مع الباب يخرج معى الثاني
يحسب(ن) ما سواه دون العرب محجوب = ويبقى على ما قيل يادان ياداني
شاعرالوطن السهلي المخلص وشاعرقبيلة السهول
محمد محسن هزاع عبود السهلي
