((الطيب في الطيب حسابك وتلقاه))
الطيب في الطيب حسابك وتلقاه = مير البلا الخايب جحود المعاريف
ترا العلاج من الردي يوم فرقاه = فرقاه كيف الي يدور على الكيف
والواجب انك لا لفيته تعداه = يلقا على قده ومثله مواليف
لالنذل مشهات(ن) وللطيب مشهاه = الطيب مثل الريف يا مدور الريف
الطيب في الطيب يا زينه ومحلاه = تلقاه يحسبلك في بنك المصاريف
الي يجرب كل شي(ن) يتواراه = ونا مجرب من يصرف تصاريف
عزاه يا بعض المخاليق عزاه = ما كنها الى غايب اسنين ماشيف
شاعرالوطن المخلص وشاعرقبيلة السهول
محمد بن محسن بن هزاع العبود السهلي
