((يالله من عينا تشوف الغيارا))
يالله من عينا تشوف الغيارا = عزاه يا قلبا من الوقت ماسوم
قال الذي شاف الدهر فيه باراً = شاهد من الدنيا غيارات وهموم
دار الزمن وكل شي استدارا = زانت لبو وجهين في وقتنا اليوم
صار الدجاج بوقتنا ذا حراراً = والطير لأبرق جارحاٌ صار صيروم
والحر نزل من رفيع الوكاراً = واحتل منزلته على موكره بوم
منولا منه الحيادا تدارا = واليوم منقاره من الوقت مثلوم
ينزل ردي الجد منزل الامارا = والجاه منه ابن الاجاويد محروم
اللي عدا الشرعي وطاف الستارا = ما حتاج أبيًن شارته ذاك مفهوم
اهو الأسد وهو الي به ندارا = هو سيد القالات في جيلنا اليوم
خلي زبون الحرد ستر العذارا= زيزومها لا غطلس الجو بغيوم
ماعاد له حشمه ولا له وقارا = ماينحسب له حسبتً عد معدوم
رخص الحصان وغلي سوق الحمارا = والثور جاله بالمجالات زاحوم
لاخير في دينا رمت بالستارا = فيها المدأة فازت على كل شغموم
عاشت بها العفنه بعزو وقارا = والنذل فيها صايرا باشةالروم
اللي عن الواجب يجنب يسارا = سهاج لازمت المواجيب شعموم
لاضافه الخاطر غشاه الصفارا = كنه من الضيقه على الضيف محموم
ون غاب جاره كن ماهوب جارا = خطر على الجاره يجي منه مثلوم
مادبر الوالي على الكون صارا = سبحان من حكمه على الخالق محتوم
تمت وصلوا عد رمل الزبارا = على النبي بعداد ماهل حلتوم
اللهم صل على محمد وعلى آله وصحبه أجمعين
قولومعي كلما أنشدتم رحم الإله صداك ياقحطاني
قولومعي كلما أنشدتم رحم الإله صداك ياعلياني
اللهم إرحم عبدك الفقير إلى عفوك ورحمتك وغفرانك
محمد بن سالم بن جروان العلياني القحطاني
وجميع أموات المسلمين والمسلمات
