السلام عليكم ورحمة الله وبركاته
جميع قبائل السهول يشكرون جميع قبائل البقوم على اعتاقهم لأبناء السهول فهد بن خزيّم الغزواني وسعود بن مشعان المحانيه
يقول أمير الشعراء شاعر الوطن
أبو هزاع /الشاعر محمد بن عبود السهلي
نهار الثلـوث بشهْـر خمسـه فـرح وسـرور
تـبـاهـج صـــدور أصحـابـنـا والـفــرح فـيـهـا
تـجـلّـى ظـــلام الـلـيـل والـنــور بـعــده نـــور
وطـابـت نـفــوس ٍ هـمّـهـا كـــان طـاويـهـا
لـك الشكـر يـارب البشـر جـابـر المكـسـور
خــلــقـــت الــبـــشـــر يــاربّـــنـــا مـاتـخـلّـيــهــا
وأنا مانسيت اللي لهـم فـي المواقـف دور
بـقـوم ٍ لـهـم وقـفـات مـاأحـد ٍ بناسيـهـا
لكم تنشر البيضاء بياضاً على المنشـور
بـيـاض الوجـيـه الـلـي للأجـيـال نوصـيـهـا
منعتـوا سيـوف ٍ دمّـهـا بالحـكـم منـثور
شـريـعـه يطبّـقـهـا الـحـكـم عـنــد قـاضـيـهـا
عساها تضاف إلكم حسانـي وجنّـة حـور
ومـــن يـعـتـق الأرقــــاب يـلـقــى حسـانـيـهـا
هداكم ولي الكـون عقـب اختـلاف الشـور
وفـرحـوا ضـعـوف ٍ قـيـدهـا فـــي يمانـيـهـا
ألايــاهـــل الــطـــولات يامـحـتـمـيـن الــكـــور
ألايــاالــرجـــال الـــلــــي تــبــعّـــد هــقــاويــهــا
ألا يالـبـقـوم إســلالــة الـشـايــب الـمـنـعـور
هــل الطـيـب والـنـامـوس تـعــرف عـزاويـهـا
كسبتوا ( نعم ) والعود شبْره بعشر شبور
عــوايـــدك يـافـيـصــل عـطــايــاك تـعـطـيـهــا
يـاكـبـر العـطـيّـه كـلـمــة الــــدم ذا مــهــدور
عـطـيّـة وفـــاء مـاهـيـب تـجـلـب لـشـاريـهـا
ولـدنــا ولــدكــم يـاعـســى بـيـتـكـم مـعـمــور
بـيـوت ( السـمـي ) الـلـي تـــذرّي مبانـيـهـا
بيـوت ٍ تزبّـن مـن زبنهـا مـاجـاه قـصـور
يــوفّــر لــــه الـمـطـلــوب والـــــرب حـامـيـهــا
أقولـه وأعـرف إن الـرجـل منـهـي ومـامـور
تـدابـيـر مـــن يـفــرض صـــلاة ٍ نصلّـيـهـا
وتـم الكـلام الـلـي نقـولـه عـلـى المشـهـور
تـبــثّــه قــنـــوات الـفــضــاء فــــــي تـلـقّـيـهــا
شاعر الوطن وشاعر قبايل السهول أمير الشعراء
ابوهزاع محمد بن محسن بن عبود السهلي
