((يادليم ياريف الرفيق وربيعه))

السلام عليكم ورحمة الله وبركاته
((يادليم ياريف الرفيق وربيعه))
يالله يارجواي بعد القطيعه=يافارج الكربات وا مرك مطاعي
تفرج لمن بلواه بلو(ن)شنيعه=ومصيبته زادت على المد صاعي
وهمه خذاله من فواده مزيعه=مع همومه دايما في صراعي
يادليم ياريف الرفيق وربيعه=عساك فيمن ترتجي ماتلاعي
شيخ مقامك في العروش الرفيعه=ومقام عزك شامخ الإرتفاعي
هداج تيما دايمن في الطليعه=يامقدًرالنخوه طويل الذراعي
يادليم شرهات النوايب فضيعه=شي يخلي نايم الفكرواعي
فعل الجميل أحيان مايستطيعه=وعزي من رام العلامستطاعي
عيون قومي في مقامي مريعه=واخاف لايقصرمن الجود باعي
يادليم نظرات العيون الوسيعه=تضيق بي منها الفجوج الوساعي
والنفس مايرضالها بالهزيعه=ولامشاريه الكبود الجياعي
سلم المبادي والقيم مانبيعه=لوقصًرت كل الحيل والمساعي
لونتًخذ من بعض الأشياذريعه=وناخذمن طبوع اللئام إنطباعي
ولوكل داعي للغنايم نطيعه=ولا في النفوس من المريب إرتداعي
صرنا أثريامن دون شريه وبيعه=ولاللقلق من عسرالأيام داعي
ماشفتنا مثل الذياب المجيعه=دايم جياع وتحسبنها إشباعي
يادليم دورات الليالي سريعه=لابدها يوم (ن)تقول الوداعي
ولولا الأمل في العز رحنا نزيعه=مانلتفت للصلح بعد النزاعي
لولامواقيف الرجال الشجيعه=مال المصايب والهموم إنقطاعي
والله ثم والله دين الشريعه=ماودي إن سدي الغيري إيذاعي
لاكن دنيا كل سرتذيعه=للغيررغم إرادتي وقتناعي
تمت وصلوعد نبت الطبيعه=على الرسول المصطفى خير داعي
مع تحيات الشاعر/مبارك بن محمد الرجباني

» بعد فقد غياب الرفيق والصديق شيخ المراجل عبدالعزيز بن مذكر ال كناد