عطنا صور عبدالعزيز المثالي
ان كان تبغانا نسولف ونا اخوك = سوالفً فيها اسلوم ارجالي
قبل السوالف فك لي خزنة البوك = وعطنا صور عبدالعزيز المثالي
وابشر بشعرً مادخل حوله اشكوك = ومن الغلا عندي يساوي اعيالي
حتى لا قالو وش جالك وش اعطوك = آعلمه بل علم والراس عالي
ون ماحصل شيً ترا الباب مصكوك = مال الشعر بيني وبينك مجالي
من نشفت ايدينه من الناس متروك = ويصير من دونه حبيبً موالي
مابه بلاش ايجيك لو هو من اخوك = هذا سؤالي ان كان تبغا السوالي
الناس لا شافوك واقف تعدوك = يحرم عليك الماء القراح الزلالي
شاعرالوطن المخلص السهلي
محمد بن محسن هزاع السهلي
