مجاراه بين سبيعي وعلياني
هذه مجاراه بيني أنا الشاعر / مترك محمد مناور آل جابر العلياني (خيال الجدعاء)
والشاعر / فالح بن فهد السبيعي في موضوع ما: شكا فيه الشاعر السبيعي وارسلها لي
يقول
لقيت في الدينا من العالم اشكال
احدن صحيح القلب واحدن حسودي
ولقيت من يضربه امثال وامثال
من طيب قلب وطيب فعل وركودي
ولقيت منهو سامج الروح تمثال
خالي ضمير وفكر وايضار شرودي
ويالله ياعالم خفيات الاحوال
يافارج الكربات بليا شهودي
تفرج لشخصن شارب الهم بدلال
والنار في جوفه شرارن يزودي
يا بو محمد ياسند كل رجال
ياللي على العليا رقيت بصعودي
هاك القصيدة وارسل الرد بالحال
ردك يزين خاطري بالوجودي
رديت عليه اقول فيها :
يا مراحبا واعداد ما هل همال
وعداد من زارو لمكة وفودي
جات القصيدة واشعلت باقي الحال
وصحيت بالي قلت مابه رقودي
ما دام فالح يشتكي ضيقة البال
يقطعك دنيا تاليتها اللحودي
دنيا بها الخبلان تمشي على اللال
واللا النشاما يشتكون اللهودي
لا يهمك اللي غره الوقت بضلال
ما هوب كفون لك ضعيفن نقودي
قبلك شكيت الوقت والوقت ميال
ومن قبلنا يشكون ناسن حشودي
لاكن تراني لك عضيدن وجمال
حمل علي الحمل وانهض قعودي
بالجاه هو والوجه وايضاً معا المال
وابشر بعزك في الزمان الشدودي
والباقي الله يفرجه ربنا العال
ربن كريمن ما يمد بزهودي
يعرف سراير كل حايل ومحتال
واوضاع خلقة جاعل لها حدودي
منزل تبارك وآل عمران وانفال
وينزل علينا الغيث برق ورعودي
وصلات ربي عد لمحات لزوال
على النبي وعداد نقصن وزودي
،،، وسلامتكم ،،،
