قالو تبسم قلت مابه تبسام
وهاج الضمير وجاوبته القريحه
احتزم يابو فراج وانا لك حزام
وكب الردي في مثبره وفي مطيحه
يفدونك الرديان فسلين الازلام
ونفوسهم بالبوق ماهي صحيحه
مادام وصل الهرج مادام مادام
فبشربقاف من بيوت صريحه
اخبر الانذال والجمهم الجام
وكوي على دغم الجباه الكثيحه
وازوي خشوم غايره خزم بخطام
واقود الغاوي دروب مضيحه
واطى على روس الخمايم بالاقدام
ولا خيرفي المترديه والنطيحه
اوادم لاكن في صورة اصنام
بهينهم وارضى عليهم الفضيحه
يعيشون في الدنيا كما تعيش الانعام
لاكن في الانعام در وذبيحه
الاش بافعاله غدى هرج نمام
مضحاكة لناس دايم فضيحه
الاش بوصافه كما الكلب عزام
ان ماطردته بيتزايد نبيحه
انا ولد مذكر والدرب قدام
وعرض الردي من فعلته بستبيحه
حرام حرم الدم لا هين الاخصام
لو ان فرس الاش ماهي مديحه
