قــــال الــكـنـادي بــيـت نـخـلـه وسـيـفـين ... شـــبـــل بــــــن مــذكـروسـتـعـد الــتـحـيـه
قــــــحطان يجمــــــــعنا وحنا له يــمين ... مــــن راح يــاتــي فــــي الـمـهـمـه بزيه
صح السانك بن مذكر الكنادي بوفيصل أشهد بالله إنه سجله التاريخ الله يجمعكم على العز وطاعة الرحمن ولي طلب ومنكم نتعلم أشتقت لقصيدة الشاعرعبدالعزيز بن مذكر اللي فيها البيت قحطان يجمعنا السوال كيف أقحمت البيت على قافيةال قصيدة والقاف طرق ثاني والمعنى واحد أظنني قد سمعت قحطان يجمعنا لاكن مدري ايش عنوانها ارجوالرد لمن يهمه الامر من المتواجدين إدخال رابط قصيدة الكنادي هنا القصيده أضرب تحية وإجلال لقوم انت منهم شخصية {عاصي الشعراء}
كنا نجهل عنها الكثير وما أن قرأنا بعض من قصائدك حتى أيقنا
بأن خلف هذه الشخصية (شخصية ) لا نستطيع وصفها بعده كلمات
ولكن الذي أحب أن أقوله هنا وفي هذا المنبر
يعجبني فيك روح البساطة و حسن الظن بالإخرين وشدنا فيك
الروح القتالية ، والاخلاص ، والتفاني
لقبيلتك قبيلة {{قحطان العريقهْ}}
{{ رد على / قصيدة هذا ولد مذكر }}
يالله يامـكـرم كـريمٍ ليا جاد
انك تـيسـرلي بيـوت جزيله
قحطان يجمعنا وحنا له افـراد
ومن راح ياتي في المهمه بديله
وربع الجحادر هم درع وسناد
مثل الجبال الشامخات الظليله
والمدح يزهابه عريبين الاجداد
روس الجحادرمحتمين الدبيله
بعيال صالح يفتخر كل قصاد
اهل الفعول الوافيه والاصيله
رجالٍ لهم في قمة المجد مصعاد
وفزعاتهم تبري الكبود العليله
خيالة الجدعا يضدون الاضداد
آلاد صالح كـاسـبين الـنفيـله
عدوهم يلقى الـمذله والانكاد
وقصيرهم ضل المعزه مقيله
وفعولهم ماتحتاج نشدات نشاد
ومتونهم حمل المراجل تشيله
وفيهم صبي دايم بالوفاء ساد
العاصي اسمه مثل برق المخيله
عبدالله بن فراج كساب الامجاد
اسم تفاخر به رجال القبيله
نجم ونوره ساطعٍ في السماء باد
والعز ماهو قسم نفس بخيله
يستاهل التمجيد والمدح ويزاد
ذاك الحصان الي ينومس صهيله
حر لامنه شهر مخلبه صاد
صيده سمين ولايصيد الهزيله
يستاهل التقدير وفعله به يشاد
ونرفع له البيضاء براس الطويله
حر تعلى للـمطـاليع مـعتاد
ويجمل بطيبه من يريد الجميله
ومواقفه تعرف قديمات وجداد
وقفات ترفع راس من ينتميله
ونفخربفعله والفخردوم يزداد
والاشبارلاقصرت شبوره طويله
قلته وانا من لابة سيوفها حداد
حرقان غيثٍ قد تتابع هميله
حرقان تاطا اقدامها كل ماكاد
في اليوم الاقشر والظروف المهيله
مطوعين العايل الى زاد بعناد
وستر العذاراء ناقضات الجديله
لاجاء نهار فيه للملح رعاد
تجعل على كبد المعادي مليله
وتحمي ديار الطيب بسيوف وزناد
ودخيلها لاما انتخى تحتمي له
وصلاة ربي عد ماحن رعاد
على النبي عـداد وبل المخيله
أخوك/
{{عبدالعزيزبن مذكر ال كزمان ال كناد القحطاني}}
وقريبا سيتم تسجيلها صوتيا