الحمض مافيه ـأحد"
رجـــواي بالله مــارجيت الــحاكم = لــوهــو مــلــك الــمملكه ســلماني
كــيف أرتــجي مخلوق حالي حاله = مــايــمــتــكن ردالــقــدرلاحــانــي
نذر(ن)فلا اطلب بالعطا من فضله = والله فــلا أستعطف على لإحساني
لــكن لــه الــطاعه قــديم وحاضر = وقــت مــضى ولــلي بعد والآ ني
أرقــامنا صــعبه على اهل العمله = عــملاتنا تــصعب عــلى الخوًاني
ســبع الــمثاني نــهجي ومــنهاجي = والــعصروالإنسان فــي خسراني
أصــفى من الصافي ذهب معياره = كــلامــنــا مـــن بــيــننا بــثــماني
أقــســم بــحق الله مــثل مــاننطق = ربــانــهــم والــنــوخده غــرقــاني
رجــواي بالله مــارجيت الــعصبه = الــعصبه الــلي شــانهم لــي شاني
والله فــلانــي فـــي حــماهم لايــذ = والله فــلا أرجــي خيرهم من داني
كــنزي ورصــدي منوتي والغايه = ركــني وذخــري خــالق الإنساني
الــمــعطي الــمنان حــبه يــجري = أروى عــروق الــقلب والشرياني
هــوغــايتي وتــجــارتي مــاغيره = لــوًأقــسم بــرب الــملا أعــطاني
عــزًزنــي الله والــزيــاده عــندي = إســـم الله الأعــظم هــوالرحماني
الله خــلــقــنا رادتــــه ويــشــائه = عــالــم خــيــانة نــظرة الأعــياني
مــانــنــحني إلاً الإلـــه الــواحــد = نــركــع وخــرينا عــلى الأذقــاني
وجًــهــة وجــهــي لــلذي خــالقني = ســبــحانك اللهم لـــك ســبــحاني
لــبــيك لاشــريــك لــك مــاغيرك = وحـــده ولاشــريــكلك وحــدانــي
رجــواي فــي لــلي لاأمــرسبحانه = ســبحان مــن أمــره يكون وكاني
ركــني وكــنزي فــي حياتي حبه = أقــســم بــربــي مــاوزابــه ثــاني
كــل بــن آدم فــي حــياته نــاقص = ســبحان مــنهو كــل يــوم بــشأني
كـــل بــن آدم تــذكره مــحجوزه = ســافــروغــادروضمحل وفــانــي
حــنــا بــنــي قــحطان خــيرالامه = أمـــة مــحــمد خــيرة الــركباني
صــلــى الله وســلــم عــليه اوآلــه = وعـــداد مــاهــل الــمــطروداني
عاصي الشعراء
عبدالله بن فراج بن شويمي العلياني
