(من التجارب والعبر خذتلي درس)
هاذا زمانـن كـل مافيـه بالعكـس=الخيرماينـشـاف والشرمشـيـوف
متغيـر لأجواومتقـلـب الطـقـس=غايم ويعصبه من الريـح عاصـوف
وجه الحياه من الصخب عابسا عبس=يبدي عليه الهم والحـزن والخـوف
كن السماكابس على انفاسها كبـس=وكـن القمربعيونهاالحورمخـسـوف
من التجارب والعبـر خذتلـي درس=درس حفظته عقب صفقات وكفـوف
درس مرير حامس مهجتي حمس=أحرمن جمر الغضاء يلهب الجوف
لكل حمـل هـم يحـز فـي النفـس=ارضا حمل ديـن ولاحمـل معـروف
الدين يقضـى لويوصلـك للحبـس=وحمل معروف الناس بالكبد عصروف
خصا اليامن صارمـن واحدانحـس=ولاماذم اهـل المواجيـب بالكـوف
كم خير مايحسب العشـر والخمـس=لاجاءلزمان حفوف والرزق مكفـوف
لوعظته دنيـاه بالنـاب والضـرس=الجود من بيـن الرجاجيـل مالـوف
مع تحيات(حكيم الشعراء الرجباني)
الشاعر/مبارك بن محمد آل حميد الرجباني الدوسري
