بسم الله الرحمن الرحيم
قصيده ذات مناسبه عندما كنت خارج المملكه في إنجلترا أعتدى بعض اللصوص على عزبتنا ومصاريفنا ؟
(خليتني بانجلتراجالس(ن) هيك)
راح السروق الي خذا لنقد والشيك=يالله عساهـا تنقصـه ماتـزيـده
أسرع من العداد سرقـه تماتيـك=واللي ينوشه مابقي لـه شريـده
خليتني بانجلتراجالـس(ن) هيـك=مثل الذي يمسك هواء الجو بيـده
ألله على سرق المسافر يجازيـك=يوم القيامه يـوم يجـزى عبيـده
ياليت منه عنـد عفشـه ملاقيـك=وبيده من الفولاذ قطعـة حديـده
يضربك ضرب ماعرفته ابماضيك=لوينشرموضوعنا فـي الجريـده
واخذ بقايا سرقتك مـن مخابيـك=وللي سرقتـه يالحرامـي تعيـده
الله يقطـع دولـتـن ماتجلـيـك=وترفضك لو فيزت فيزه جديـده
الله يجيبـك فـي بلدنـا إنربيـك=في دولتن سراقهـا تقطـع ايـده
المملكـه قانونـهـا مايبـريـك=تحكم بشرع الله وترقـب وعيـده
الشاعر/مبارك محمد الرجباني الدوسري
