|
وصارت لابو تركي بطولـه وتذكـار .... والفخر والامجـاد تبقـى شهيـده |
وخلف لنا املوك لهم فعـل واخبـار .... الشعـب واحـد والقيـاده رشيـده |
وحنا حماة الـدار مـن كـل غـدار .... وما همنا بطشـه وخبثـه وكيـده |
قبـائـل مالحقنـاهـم اوعـــار .... وعشنا بهذي الدار عيشـه رغيـده |
والحمـد لله نحمـده سـر واجهـار .... شعب تكاتف مـن سنيـن مديـده |
ودون الوطن جيش على كـل معبـار .... لارفـرف البيـرق ونـادى عقيـده |
بشرق البلاد وغربهـا دوم حضـار .... وارض الشمال اللي نفـوده مديـده |
وارض الجنوب اللي تخيضر بالاشجار .... جزيـرة فيهـا القبايـل عـديـده |
ارض بها قحطان وافيـن الاشبـار .... وياعـز منهـم بالشدايـد بسـيـده |
واذكر عتيبه يـوم للطيـب مغـوار .... لا ثـارت الهيجـا وقـرب ضديـده |
وشمر هل الطولات والجـود مقـدار .... اهل الكرم واهـل الفعـول الحميـده |
وقوم اعنزه مروين الاخصـام الامـرار.... اولاد وايل مـن عصـور عهيـده |
ومطير قوم تكـرم الضيـف لا زرار .... وياويل خصم فـي حراهـم وعيـده |
واذكر قبيلة حـرب يانعـم الاخيـار .... وتاريخهم يحكـي سطـور مجيـده |
وسبيع نعم القوم ووجيـه الاسفـار .... زبن الدخيل ليا زبـن مـن طريـده |
واذكر قبيلـة يـام والطيـب ينـدار .... اهـل العلـوم الوافيـه والرشيـده |
ثم الدواسر تجعـل الخصـم منهـار .... عيـال زايـد عـز منهـم سنيـده |
ثم السهول اللي لها الطيـب مـدرار .... وعن منهج العادات ماهـي محيـده |
ثم اذكـر العجمـان حمايـة الجـار .... والمرجلـه والجـاه فيهـم عتيـده |
واذكر بني مـره طويليـن الاعمـار .... مـا ينقـد المـري ولا لـه نقيـده |
ثم الهواجـر لابـة تقـدح النـار .... اهل الركـاب اللـي خطاهـا بعيـده |
واذكـر بنـي خالـد قبيلـة وامـار .... قوم لهم في المجد قـول ورصيـده |
وبني تميم اللي لهـا الطيـب مصـدار.... بنـي تميـم وكـل فعـل تجيـده |
ثم الزعوب اللي بها الخصـم يحتـار ... شجعان ماترضـى سـوا ماتريـده |
العازمي وافي وفي الطيـب بيطـار .... روحه على كل المصاعـب صميـده |
ثم الظفيري فـي المصاعيـب جبـار .... والطيب والامداح باصلـه وطيـده |
ثم اذكـر الاشـراف بجـلال واكبـار .... اهل الحجاز اللـي تفـك الزهيـده |
ثم الهذيلي لـه مواقـف ومنـدار .... راعي الفخر راعي العلـوم السديـده |
ثم البقوم اللي لهم جيـش وامهـار .... ريف الضيوف ليـا لفاهـم وليـده |
واذكر ثقيف اللي لهـم مجـد وآثـار .. ومهمـا حسبنـا مـن كـلام نعيـده |
وبلحارث اهل العز بشهـود واقـرار .... ا لحارثـي ياطيـب فعلـه وجيـده |
والمالكي معروف لا صار مـا صـار .... في موقف اهل الطيب يبذل جهيـده |
واثني تحياتي عـدد وبـل الامطـار .... على سليـم وكـل خصـم تكيـده |
واذكر جهينـه هـل مواقيـف وادوار .... تلقى الجهيني راسم الطيـب بيـده |
واذكر بلي والمجدله فعـل واظهـار .... وتاريخهـم يحكـي فعـول فريـده |
وبني عطيه فـي المواجيـب حضـار.... قوم بوقـت الجـد قـوم عنيـده |
ثم الحويطي والكرامـه لـه اشعـار .... ثـم الشـراري لـه فعـول مفيـده |
ثم الرشيدي فـي الصعيبـات صبـار .... على علـوم الطيـب فعلـه يزيـده |
وباقي جنوب الـدار والقـاف مـادار .... باقي علـى قلبـي كـلام واشيـده |
زهران نعم القوم في وقت الاضـرار .... والخصم عينه من لقاهـا سهيـده |
والغامدي معروف له عـزم واصـرار .... راعي المراجـل والعلـوم المفيـده |
وشمران قوم والجمايل لهـا اطـوار .... وبلقـرن سـم للقلـوب النكـيـده |
والا***ي والمحلفـي مابعـد بـار .... والحارثـي طيبـه وفعلـه يشيـده |
وبني شهر وبني عمر سيـف بتـار .... قوم علـى الاخصـام نـار وقيـده |
والاسمري والاحمري صيتهم سـار .... بيـن القبايـل والمواقـف شهيـده |
واذكر عسير الهول ذربيـن الاذكـار .... وابها احتموهـا فالسنيـن الشديـده |
وادهم والصيعر على حـد الاقطـار .... يحمون حد الدار مـن اللـي يريـده |
وامشي مع الساحل مع جمله افكـار .... رسمتهـا والطيـر زان اتغـريـده |
وانزل على جيزان تاريـخ واديـار .... ورجـال فيفـا والقبايـل عـديـده |
وارجوا العذر واهل المواجيـب عـذار.... الي نسيته مانذكر فـي القصيـده |
الواهبـي عـدد ابيوتـه بـالادوار .... مـن شاعـر ماشـل قلبـه حقيـده |
شهران ربعي هم هل المـدح والكـار .... واهل الكند واهل السيوف الجديـده |
يـوم البلـد مايامـن الزنـد لاثـار .... زيزومنا ابن مشيـط نعـم الوليـده |
فالجهل شجعان وفـي السلـم تجـار .... من بطـن بيشـه للتهـم لارفيـده |
حبيت ابيـن موقفـي بيـن شعـار .... وارجوا سموحتكم على ذا النشيـده |
ماحـب انافـق واتعنصـر تعنصـار .... ولا ني باطيع اهل العقـول البليـده |
ما كل مـن طـب البحـر قيـل بحـار.... وما كل من شل الفشق جاب صيده |
فالشعـر بستـان بـه ورد وازهـار .... واللـي تعداهـا بيـوتـه فقـيـده |
واقولها في الشعـر تكـرار وامـرار .... ضرف بلا عنـوان يلغـى بريـده |
وبعض السوالف له مواقف ومحضـار.... وشعر بـلا معنـى لـزوم نبيـده |
وصلوا على المرسول شفـاع الابـرار.... محمـد الهـادي وقـدوة عبيـده |
|
