محاوره شعريه بين الشاعر دايس المسعودي وأحد الشعراء

السلام عليكم ورحمة الله وبركاته
هذه محاوره لي انا وعظو شاعر اسمه فلان
وكانت هذه المحاوره في احد المنتديات..

دايس:

سلام الله سلام فيه من راسي خبر وعلوم ... على وضح النقا فالموقف الحامـي نماريبـه
ليا بان القمـر قـدام عينـي والنجـوم انجـوم ... أشب النار قدام البطل واللحـق مشاهيبـه

فلان:

هلا يامرحبا ترحيبة تضفي على العموم ... تسلـم والسـلام الزيـن فاولنـاه ترحيـبـه
تهرّج جونا صافي ولا تحت النجوم أغيوم ... غفت عين الرقيب وعلمنا ماهوب يدريبه

دايس:


يدوم إلك البقا ياللي ترحب والهدف مرسـوم ... ياراعي الفندق اللي سم حالك من معازيبه
ليا غاب الرقيب وبيـن الحاكـم مـن المحكـوم ... ترا سوق الذهب من عصر ابونا العود نشريبه

فلان:
مايلحقنـي علـى ماقلـت يادايـس عتـاب ولـوم ... نسـج الرجـل دام الشـيـب ماوصـلـت مناديـبـه
تشعبنا وشعب (الدولة) العظمى غدا مقسوم ... وضعـنـا مالقيـنـا مــن يــودي الـعـلـم ويجـيـبـه

دايس:

على نياتنا نمشي ولا ندري عن المقسوم ... لكن الهـرش ابـو نيبـان قـرط فـي عراقيبـه
تخيـر فـي بـلاد الفـرس ياذيـبـان ولا الــروم ... تسب الدار الاول وأنت واحد مـن مناصيبـه

فلان:


هذاك الهرش شلفا حدها في النايبة مثلوم ... عسى الله يستر المؤمن ولا يكشف عذاريبه
انا لي (منصبين) ولا حضرت مقدر ومحشـوم ... وحـزب الحـوثـي المـزعـوم عكـرنـا مشاريـبـه

دايس:

بعير الشاوي المقرود في خده ثلاث أوسـوم ... على قول المثـل والحمـل مـن فوقـه يزازيبـه
تراني مطرد المقفي ومن بعض العلوم اشوم ... مناصيـب البلـد تضحـك لنـا باسـنـان تركيـبـه

فلان:

درست ويوم تتويج التفوق يالشقـي محـروم ... معاك الطاقم اللـي ماحـد(ن) ثمـن متاعيبـه
حديت افلان للدرب الخطير اللي تحته ألغوم ... اخـاف النـاس تلحقنـي كـلام شيـن ماليـبـه


دايس:


علـى خـط البدايـة دوب دايـس ياعـدوا القـوم ... وصبرك لين تلقـا السيـف ابـو حديـن اماريبـه
سفينتنا عقب ماهي على موج البحور أتعوم ... تـوقـف فــي منـاهـا والبـحـر بـانـت دغاليـبـه


فلان:


ظهر نور العدل يامنصـف الظالـم مـن المظلـوم ... على أيد اللي يثر المـال مايحسـب مكاسيبـه
توقـع ياوسيـع الـعـرف لا يـاخـذ حـدقـك الـنـوم ... ترا (المنصوب) يضحك له وهي خضر مشاعيبه


دايس:


يشوم الصقر من دار الزهادي عكس طير البوم ... ودار الـعــز نـصـبـح بـــه ودار الــعــز نمـسـيـبـه
كفايه ما حصل ماعاد به ضحكه وحب اخشـوم ... لـعــل امـشــوك الـعـمـان ماتـكـثـر مـصـاويـبـه


فلان:


خدعت الناس باسلوبك وانا كاشفك قبـل اليـوم ... لـــك ايـــام تقـربـهـا مــــن الـشـكــات والـريـبــه
لاترخي شاكت البلجيك نبلش في قريب الحوم ... مـلــف المشـكـلـه لاتظـهـرونـه مــــن دوالـيـبــه


دايس:


ترا حب المشاكل ماهو بكادي ولا يشموم ... تـرا حـب المشاكـل يافتـى تكـره عواقيبـه
نحب الطيبه والطيبـه يكثـر عليهـا السـوم ... لعل افلان يسمعني ويبقى فـي مراقيبـه


فلان:



ختام السالفـه نـام وتحصـن واحـذر الجاثـوم ... ناقشنا الوضع واللي يفهم المضمون ياطيبه
يدورن السنين ويظهر إلك الخافي المكتـوم ... ويكشفك لك زمانك حقد من تجهل والاعيبه