منجزات تاريخيه آل مسعود آل لجمل الجحادر

////////منجزات تاريخ ال مسعود///////
1) يقال لهم سبعة السلفان لأنهم في محدراهم من تثليث إلى نجد ومن نجد صوب تثليث خذو في دربهم 7 قبايل وفي عزهم وقوتهم كانو ياخذون 40 قبيلة في دربهم،،، يحلف شايب دوسري يعرف سوالف وعلوم للشيخ ذيب ابن عبود يقول والله يوم يقبل علانا إبن عبود وحنا في (الهضب) إن حنا والسبعان نبتعد من طريقه ولا وقف جيناه وإن اللي نعطيه حنا والسبعان 90 حصان هدايا له.
3) ال مسعود وشيخهم ابن عبود (بجـــــــــاد نــــــــــجد) ومعروف إنهم كانو يفجون نجد من جنوبه لشماله ومن غربه لشرقه ولم يكن معهم عاني كانو برسوهم ولم يعرف عن إبن عبود وال مسعود إنهم قد عطو القصره لأحد من القبايل اللي في نجد/ مطير - سبيع - الدواسر - عتيبة وغيرهم فكانو يرعون بحـــد الســـيف.
ذيدانا مرباعها الصمان_بين القبايل ما عطانا الشاه
وإن سندت تاطا خشوم ذقان_والهضب تشرب من برايد ماه
3) شيخ ناهس شهران اللي كان يرمي الجحادر من خرق الرحى ولا أحد قدر يرميه غير مملوك ابن مسعود وصوبه من نفس الخرق اللي كان يرمي معه شيخ ناهس:
وأما ال الجمل جمع زحوم_______رمَّــــــــــــايهم عدى على كل رامي
4) ال مسعود مشهورين بقيادتهم لبيرق ال الجمل ولم يعرف قط أن بيرق ال الجمل هزم في أي معركة والأدلة كثيرة منها قول الشاعره القحطانية من ال شايب ال سعد:
بيرق(ن) عليه مملوك ماينهزم___...............................
5) فيه قصيدة قديمة تثبت بأن ال مسعود وال الجمل ببيرقهم هم اللي طردو قبيلة مطير كامله من نــــــــــجد ولكن إنشالله باتيكم بالقصيده وفيه ذكر لقبيلة ال الجمل ومناخها مع مطير،،، وهو غير (مناخ صبحا) اللي حصل مع مطير (ابيض المشعاب والبندقاني) ووطبان الدويش،،،وإنشالله إن الله يقديني وأجيب القصيدة والله مافيه مؤرخ منصف ذكر تاريخ قحطان بالكامل بالدلائل،،،وانا ماودي أقول شي إلا معه إثبات علشان ما يلحقنا كلام وملام،،،لكن القصيدة أنا سمعتها وكانت تذكر المحل اللي صار فيه مناخ ال الجمل مع مطير (حنيضل وابا الدود) وهي أماكن مشهوره ذكرها محمد بن هادي ابن قرمله رحمه الله في قصايده:
وشد المريخي من خشوم الردايـف____وإن سندوا وردوا حنيظل وابا الدود
وهذي اسماء قريتين (ابا الدود وحنيظل) ويقولون للقريتين حنيظل وابا الدود وهي قريبة من ضيدة والاسياح وحنيظل نسبة للحنظل الشجر المعروف وأبا الدود غير أسمه إلى أبا الورود وأسمه الأول نسبة إلى أن الماء يحير فيه فتظهر له رائحة الدود أو أن الديدان البراغيث تعيش في المستنقعات فسمي بأبا الدود لكثرة الدود فيه. الشايب اللي سرد قصيدة ال الجمل وكسرتهم لمطير في نجد ذكر منها هذي الأماكن (حنيظل وابا الدود).
والغزو قاده عليهم ال مسعود وال الجمل وكان مع مطير أحد الدوشان فتناطحو مع ال الجمل وطردوهم ال الجمل وذبح الدويش وطردو المريخات وقيل فيها قصيده:
عدا العقيلي براس الرجم ويويق && يشوف له بوش تزاعج صوب مضماه
وغرنا على البل ورمينا المعاليق && والكل منهم للجنب راح ينخاه
ولحقوا مطير على طوال السماحيق && معهم دويش على صفرا محلاه
ولحق المريخي وسوق البرغدا ضيق && والجيش عيا وسيع البر يبزاه
وقالالمبندقعندكميالمطاليق && اخذو هدومه وخلوا الشمس تنداه
وغدا الرمك نطله سوات الجواليق && يوخذ رسن هاذي والاخرى مخلاه
ويومن حدونا على كره المضاييق && للخيل حول مثل جفران وحلياه
والقصيدة اللي تثبت الوقعة إنشالله إني باتي بها واسمحو لي على الإطالة يالربع.
الكاتب خيال الشرفاء

,,,,,,,,,,,,,,,,,,,,,,,من معجزات ال مسعود ،،،،،،،،،،،،،،،،،،،،
(آل مسفر وآل سيف من آل ناجع من ال حسن بن مملوك ال مسعود)
ويعرف هذين الفرعين بأسم آهل (المسمًّر) نسبة إلى موقعة المسمَّر التي حدثت بينهم وبين أحدى القبائل المعروفة (يـــــام) بقوتها وبشراستها سنة 1890م تقريباً وكان عدد أهل المسمر لا يتجاوزون 20 رجالّ وكان عدد القبيلة التي غزتهم أكثر من 390 رجال،،، وقد حدث شبه معجزة في أحداث هذي المعركة، حيث كانت الغلبة فيها لأهل المسمًّر التابع للحمضة جنوب محافظة تثليث حوالي40كم تقريباً ويسكنها حالياً (ال مسفر وال سيف من ال ناجع)
يقول الشاعر علي بن ذروه العبيدي عندما كان يشاهد منطقة الحمضة:
يقول ابن ذروه بادي في طويل ارجود=جنوب من الحمضه وغرب من الوادي
وادي هل الردات لاغيّم البارود = وعاداتهم كسب النواميس لجوادي
ويقول شاعر اخر من قبيلة الحباب:
الجميحي بادي رأس الجديره= في لهو لجت عليه الرايحاتي
غيرتشنى انه مناخ للمغيره =ذي مناكيف وهذي عادياتي
علم اهل رغوان جاء في كل ديره= بالمراسم والعشاير موقفاتي
بنتهم تخطب ولافيها خسيره= وقفوا عشرين تو أربع مياتي
(رغوان ولهو منطقتين من مناطق الحمضه)
ويقول شاعر من قبيلة المشاعله الجحادر
يارباب على المرباء ركد نوه=كل من شاف برقه قال ياكافي
برقه الماو الأحمر والبلا سوّه=وبله اللي برؤسه سم ألا تلافي
ليت منهو حضر ومصالي ضوه=بين علي الوبير وبين هدافي
(المرباء منطقه من مناطق الحمضه)
ويقول جعيول من آل مسفـّـر ال مسعود الجحادر
ياذيب وضبه معاذيب المضيبيع = تباشري بالعشا عند الجماعه
عداك من يشتري فالسوق ويبيع = ويسبل الروح لامن جاء وداعه
لعيون عفراء رعت نبت المرابيع= تأخذ وراء أماتها في القفر ساعه
من خشم حاضا ألى حد المواقيع = يبار لهاكل نقال الجراعه
من دونها لابتي كنهم فراريع = متحزمين بربي والشجاعه
(وضبه والمضيبيع هي جبلين في منطقة الحمضه)

_________________ تــوقــيـع

منجزات تاريخيه آل مسعود آل لجمل الجحادر OIP

رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه =الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــزًزني الله والــزياده عــندي = إســم الله الأعــظم هوالرحماني

عاصي الشعراء

عبدالله بن فراج بن شويمي العلياني

وال مسعود على عقيلان في اسفل بيشة وشيخهم جعفر بن منيس بن عبود خوالة ال عمير ال فهيد وشدوا من عقيلان ونزلوا بحدا قالهم شخيهم جعفر لاتشدون ويتنامس القوم بابلكم فقال خاله ربيع بن ملحم بن عمير حنا بنرعى في القفر وشدوا ال فهيد ونزلوا بحدا ويشربون رغوه وحطوا سبرهم بام وتيره شمال رغوه (السبر هو من يقوم بالمراقبة لانذار ربعة عند حدوث اى هجوم من العدو) وقد نزل السبر في احد الايام واكثرية ال فهيد ذاهبين لاداء مناسك الحج فغار عليهم عليهم غزو من احدى القبايل وخذو الابل وهي واردة على الماء وذبحوا السبر في ام وتيرة وطقوا الرعيان اهل الابل من القوم وصاحوا بربعهم وكان عند ال فهيد المتواجدين عشر من الخيل وركبوا عليها ويوم جاو الماء من حيث اخذة الابل جثا اربع من الخيل مباطيح وركبوا اهلها مع اهل الست الاخرى حيث اصبح عددهم عشرة خيالة على ست من الخيل ولحقوا الابل وعانهم الله على القوم وردوا ابلهم كاملة 0
فقال الشاعر/ محمد بن طايع ال فهيد ال مسعود
ياكيف اهل ست يعسفون ستين % عسف السواني في حبال الركية
كلاً على ماله وحنا مستعيرين % وربي وقى غوجي وجا الكون فيه
حنا مستعيرين وهم مستعدين % وفي الضيق ردينــا عــــدايل وحيه
فقال ولد عمه محمد بن مانع ال فهيد ما عرفت اتغني قال ابن طايع انت شاعرها يابو مانع فقال :

حــزة صــلاة العـصـر وحـنــا بمـجـلـس__على دلـة شقـراء كمـا سحـق عودهـا

جـاتـنـا الـركـابـا شـــرداً شـافــت الــبــلا__شـافــت الـبــل يـــوم جـاهــا اجــرودهــا

فــركــبــنــا وركــــــــب الـــــــــرب مـــعـــنـــا__وخيل الصحابة كن حنا في اوعودها

سـاعـة لحقنـاهـا للـقـوم عـلـى جبـرهـا__وقـــــد هـــــو كــايـــدً عـلـيــنــا ردودهــــــا

لــكـــن حــمـــار الــقـــوم مـــــن دونـــهـــا__تـهــامــيــة قـــــــام يــتــركـــز عــمــودهـــا

كـــن ضـــرب الـثـمـيـدي مــــن دونــهــا__بـــــرد مــزنـــةً لاهـــــل مـــــن رعــودهـــا

خـلـيـنـا مـقـفـاهـا وجـيـنــا مـــــن تــوهـــا__نطحنـا العشائـر يـوم انـقـاد عمـودهـا

وعـقـبـه نهمـنـهـا بــصــوت وتـرايـعــت__معا عـزوة تجلـى الصـدا مـن كبودهـا

كـلــه لـعـنـا الـلــى غـايـبـاً مـــن ربـعـنــا__وكــلــه لـعـنــا حـقـهــا مـــــع مـفــرودهــا

وكـــلـــه لــعــنــا كــــــل مــلــحــا مــنــوقـــه__نـرعـابـهــا الـقــفــر وتـبــنــي لــهــودهــا

حـلـفـت لـــو (ن) حـنــا مــثــل ربـعـهــم__ان تشبـع العرجـاء وتدعـي اجنـودهـا

وحلـفـت لــو (ن) حـنـا مـثـل نصفـهـم__ان يماري بنا بنـت بعـد فـي مهودهـا

وحــلــفـــت لـــــــو (ن) حـــنــــا كــثــرهـــم__ماعنـدنـا فــي الخـيـل والـلــى يـذودهــا

يـــاربـــعـــنــــا حــــــجـــــــوا وتـــمـــيــــدنــــوا__والله مــــارح مـنـهــا حــتــى مـفـرودهــا

_________________ تــوقــيـع

رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه =الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــزًزني الله والــزياده عــندي = إســم الله الأعــظم هوالرحماني

عاصي الشعراء

عبدالله بن فراج بن شويمي العلياني

معيض بن جعفر بن عبودشارك في جميع المعارك التوحيد مع الملك عبدالعزيز

قبيلة آل مسعود آل لجمل آل جحدر

الباحث التاريخي الأستاذ : عقاب بن مناحي بن عبود
عن قبيلة آل مسعود وهو رائع جدا وقد أحببت أن أنقله لكم .
و يعتبر مرجعا لكل من أراد أي معلومات عن آل مسعود آل لجمل الجحادر القبيله العريقة .
والآن أترككم مع هذا البحث التاريخي الموثق .

قبيلة آل مسعود ( خيالة الشرفا )

قبيلة آل مسعود هي إحدى قبائل آل الجمل من قبائل الجحادر إحدى بطون قبائل مذحج القحطانية .
جاءت من حواضر قحطان في منطقة عسير حالياً بالمملكة العربية السعودية أو مايسمى سابقاً شمال شرق اليمن، وسكنت في تثليث وهو يبعد عن مواقعها السابقة مائة وعشرين كيلاً .. وبدأت تُنْجِد للكسب وأصبحوا أهل أبل وخيل وأول ذكر لهم في نجد كان بتاريخ 980هـ عندما شاركوا مع قبائل الدواسر ضد قبيلة آل مغيره في موقع يسمى الحرمليه يبعد حالياً عن الرياض حوالي 200 كم غرباً . هذا مايجعلنا نجزم بأن القبيلة تكونت في أوائل القرن العاشر الهجري إذا لم تكن قبل ذلك .
وهذه القبيلة هي من أشهر قبائل قحطان في نجد قبل توحيد المملكة العربية السعودية .

قال مريط بن رايعه آل مسعود في أوائل القرن الثاني عشر هجري:
حنا آل مسعود حما وادي الفضايامن بنا اللي راتع في مسايلـه
كثر المعانـي بينـا ماتشتنـاهـذا نداريبـه وهـذا نحايلـه
* وادي الفضا : تثليث

حركة القبيلة وتنقلاتها

لقد كانت القبيلة تتحرك من مواطنها في تثليث متجهةً نحو الشمال الشرقي والشمال حتى تصل أواسط نجد اليمامة (الرياض) والصمان والشوكي ومناطق القصيم وحائل وحتى السماوه في العراق شمالاً وقت الربيع وفي الصيف تعود لمواطنها مابين تثليث وبيشة ورحلتها هذه سنوية ولاشك أنها تدل على قوة القبيلة حيث تمر على العديد من القبائل التي تعتبر معادية لها آنذاك ويحدث بينهم قتال وسلب ونهب طمعاً في الكسب ولم يعرف عن ابن عبّود أنه أعطا القصره إنما كان يرعى في نجد بالسيف، وهذه القبائل هي يام والدواسر وسبيع وعتيبه ومطير وحرب وشمّر وعنزه وحرب والبقوم وشهران.. يقول شاعرهم
[ذيدانا مرباعهـا الصمـان بين القبائل ماعطينـا الشـاه
وإن سندت تاطا خشوم ذقان والهضب تشرب من برايد ماه

الخيل عند القبيلة

قَدَرَ الرواة بأن عدد الخيل التي كانت مع ابن عبّود ومن معه من آل مسعود وآل الجمل والجحادر مابين (85) إلى (100) فرس وهي من الخيل العربية الأصيلة مثل الشهوانيات والعبيات والعلوات.

وسم القبيله

وسم آل مسعود قديماً ثلاثة المطارق (111) .
وكل فرع له وسم أشهرها وسم آل عبود، المطرق على رقبة الناقة من اليسار ( / ) وكل فخد لها شاهد خاص بها وأشهرها شاهد جعفر بن عبّود وأبنائه وأحفاده .. شيوخ القبيلة .. عكفه من تحت ركبة رجل الناقة اليسرى ü .

عزوة قبيلة آل مسعود

خيال الشرفا أنا ابن مسعود

هجرهم قديما في تثليث
-

الحمضة .. ويسكنها حالياً فرع من فروع آل مسعود هم (آل مسفر) .
- (رغوان ـ برودان ـ روغ عنيزه ـ خشاشه ـ الحفاير ـ القوايم ـ الخيناق ـ معصب ـ الملاحة ـ البجادة ـ الريان) جميع هذه المواقع لايسكن فيها أياً من فروع آل مسعود في وقتنا الحاضر هجرهم حاليا1- محافظة تثليث، مقرهم قديماً وحديثاً وأشهر هجرهم التي أسست أيام توحيد المملكة على يد المغفور له الملك عبدالعزيز (هجرة النقرة، وهجرة المدينة وهجرة الغزالة) وهي حالياً مركز المحافظة .
2- هجرة المنيصف في الخرج بنجد .. وهذه الهجرة لايسكنها أحداً منهم
حالياً .
3- هجرة لجعة في نجد وفيها آل حسين .
4- هجرة روضة معانيق في نجد وهي من الهجر الجديدة غرب الرياض
(70كيلاً)

أقسام آل مسعود

تنقسم قبيلة آل مسعود إلى قسمين رئيسيين هما : محمد وآل حسين
يندرج تحت محمد قسمين هما:
أ- آل مملوك (آل ناجع، آل حسن،آل راشد ، آل مسفر) ب- وآل مرزوق (آل عايض – ومنهم آل عبود وفيهم آل جعفر ابن عبود حيث مشيخة الشمل-، آل جاهل ، آل ثالبة) . أما آل حسين فينقسمون إلى عدة أفرع سوف يأتي ذكرها لاحقا.

أشهر شيوخهم

جعفر بن منيس بن عبود

شيخ القبيلة وفارسها الأول يلقب بـ(بجاد نجد) لكونه يبجـد نجد بقبائله دون خوف من القبائل الأخرى التي بها، له خنجر مشهورة تعرف (بالذيب الأبيض) في إحدى مقارعته لأبطال نجد ضرب أحد الفرسان بالذيب الأبيض فقص يده ورقبة الفرس من ضربة واحدة .
عزوته : خيال الرفلا أنا أخو نوره .. والرفلا .. اسم لإبله .
يقول ابن شعوا الخنافر من قحطان في وقعة عقيلان بين بعض من قبائل عتييه ومن معهم عن سبيع بقيادة محمد بن هندي، وآل مسعود ومعهم ضويحي من آل الجرو من عبيدة بقيادة جعفر ابن عبّود:
ذيب بن جعفر بن عبود

خلف والده في مشيخة القبيلة يلقب بسهاج وزعاج واشتهر بين قبائل نجد عند غزوه على القبائل يغزوا بالضعن على الضعن، توفي عام 1321هـ وهو
في الخامسة وخمسين من عمره تقريباً .
عزوته : خيال الرفلا أنا أخو نوره
وقال شيخ عبيدة .. عشق بن زيد بن شفلوت .. عندما كان هو وذيب ابن عبّود وجماعتهم قطين على مواقع مياه يقال لها الخلجان أسفل وادي بيشة :
الله علم يانجمة البدوان ياوين منزل ذيب ابن عبود
يلة تفرقنـا مـن الخلجـان والعين تسهر كن فيها عـود
ياراكب من عندنـا شقـران حر اصيل بالرسـن مشـدود
من الركاء يسرح مـع لاذان والعصر من خشم القوبد يحود
يلقى طوارفهم ورى كتمـان ما بين شوك وطلعت النفـود
سلم على شيخ معه سلفـان اعداد ماهل المطـر برعـود
حماية الشرفا مـن العـدوان نعم بهم لازعزعوا مسعـود
ثم علمه انـا بخشـم ذقـان في روضة منها العدو مطرود
ذيداننا نسـع لهـا الميـدان من دونها نروي قناة العـود
نبت الوسامي زايف ثـم زان عشب جديد و مشرب بـرود
من حداوى ذيب ابن عبّود:
يقول شالح بن هدلان الخنافر من قحطان عندما رأى رجل يسمى ذيب لم يعجبه:
وقال شيخ عبيدة .. عشق بن زيد بن شفلوت .. عندما كان ذيب مريضاً من مرضه الذي توفى بسببه:
عند وفاته رثاه راشد بن معديه الخنافر قحطان بقصيدة قال فيها:
هديف بن جعفر بن عبود
فارس القبيلة وعقيدها كان عضيد لأخيه ذيب في زمنه ويلقب بورع ابن عبّود لمقارعته الأبطال وهو صغير السن، توفي قبل وفاة أخيه ذيب عام 1320هـ وهو في الخمسين من عمره تقريباً .
عزوته : خيال الرفلا هديف .. ويزيدها في العرضة ..الرمح من يمناي صايب والسيف لاقصر أقدم له .
قال هذال الشيباني شيخ الشيابين من عتيبه وهو يماري قحطان:
وقال عبدالرحمن بن سهل العصيمي العتيبي من قصيدة طويلة أرسلها لقبائل المملكة العربية السعودية:
وقال ذياب بن دحيم السوده من سبيع مادحاً شيوخ قبيلته آل باحص
ومن حداوى هديف بن عبّود على الخيل:
في مطلع القرن الرابع عشر الهجري تنازل آل مسعود بزعامة الأمير ذيب ابن عبّود وآل روق بزعامة أميرها وفارسها الأول محمد بن حشيفان على الحرملية بنجد وعندما افترقوا .. آل مسعود سندوا وآل روق حدروا سمع ذيب ابن عبّود أخوه يدندن بهذه الأبيات: آل مسعود آنذاك:
فعرف ذيب مايريد أخوه وعادوا لمحمد بن حشيفان وخطب لأخوه هديف في بنت محمد بن حشيفان (عمشى) وتزوجها وجاءت بالفارس الشجاع الذي توفي وهو شيخ شمل القبيلة عقاب بن هديف ابن عبّود وشارك في جميع معارك توحيد المملكة العربية السعودية مع أعمامه ـ معيض، ومحمد .

وعندما قتل هديف غيلة بعد أن منعوه القريشان من سبيع قال ابن قطنان من شيوخ سبيع:
فرد عليه أحد شعراء قحطان وفي رواية أن قائلها غصين الدوسري وهو مع ال مسعود آنذاك :
معيض بن جعفر بن عبود

خلف أخيه ذيب في مشيخة القبيلة حتى توفى عام 1356هـ شارك في جميع معارك التوحيد مع الملك عبدالعزيز (أنظر ماورد موثق في البحث
المنشور في مجلة الدرعية العدد الثامن شوال 1420هـ ص 141-169 (مشاركات قبائل الجحادر مع الدولة السعودية ..
عقاب أبن عبّود)
عزوته : خيال الرفلا أنا خو نوره .. ويزيدها في العرضة .. شلفا مسقيها بسم الحية = حمراء مضريها برد أماتها .

محمد بن جعفر بن عبود

توفي بعد عزوة الخبت عام 1351هـ شارك في جميع معارك التوحيد
وقاد غزوا قبائل قحطان في تثليث (أنظر ماورد موثق في البحث المنشور في مجلة الدرعية العدد الثامن من شوال 1420هـ ص 141-169
باسم (مشاركات قبائل الجحادر مع الدولة السعودية) لـ عقاب بن مناحي ابن عبّود .

عقاب بن هديف بن عبود

خلف ابن عمه مناحي بن معيض ابن عبّود في مشيخة القبيلة 1357هـ ، جريا على عادة الاسرة حيث يقوم احفاد جعفر ابن عبود في اختيار من يرونه مناسبا لشيخة القبيلة عند وفاة الشيخ ، شارك في جميع معارك التوحيد مع أعمامه معيض ومحمد وتوفي عام 1359هـ .
عزوته : خيال الرفلا أنا أبوموضى
أشتهر بشجاعته وشهد له بأنه تجاوز شجاعة أعمامه
قال أحد شعراء قحطان:

نعم يابوموضى يـوم التجِوالـي =يوم الردى هايب مايقرب الريبـه
نعم مـع نعـم ياشيخنـا الغالـي =ياعقابنا يادرعنـا لاعـوى ذيبـه
جدك جعفر شيخنا حامي التالـي =وبوك هديف نجد تعرف مضاريبه

نايف بن جربوع بن جعفر بن عبود

خلف ابن عمه الشيخ عقاب بن هديف ابن جعفر في مشيخة القبيلة عام 1360 هـ إلى عام 1387هـ ، وقد كان رجلا متديننا ومحبوبا.

ذيب بن نايف بن جربوع بن جعفر بن عبود

شيخ قبيلة آل مسعود إلى وقتنا الحاضر وهو صاحب الأيادي البيضاء في نهضة محافظة تثليث وتطورها وله مواقف مشهوده مع جميع القبائل التي تسكن في محافظة تثليث .
وتقبلوا تحياتي……

المصدر
الكاتب والباحث الأستاذ : عقاب بن مناحي بن عبود ,,,

,,,

_________________ تــوقــيـع

رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه =الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــزًزني الله والــزياده عــندي = إســم الله الأعــظم هوالرحماني

عاصي الشعراء

عبدالله بن فراج بن شويمي العلياني

اسمحو لي يا وجيه الجحادر باضافة اللي حصلت عليه من سيرة بعض فرسان ال عبود:
1) الفارس محسن المطربي من ال فهد بن هادي (ال عبود) له موقف شجاع مع ربعه ال مسعود يوم غزاهم الأمير سعود العرافا ال سعود (جد الأمير الشاعر السامر) واخوه الأمير محمد العرافا ال سعود،،،صوَّب المطربي الأمير سعود العرافا وكسر ايده بالمذورع وصوبو ال مسعود اخوه محمد العرافا ال سعود في راسه،،، وسبب المعركة إن العرافا ال سعود كانو يبون ينقلبون على حكم الملك عبدالعزيز فطلبو من ال مسعود أنهم يغزون معهم ضد الملك عبدالعزيز قالو ال مسعود ماحنا بجايين معكم فقام سعود العرافا وغزا على ال مسعود وكان معه السبعان وردوهم ال مسعود وذبح من السبعان عرب واجد،،،والقصه مذكوره في كتاب ولكن لا يحضرني إسم الكتاب،، والكاتب سعودي. وقيل في الوقعه قصيدة واللي قالها الأمير معيض إبن جعفر إبن عبود رحمه الله/
يا سعود ما حنا بشوواي.......................
...........................لا أنته ولا الراس الكبير
وأنا ماني بحافظ القصيده ولكن الشيبان يعرفونها ويمكن شيبان الخنافر يعرفونها بعد والله أعلم.
2) الفارس عرار بن منيس بن حمد بن عبود،،، خواله ال سويدان ال الجمل قحطان،،، عرار بن منيس بن حمد بن عبود،،، اخوه شيخ ال مسعود جعفر ابن عبود ،،،وعرار ابن عبود كنيته صاحب (الباروده) ووصلت شهرة الباروده حتى إلى القبائل التي تبعد عن ديار ال مسعود وقحطان مثال قبيلة شمر،،،يذكر أن عرار بن عبود قابله أحد فرسان شمر المشهورين وقال (أنت عرار بن عبود؟ قال عرار نعم، قال الشمري: أنت اللي ترمي بالباروده هيتش وهيتش فوق وتصيد اللي ترميه ولا تخطيه؟ فضحك عرار بن عبود وقال: أنا ارميبها والله يصيب اللي ارميه بها). وعرار بن عبود لا شك إنه من ابرز فرسان ال مسعود وال عبود يقول فيه الشاعر/
وعرار خيال البكار الحنازيب__لا خف هوش مسدرين الجماعة
وعرار بن عبود له من الأبناء خمسة (الفديع_عبدالله_سلطان_عبيد_وضاوي) وكلهم فرسان ولهم قصصهم مع القبائل الأخرى،،،على سبيل المثال/ سلطان بن عرار بن عبود هو اللي يقول فيه الشاعر الدوسري/
إحتدهم عند السهل سلطان_وارتدهم شوق الطموح
وسلطان بن عرار هو اللي يقول/
على الخيل يالجذعان_وعلي مسكة طامي بالراس
وطردة سربة السبعان_لاتواجهنا على قب الافراس
وعرار ابن عبود له قصص كثيره مع السبعان والدواسر والعتبان،،، وله قصه قديمة ومشهورة مع افرس فرسان ال محمد سبيع (ابن سحمان) وكان مع عرار في الحادثه احد فرسان الخنافر المشهورين (ابن حصوان راعي العرفاء) الذي يقول: كم راعي(ن) يرعى وانا له راعي. ومن قصص الفارس عرار بن عبود وقعة (الجفير) مع الدواسر (المصارير) نزل عرار بن عبود على (الجفير) ويوم درى ابن قويد شيخ الدواسر بأن ابن عبود نازل بدون قصير تجمعو الدواسر على راس شيخهم ابن قويد وساق ابن قويد فنجال عرار على ربعه ولا احد شربه خوفا من عرار بن عبود وكان مع عرار ابن عبود خيل سبوقه اسمها (الحذيه) وتقابلو الدواسر وقبل المعركة يقال أن اللي شرب فنجال عرار بن عبود طليفيح بن شبنان المصارير وطلب عرار بن عبود (المنع) من الدواسر اثناء المعركة،،، وبعد المعركة أعجب الفارس طليفيح بن شبنان المصارير بفروسية عرار بن عبود وسمى الفارس طليفيح ولده عرار على عرار ابن عبود اعجابا منه بفروسية الشيخ عرار بن عبود. ويقول أحد شعراء الدواسر في هذه المناسبة:
وانبيك بطليفح ذيب على ساس ...حوَّل بابن عبود من فوق خـيـلـه
يومه على الفنجال من بدت الناس...شربه ولاهابه سبق للنفـيـله
ويقول شاعر دوسري اخر/
وفنجال ابن عبود حنا شربناه=شربه فتى عز العرب ماخذلها
ويقول شاعر دوسري ثالث/
لا خير في هرج بليا دلايل=فنجال ابن عبود حنا شربناه
شربه طليفيح عريب السلايل=سنه صغير ونية العز ممشاه
وعرار بن عبود له تقدير كبير عند الدواسر وله سوالف وعلوم واجد مع الغييثات والنتيفات والهوامله والرجبان والمخاريم والمصارير والحقبان والوداعين والعجالين وال وثيله وغيرهم من الدواسر،،، ويقال من تقدير الدواسر لعرار بن عبود سمو عليه وكانو يرجعون له في بعض الأحيان للتدخل لحل بعض النزاعات اللي تواجهم وذلك كله علشان العنوه والرفقه اللي بينهم.
وعرار بن عبود كان يكثر من الغزو على قبائل العصمة عتيبة يقول الفارس/ هليل بن حمدان المدهك الحمراني العصيمي العتيبي (راعي الشعثى) عندما رد غزو عرار في يوم من الأيام وكانو اخوانه محيميد وحمد معه وملخصها أنه غار عرار بن عبود على إبل المدهك يريد سلبها ولم يستطيع وانكسر وقيل فيها هذه الابيات/
الشعث حامينها ياعرار = من عصر ابو زيد وذيابي
عود على هرثم الهدار = لا تطمع بعلط الارقابي
وعرار بن عبود كانت ذبحته عند العصمة في يوم من الأيام عزى على إبل العصمة ولم يكن عندها أحد لكن كان عندها راعي منخش من خلف البل ورماه راعي بين البل ما شافه ومات عرار بن عبود،،، وقيل في مقتله عند العصمه العتبان:
يا طير دوك عرار ابن عبود______اكسر علاه وناد ذيب ذقان
كله لعين الفاطر الونود_______ترعى من الحمه الى جذوان
وكثير من شيخان القبايل يذبحونهم اللي مهب كفو لهم والكل يعرف ذلك/
عندك هذال الشيباني العتيبي افرس فرسان عتيبه ذابحه عبد
وعندك احد شيخان الخنافر ذابحه عبد
وعندك ذيب ابن هدلان الخنفري افرس فرسان الجزيرة العربية ذابحه راعي.
وقال ابن حركه من ال عبود ابيات (مرثية) في عرار بن عبود/
يا ونتي ونة ضمايا على بير_داجت على العربان محد(ن) سقاها
عليك ياحامي عقاب المدابير_وان دبَّرت عيرات الأنضا حمــــــاها
تكفون ياهل المهار المقاصير_من عقب ابو سلـطان خلو اغـذاها
بلعون ماشفته وسط الدوواير_والشمس لاغابت فقدنا شـــعاها
رحم الله ابو سلطان كان من ابرز فرسان ال مسعود .
3) الفارس المشهور عايض بن فهيد ابن عبّود (ابن حركه) وأخوه ناصر بن فرج ابن عبّود الملقب (بالنادوق) وأخوه كميخ بن فهيد ابن عبّود وقد ردو غزو قبيلة سبيع كاملة وهم لا يتجاوزون الثمانية فرسان وكلهم يقال لهم ال سعد بن فهيد (فرسان الشمال من ال عبود) ولهم قصه قديمة مع شيخ الخنافر ابن سفران أطنه جمعل أو ذياب واحد منهم. من قصصهم أن ردو غزو السبعان على راس شيخهم فيحان بن باحص شيخ السوده وقيل فيها قصيدة/
يابسيس قرب بكرتك ذلحين**** اسلم وسلمني على الظفران
يابسيس ردلهم سلام(ن) زين**** السربـه الي لحقوا السبعــان
يانــفدا الـي ردهـم حـافـيـن**** حتى النسيب مجرد(ن)عريـان
يالي بعد في مالهم مشفين**** تسلفوا لمسلم(ن) حذيـــــان
خلوا مناحي في مداس الخيل****في ورد ربعن في اللقا شجعان
لعيون ملحا" نيها ردفين**** لحقو وردهم مع الذيدان
عادتنا نقضي رمسوس الدين**** لا مامسكنا سبرة النيشان
ذيب الحصاصه مهتجا في الليل**** او ذيب المصامه ممسي شبعان
(وفيحان بن باحص) كان نسيب لهم ويقال إنه كان متزوج منهم لانه يخشى فرسانهم فكان يجيهم (بحكم إنه نسيب) لسبب أنه يبي (يتجسس عليهم) ليعرف قوة فرسان ال مسعود وال عبود وفيحان بن باحص من أدهى الرجال ولكن ال عبود ردوه هو وربعه في الوقعه اللي صارت بينهم.
وقام بنفس التجربة (الشيخ الفديع بن باحص) ولكن المره ذي كانت بفرسان أكثر من اللي جابهم الشيخ فيحان المره اللي قبلها والدليل على الكلام هذا إن ال مسعود ضاعت ابل لهم قبل 40 سنه وراحو يدورونها في ديار سبيع اهل الوديان وعينوا لهم رجال سبيعي شايب (عود) وجهه عريض وايديه عراض وجوه ال مسعود وخذا حمايض علومهم وعلموه بانهم يدورن ابلهم الضايعه قال الشايب ما شفنا شي قال وش انتم؟ قالو قحاطين قال السبيعي من انتم من قحطان قالوا جحادر قال السبيعي من انتم من الجحادر؟ قالوا حنا من ال مسعود على الشر والخير فضج السبيعي واعتزا (بابن شديّد) ورد لسلاحه وقام ينطق بكلمه وحده ويرددها ال مسعود ال مسعود ال مسعود الرياجيل بغو يذبحونه يحسبون وراه علم وشافوه شايب ورحموه ونشدوه وش علمك يا عود؟قال ال مسعود الله لا يوفقكم وقام يدعي ويعتزي قالو علمنا بعلمك قال: سنه من السنين على عهد (الفديع بن باحص) غزانا على ال مسعود وسبيع على (6 بيارق) وقايد البيارق كلها (الفديع ابن باحص) وقام يدعي السبيعي على ابن باحص ان الله لا يوفقه يقول غزو سبيع ببيارقهم وخذو ذود ال مسعود كله ماخلو منه حوار وشافوهم ال مسعود وخلوهم يوم قفوا السبعان بالبل يحلف السبيعي يقول والله ماجانا من ال مسعود الا (6 خيول) مردوفه كل خيل فوقها (رجالين) وحوطو بنا من كل جهه ويقول الشايب ان واحد من البيارق كان عليه رجال من جدانه او عمانه ومعه بعير ما يسبقه حافر يقول الشايب:يوم تحاودو بنا الريمن اجيل قامت كل فرس فوقها رجالين تخرق صفوف البيارق وتظهر من طرفها الاخر واول من طاح السبعان عم او جد الشايب اللي يسرد القصه اللي يقول بعيره مايسبقه سابق ويحلف يقول والله ما عهدناه الا شواه طايح في الارض قد حولو به ال مسعود من بعيره وردو ال مسعود البل كلبوها مانقص منها حوار.

_________________ تــوقــيـع

رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه =الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــزًزني الله والــزياده عــندي = إســم الله الأعــظم هوالرحماني

عاصي الشعراء

عبدالله بن فراج بن شويمي العلياني

بعض الإضافات على تاريخ علم من أعلام قحطان :
من قادة (جيوش الإخوان) القائد الشيخ محمد بن جعفر بن عبود الملقب (بعوير ابن عبود) لأنه كان كريم العين،، وعوير معروف عند قحطان وغير قحطان ،،، ومن قصصه رحمه الله أنه كان في هجرة المنيصف يصلي بربعه ويوم سلم من الصلاة جوك رجال الملك عبدالعزيز يطلبون أحد رجال الشيخ محمد بن عبود (سحيمي جحدري) وكان الملك عبدالعزيز غاضب على السحيمي ويبي يذبحه ،،، فيوم طلبو رجال الملك عبدالعزيز من عوير بن عبود تسليم الرجال عيّا محمد عليه وطرد رجال الملك عبدالعزيز وأغمى على (عوير) وطاح في محله (يجي يوم كامل) وبعدها زعل عوير بن عبود من الملك عبدالعزيز وظهر من (المنيصف) في نجد وتوجه إلى تثليث وعرف الملك عبدالعزيز إن (عوير) محمد بن جعفر إبن عبود بينقلب على حكمه يوم رفض أمر الملك عبدالعزيز بتسليم (القحطاني)،،، وباعتبار إن عوير بن عبود كان أحد قادة الإخوان فكانت الحكومة وقتها تتحسب لإنقلاب عوير إبن عبود على الملك عبدالعزيز ويوم درى الملك عبدالعزيز أن عوير بن عبود راح لتثليث قال الملك كلمته المشهور (((جيبو لي محمد بن جعفر حي والا ميت والله ما يدوم حكمي وعوير حي))) وحاولو رجال الملك عبدالعزيز إنهم يجيبون عوير إبن عبود للملك عبدالعزيز ولا دسمو ،،، وتوفي عوير بن عبود رحمه الله في تثليث،،، وبعد وفاته رحمه الله جاك أحد رجال الملك عبدالعزيز يبشر الملك عبدالعزيز بموت عوير بن عبود فصفقه الملك على وجهه وقال (((والله اللي مات رجال))) وبالنسبة لقادة الإخوان الذين أنقلبو على حكم الملك عبدالعزيز كثر منهم/// إبن حثلين (ابالكلاب) وابن لامي والدويش وابن خثيلة والشيخ (الدّهينة) ومن ضمن اللي انقلب على حكم الملك عبدالعزيز من (ال عبود) وكان في صفوف جيش (الدّهيّنة) عقاب بن هديف بن عبود ونسيبه الفارس حزام بن مجرِّي من ال عايض بن مرزوق ال مسعود وحزام هو اللي عقّر اكثر خيل الملك عبدالعزيز في معركة الدهّنة ضد الملك عبدالعزيز والسبب في وقوف ابن عبود وابن مجرّي في صفوف جيش الدهيّنة إن (الدهيّنة) وال مسعود أبوهم واحد وعزوتهم وحدة (خيالة الشرفا) فكانو فالحرب ما يتواخذون بل العكس صحيح كان كل منهم عوين للثاني،، وأما بالنسبة لقادة الأخوان الذين لم ينقلبو على حكم الملك عبدالعزيز من ال عبود فهو (الأمير معيض إبن جعفر إبن عبود)،،، فكان سياسي محنّك فاعطاه الملك عبدالعزيز اللي يبيه وكان من أكثر الرجال اللي يجلسون في مجلس الملك عبدالعزيز رحمه الله وأنا قرأت في كتاب قديم والله ما يحضرني إسمه ويذكر الكتاب 8 أو 10 أسماء أكثر الرجال اللي يجالسون الملك عبدالعزيز وكان (معيض ابن عبود) الاول في القائمة،،، وكان الملك عبدالعزيز ما يسمي معيض ابن عبود إلا (الأمير) ويوم من الايام جا أحد الزوار الغايرين من معيض ابن عبود للملك عبدالعزيز بعد خروج معيض من المجلس وقال للملك عبدالعزيز (((يا طويل العمر انت وش تبي بذا البدوي))) ومن حنكة الملك عبدالعزيز ومعرفته بالرجال قال: (((يا فلان والله يا معيض ذا اللي تشوفه لو ماهوب ببدوي مثل ما قلت كان حكمها من البحر للبحر))) رحم الله الملك عبدالعزيز،،، وقادة الإخوان اللي لم ينقلبون على حكم الملك عبدالعزيز كثر ولا استطيع حصرهم وانتم أعرف مني بهم .
وعــــــــــــــــــــــــــــــفـــــــــــــــــ ـــــــــــــــــــــــــــــــــاكـــــــــــــــ ــــــــــــــــــــــــــــــــــــــــــــــــــ ــــــم .

مشاركة باقلم الشرفاء عزوتي

يعاااااااااد

_________________ تــوقــيـع
عااااصييييييي الشعراء
حـنـا الـجـحادرمن يـكـابرمن الـناس ... حـدًالـسـماء مـحـيطنا مــن يـجـاري
حـنـا الـجحادرمن يـكابرمع الـساس ... الله خــلــقــنـا رادتـــــــه مـــانـــداري
حـــد الـسـمـاء هـامـاتنا عـزنـوماس ... نـزل الـصواعق مـن سـمانا حـداري
حنا بني مضيم التغطرس تغطراس ... حـنا هـل الـتوحيد رمز(ن) إشعاري
حـــنــا أمـرنـزمـرزمـر قــــوًة الــبــاس ... حـد الـسماء فـوق الـنجوم الدماري

» قبيلة آل مسعود آل لجمل جحادرقحطان"
» قصة وقصيدة لتركي ابن قرواش ال مسفّر ال مسعود الجحادر
» الشيخ بن عبود قاد جميع قبايل قحطان عام 1337هـالساكنين في تثليث
» ((قناص قحطـــــاني)) إشتهررماة آل مسعود آل لجمل الجحادرعلى كل الرماه
» عقاب بن مناحي بن عبود آل مسعود ال لجمل جحادر قحطان