كاسبين الطيب (بقلم النويري)

قصيده للشاعرالشاب /بندر بن محمد بن مبارك بن دعيرم في جماعته ال نويره .
مـرحبـا باللي لفـانا في مـحـلـه .. وقال جاكم فدوةٍ حالي ومالي .
بيض الله وجه ربعي المسفهله .. معربين الجد من عـم وخـالي .
سعد عينه من لبسهم محزمٍ له .. كاسبين الطيب من أول وتالي .
واضحين في السماء مثل الأهله .. في صحو والا بعد فيها خيالي .
من حضر ملفى ال روق الريق بله .. شاس راسه واعتزى بالصوت عالي .
كأنـهم سيـلٍ هدر ما جاه شلـه .. يوم صفّوا واثبتوا مثل الجبالي .
النويري إذا بغى علم وصل له .. ياصله لوكان في روس الطوالي .
المعاني مثل سيفٍ يـوم سـله .. والشعر واقع ويبـنى من خـيالي .
ما مدحت إلاعلى مذهب ومله .. السعيد اللي طلب عفو الجلالي .
ومن ثم جارآه اخوه دعيرم بتلك الأبيات : ـ
عنوانها , هل البـيـرق .
بندر المنعور مدحك في محله .. عزوتي ربعي تراهم راس مالي .
النويري ســعد منهم محزمٍ له .. ما يشيل الحمـل يا كود الجمـالي .
أفتخر فيهم وأشيل الحمل كله .. يوم قالوا حـاضريـن ولا تـبـالي .
يوم صفوا صفهم ما فيه خله .. ما تـكدر خـاطري والـهـم زالـي .
هم هل البيرق ونشهد يوم شله .. يوم فارسهم طلع في رجم عالي .
احمد المعبـود جالي كـل عـله .. شاس راسي قلت حي الي عنا لي .
بندر أذكر راعي الفزعه وقله .. بيض الله وجه شـالح يـوم جـالي .
ما تعذر قـال مرسـمّكم نـدله .. ســق عليه الطيـب وبهـر له دلالي .
وفي الختام اقول من كابر تدله .. تـرحـمه يا الله يا رب الجـلآلي .

‘‘ شالح ‘‘ هو : الدكتور الشاعر/ شالح بن خريزان بن سفران .

المصدر مجلس الخنافر الرسمي
http://www.al5nafer.com/vb/showthread.php?t=18341