قصيدة مطيري في عايض بن نايف ال ابو سنون ال مسعود اللي ضرب أروع الأمثلة في حفظ الأمانة

[center]بسم الله الرحمن الرحيم
هذ القصيدة قيلت في أحد رجال ال مسعود/ عايض بن نايف من ال ابو سنون ال مسعود القحطاني، والمناسبة أن به رجال مطيري فقد له مبلغ مالي كبير جدا في احد شوارع الرياض وطاح المبلغ في إيد عايض بن نايف أبو سنون وأعاده للمطيري وهو لا يعرفه، وبذلك ضرب أبو نايف اروع الامثال بحفظ الامانه وهو امر غير مستغرب على ابناء قبيلة قحطان، فتمثل الشاعر / عبدالرحمن العقيلي المطيري صاحب المبلغ الفقود بهذه الأبيات :

يـالله يـامــرسل جمــيع النبــييـن___يـامنزل الانـــفــال والعــصر والطـور
يلي ذكرت الامـن في ســـورة الـتـين___تـجعل وطـنا في حمايتك مبرور
لاضـاع حقك واخـتفى منــك في حــين____وامسيت من همك من الغبن مقهور
واليا غدا لك شي واغفي عـن العيـن___في شارع(ن)مافيه حارس ولاســـور
ابشربها لاجـــات بـ أيـــدي المــــياميـن___اللي لـهم حــل الصعيــبات دسـتــور
يوفي بهــا الطيــب ولــو هـي مـــلايـين___لو كان رجـل(ن)داهــلن حـاله الجـــور
ويطمع بــهـا المسكين لــوهــي ريـالــين___لوكـــان يملـك لــه بــساتـين وقــصـور
يـديـن تبحــث في خــفـا الـناس ويــدين___تحـفـــظ حقـوق الناس والحــال مستور
رجـل بــلاذمه تـعـــوود عـــلى الشــين___يسرق ولــو هو بـ اعين الناس منظــور
ورجل بـشهــادة يــظــهر الـحـق ويـبين___ورجـل على وضـح النـقـا يشهـد الــزور
زيــزومــهـا نـجــل الـرجـال المـسـمـين___العارف الــلـي يبــدي الــراي ويـشـور
يخشى مـن الـرحـمـن في سـاعـة الـليـن___شــاور ضـمـيره واعتمـد فـكره الـشـور
حمل الامـانه حـسب مـاجــابــه الــدين____الارض عــييت والـسمـا صـار معـــذور
يــامرحـبا يلي عـلى الطــيب ضـاريـن___من خــاطـرا سـامـح وصــادق ومسـرور
(عايض ابن نايــف)وهـــالاســم يكـفــين___مشـكـور لو هـي مـاتكـــفيك مشكـور
اوفيـت لـك بـحقـوق نـــاس غــريبين___راعـي وفــا والــك الــوفـــا وافي شـــبور
قــحطــان في حـــفــظ الامـانـه موصين___العود منــكم يــعطي عــياله الـــــدور
مـن قـوم بن هــادي زعيـم السلاطـين___الـلي لــه اســم في سمـا المـجـد محفــور
يــاكــم تــدارت واستجــابــة ميـادين___بـ أيـــد قحــطان وقـوبــل الشر بشــرور
من فعلهم شبعـت سباع الـسراحـين___وشبعت طيور وحــام من فوقــها طـيور
يـامن خبر حي(ن)بــكى نــاس حيـين___عــاف المــنام وفـــز مرتــــاع مـذعـــور
رجــالهم يبكــى قبـل مـوتـــه يحـيين___علـما صـحيـح بصــفحـة المــجد مذكــور
ريـــف الــضيــوف ودرع دون المـوالـين___زبن الـدخيل اللي على الـــظيـم مجبور
القـاف يسعــد لامـدحــت الـقحــاطـين___الصعب منــهـا يــعتبر سهــل ميسـور
الـيا طــرا لي مدح واحتـجـت بيـتيـن___جــابـت ريـــاح الشعـر مـليـون طـابـور
وان جيـت انـقي بينهـا وافـرز الزيــن___مــااحتـــاج لا لـجــنه ولا راي دكتــــور
اكتــب وزينــها مـــع الــله وتـــزيـن___وابغـى السماح الـيا حصــل مني قصـور
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
الشاعر/عبدالرحمن العقيلي المطيري

[/center]

» (ربعك بني مسعود مثل الشياهين)الشاعر دايس بن عايض آل مسعود
» هذا ولد فراج والمدح يزهـاه(مسعود عايض آل مسعود(الإمبراطور)
» عايض بن ناصربن نايف آل سفران آل عليان
» هنا قصائد الشاعر/ دايس بن عايض آل مسعود
» القصيدة الشامخة في الإمبراطور الشامخ مسعود بن عايض القحطاني