مطلوبه من كبار الشخصيات وإليكم
القصيده وقصتها سيًرت على أحد الأصدقاء ووجدت أبوه عنده ضايق ومحزن وقلت علام الشايب فقال الولد
جبته من حلاله من البر وبعدها مثل ماترى وذكرت ابوي رحمه الله بعد ماجبته من إبله في فيضة الخفس
الى قصره في الرياض وبعدها تضايق وجاه السكر والضغط وقلت الصديقي لي طلب عليك فقال تم فقلت إتودي
ابوك الحلاله وبعد ماوداه أنبسط وراحة الضيقه وتمثلت بهذه الأبيات
((الله يرحم شايبن في بيته الغربي حزين))
ياشايب الرحمان ياللي فالبلد مثل السجين= حافظ على روحك قبل ضغط المدينه يضغطه
إخذ النصيحه والعلاج ولانبي رد الثمين=ترى كبير السن لو قصره جديد(ن)مغبطه
إن كان تبغاء العافيه فتبع إمهجرعة الحنين=والبيت الأسود في الفياض الخضر دقه وربطه
البر يشرح خاطرك ماهوب سوق إمفحطين=زودن على اللي كورته في كل باب تعبطه
جميع شيبان البدو طول السنه مستانسين=مايغبطون التاجر إبتجرته واللي قلًطه
أهل البيوت اللي مجالسهم على تقوى ودين= سوالف تشرح ضميرك والفواد إتنشطه
ولياحصل بعض الزعل فرحل مع اللي راحلين=ماهوب صبه من حديد وبلبلك إمحوطه
الله يرحم شايبن في بيته الغربي حزين=بين اربع الجدران وفراشه بلاط مبلطه
ماعاد عيًن خير عقب الخفس وفياض البطين=القصر زوًد علًته والحظ الأقشر لخبطه
مع تحيات شاعر الوطن
محمد بن محسن بن هزاع بن عبود السهلي
