((الي يعد الأسم كامل عرفناه))
الي يعد الأسم كامل عرفناه = ولي يخلي ابوه محد(ن) درابه
يا رخم بعض الناس يا ناس رخماه = متشابة جي الولد مع غيابه
عزاه يا بعض المخاليق عزاه = عقله ضعيف ومرزقه من هبابه
ما يدري ان ابوه والجد مركاه = من دونهم وش حضرته وش جنابه
يا منقص اسمك منت للناس مشهاه = كلن عرف وسمه وعرفت اركابه
هاذي نصيحه للجماهير مهداه = ومن برهن اسمه كامل يا مرحبابه
يا اهل الوجيه البيض مابه مخاشاه = كلن على جسمه يفصل ثيابه
من وضًح اسمه نفتخر لاقريناه = نفرح بربع (ن)ماقربها التشابه
اللي يبينا بالرضانتبع إرضاه =نقدره تقدير ونحسب حسابه
شاعرالوطن المخلص وشاعرقبيلة السهول
محمد بن محسن بن هزاع بن عبود السهلي
