بين ابن حميد شيخ عتيبة وابن هادي شيخ قحطان..
شيوخ من مشايخ قبائل كبار وهم شيوخ وفرسان وشعراء جمعوا بين الفروسية والزعامة والشعر فالاول هو الشيخ الفارس الشاعر / تركي بن صنهات بن حميد شيخ قبيلة عتيبة على وقته
والثاني هو الشيخ الفارس الشاعر / محمد بن قرملة بن هادي شيخ قبيلة قحطان على وقته واثنينهم ونعم الرجال ..
وهذه قصيدة قالها الشيخ تركي بن حميد هو مرسله لابن هادي في وصف قبيلته ويحتسي عن بعير خرافي جـــاء من لقاح نعامة وبعير وحتى ان بعض الربع يزوله ان هالقصيدة مداعبه او مزوح بين الشيخين مار هي وصف من ابن حميد لقبيلة عتيبة واتساع ديارها وكبرها واسلوب القصيدة شوي غريب كن به نوع من المداعبة ، فرد عليها ابن هادي بنفس الاسلوب وهذه قصيدة ابن حميد :
يا راكب اللي مايداني الصفـــــيري=هميلع من نقوة الهجن سرســــاح
امه نعامة واضربوها بعيـــــــــــري=جاء مشبهاني على خف وجنـــاح
عليه خرج من سلوك الحريـــــــــري=وسفايفه مثل الغرابين طفــــــــاح
يسرح من الطايف ويمسي البصيري=والسوق والبصرة يدهجهن بمرواح
مزهبك ياراعيه تمر ومضيـــــــــري=وإحذر تشب النار يجفل من الضاح
وإلى ورد يشرب ثمانين بيـــــــري=غـرافهن تسعين ودليهن مـــــــاح
رجليه بالحرة وصدره يسيــــــــري=ويشرب براسه من على جمة رمـاح
يا ويش هو شي طويل قصيـــــري=يسبق زعاجيل الهواء يوم تنــــداح
فرد عليه إبن هادي :
يا تركي بن حميد وش ذا البعيـري=ما تجلبونه كان تبغون الأربــــــاح
لاعاد له خف وجناح يطيـــــــــري=أنا أذكر الله راكبه كيف ما طــاح
يا ربعنا يا كبر كذب الأميـــــــري=و ياحلو كذب مروية علط الأرمــــاح
كيف النعامة نوخت للبعيــــــــري=أقول ذا كذب على الناس فضـــــاح
_________________ تــوقــيـع
|
رجــواي بالله مــارجيت الحاكم = لــوهو مــلك الــمملكه ســلماني كيف أرتجي مخلوق حالي حاله = مــايــمــتكن ردالــقــدرلاحــاني لاكــن له الطاعه قديم وحاضر = مــانخلع الطاعه مثل الإخواني رجــواي بالله مارجيت العصبه = الــعصبه الــلي شانهم لي شاني رجــواي فــي للي لاأمرسبحانه = ســبحان من أمره يكون وكاني عــززني الله والــزياده عــندي = إســم الله الأعــظم هوالرحماني أنت الزائر |