يابن شبله ياعلي ساس المقر

(يبن شبله ياعلي ساس المقر)

مرحبا ياشاعر براسـه سطـر= معتلي فوق النوايـف طايـلات

هاض مابي وصخريلي من حجر= لمري وطوعي تجي مسترسلات

زان نظمـي للقوافـي بستمـر = والعلوم الطايله حنـا العصـات

ماعليكم زود ياسـاس الفخـر = وقت ماضي واليـال المقبـلات

ياعبيـده ياعبيـده ياجـحـدر = كلنـا قحطـان بلعلـم الثبـات

يابن شبله ياعلي ساس المقـر = من صقور فوق كل الحايمـات

حن بني قحطان وخطر من خطر = الزلازل والصواعـق مرجبـات

حن عناوين التواريـخ الشعـر = برهني يافعالنا صـح الـروات

يانجوم في السماء رغم البشـر = والبرايا رغمها حنـا الهـدات

والفروض الواجبه سر وجهـر = والعلـوم التايهـه للجالـيـات

مايصح الوقـت لامنـه قصـر = كود منهو في سفر بيّة جهـات

رادت الله شايته سطح القمـر = ولجسر عبر البحور الطاميـات

ياجهنم فـي لضاهـا تصتقـر = حن عذاب ارهابهم ويا الطغات

ياعبيـده ياعبيـده يالصـقـر = ياقحطان بجمعهم وادي السرات

مانخون املوكنا والـي الامـر= نحتري رمز الاشـاره مانبـات

والصدى يسمع صدا نا معتبـر = يالحون السامري عبر القنـات

مع تحيات عاصـي الشعـراء

عبدالله فراج العلياني القحطاني